LIVRE V, CHAP. XXXIIL

laing, lequel par sa vaillance, icellay jour, feut

: [1465] , tourna, et avecq luy quatre mille combattants,

mais ce feut après que ung hérault luy vint

dire que le comte de Charrollois se combattoit encoires, et qu'il avoit gaigné la bataille. Du costé du roy print la villaine fuite le comte du Maisne , frère du roy de Secile , oncle du roy; le seigneur de Montauban, admiral de France, le capitaine des archiers du roy, et aultres sans nombre, et jusques au nombre de huict cents - Jances ou plus, quy touts tournèrent vers Estampes, sans nuls d’eulx retourner d’ung costé et d'aultre. Touts les chemins estoient couverts de bagues, comme malles, bouges, vaisselles, joyaulx, harnats, chevaulx que laissèrent cheoir les fuyants, et nuls d’eulx n’avoient loisir de recoueillir, de paour qu’ils avoient , car d’ung costé et d’aultre, il sembloit que les ennemis feuissent à leurs tallons, et sy ne les suivoit-on pas. Et combien que d’ung costé ou d’aultre y olt moult de fuyants, toutesfois s’assemblèrent lesdicts deulx osts ensemble, et se commença la bataille cruelle et horrible de ceulx quy estoient demourés; et la olt mainte bataille faicte d’ung costé et d’aultre. Le comte de Charrollois entre les aultres s’y porta valliamment, et donnoit courage à ses genis, en disant : «Or, “avant, mes amis, deffendez vostre prince, et « ne le laissiez en dangier ; je ne vous laisserai « jusques à la mort; voyez moi cy, pour vivre et «mourir avecq vous. » Par sa valliance, non doubtant son corps, se frappoit partout tellement qu'il feut blescié d’ung coup d’espée ; et luy cuida-t-on copper la gorge; mais pour ce ne laissa, tout blescié, de se frapper en la bataille, et à donner couraige à ses gents. Par sa valliance et parolles, donna tel couraige à tant peu de gents quy luy estoient demourés, que chascun sy boutta hardy comme ung lion, sy qu’ils rebouttèrent les gents du roy, et feut l'avant-garde ruée jus ; et là mourut ung sage, valliant et noble chevallier, nommé messire Pierre de Brésé, séneschal de Normandie, deulx aultres valliants et hardis chevalliers, lung nommé Flocquet, et l’aultre Chiefroy Lahire, avecq plusieurs aultres chevalliers et nobles hommes d’armes, jusques au nombre de trois cents lances ou plus, lesquels se férirent sy avant en la bataille qu'ils ne peulrent retourner. À ce commencement aussy feurent occis du costé du comte ung noble et valliant chevallier, nommé messire Philippes de Lal-

en partie cause que les gents du roy feurent rebouttés; et y feit moult de valliance. Aussy y moururent le seigneur de Hames, hardy chevallier, messire Philippes d'Ongnyes, chevallier, le fils du seigneur de Saucourt, le fils de messire Regnault de Raisse , ct aultres chevalliers et gentilshommes, dont je ne scay les noms, avecq grand nombre de valliants et hardis archiers ; et feurent les morts estimés, tant d'ung costé que d’aultre, de trois à quatre mille demourés morts en la place; et ne peut-on oncques scavoir duquel costé il en mourut le plus, car sitost qu’ils estoient abbattus ou morts, ils estoient dépouillés tout nuds; et par ce ne pooit-on cognoistre de quel costé ils estoient. En ceste bataille feurent prins le seigneur de Crièvecœur, quy s’y porta comme valliant et proeux chevallier, et en blessa plusieurs ains { qu’il peust estre prins. Sy feut prins le seigneur de Miraumont, le seigneur de Brouay, le seigneur du Bois, le seigneur de Montcaurel et aulcuns aultres, touts lesquels estoient avecq le comte de Charrollois. Et des gents du costé du roy feurent prins, le comte de Vantadour, le seigneur de Barbasan, quy feut ung jour et une nuict avecq les morts sans avoir cognoissance, et aultres. Quand le roy de France perceut que ses gents estoient rebouttés, et oyt que aulcuns de ses gents luy dirent que on disoit, parmy son ost, que il estoit mort, on dit qu'il se frappa dedans ses gents, et osta sa salade de dessus sa teste, et disoit à ses gents : « Mes amis, voicy vostre roy; « deffendez-vous de bon cœur, je ne suis point « mort; et s’y porta très valliamment jusques à ce qu'on luy vint dire que ses gents s’en es. toient fuis. Lors se retrait sur le Mont-le-Héry tout dessus; et illecq feut une espace de temps, durant lequel temps le remanant3 de ses gents combattoient ; et se recueillirent tellement qu’ils se retrayèrent sur le mont où le roy estoit. Le comte et ses gents demoura en la place, moult joyeulx de sa victoire; et se rallièrent ensemble, et se remirent en bataille, attendants et cuidants que le roy et ses gents derechief leur deuissent venir courre sus. La bataille dura jusques à sept heures du vespres ; le roy se tint sur le mont depuis environ sept heures jusques soleil couchant, qu’il se partist du mont et ar-

(t) Avant. 2) Reste.

riva, environ dix heures en la nuict, en la ville de Corbeil, à six lieues du Mont-le-Héry, atout bien peu de gents, car plusieurs de ses gents s’en estoient fuis, que on ne scavoit où. Le comte quy, jusques au lendemain au poinct du jour, s’estoit tenu en bataille , attendant le roy, cuidant qu’il feust encoires sur le mont, feut adverty de la despartie du roy, mais il ne volt souffrir que on allast après eulx, craindant les embusches, non scachant encoires la villaine fuite des gents du roy, desquels auleuns fuirent sy loing qu'ils ne cessèrent fuire jusques à Amboise, disants partout où ils passoient que le roy estoit mort ct descontit. Le comte alla le lendemain sur le mont, où il trouva plusicurs chechenès ‘ plains de morts ; et combien que aulcuns disoient que les François les y avoient jettés,affin que l’on ne sceust combien de gents de leur costé y estoient demourés, toutesfois à la vérité on ne scavoit sy c’estoit des gents du roy ou du comte, car le jour de la bataille y olt dedans la ville sur le mont grande occision.