LIVRE I, CHAP. XX

quy en fut le capitaine, messire Guillaume Cousinot, nouvel bailly de Rouan, lequel estoit vestu de velours bleu , son cheval enharnaché pareil, à grandes affiches d'argent doré. Puis après vindrent les gens d'église revestus de cappes , en moult grande multitude , tant séculiers que religieulx, chantants et portants les reliques avecques la croix, en chantant le Te Deum laudamus. Et ainsy entra le roy par la porte Beauvoisienne, et là feut faict chevallier par le séneschal de Poitou ung josne enfant, fils du sieur de Précigny, agé de douze à treize ans. Ceulx de la ville et cité feirent porter ung ciel sur le roy, par quatre des plus notables de la ville, ct fcirent tendre le boullovertdeladicte porte, l'entrée et tours d’icelle , de drap de la livrée du roy , et ses armes au milieu; et par où il passoit estoient les rues toutes tendues à ciel et couvertes moult richement. plaines de peuple criant Noël! Par les carrefours avoit personnaiges ; entre les autres une fontaine armoyée des armes de la ville, quy sont Agnus Dei, jectant beuverages par les coins ; ailleurs avoit ung tigre et les petits qui se miroient en miroirs; et au plus près de Nostre-Dame , avoit ung cerf vollant moult bien faict, portant sur son col une couronne, quy s’agenouilla par mystère devant le roy, quand il passa par là pour aller à l’église. Le roy descendit à ladicte grande église de Nostre-Dame, où il feut receu par l’évesque et touts ceux de l’église richement revestus ; et là feit son oraison, puis s’en alla à l’hostel de l’archevesque , où il feut logié , et chascun en son logis. Ceulx de la ville feirent grande feste erste nuict, et feirent grands feus par toutes les rues, jusques au vendredy ensuivant ; et le lendemain feirent procession générale et solempnelle où feut le susdit archevesque; et gardèrent la journée de toutes œuvresterriennes. Pareillement, le mercredy et jocudy ensuivant, les tables estoient mises, et vin et viandes dessus, emmy les rues, à touts venants. Ils feirent des grands dons au roy, à ses officiers, ses héraulx et poursuivants quy là estoient ; puis proposèrent devant le roy de France, les gentsde l’église et de la ville, et aultres bourgeois et marchands, luy remonstrants qu'il ne laissast pas pour l’hyver à faire la guerre et poursuivre ses ennemis les Anglois; cat par le moyen des villes qu’ils tenoient encoires en Normandie , polroient faire plusieurs énormes

maulx au pays ; et, à ce faire, luy offroient l’aider et de corps et de chevance. Le roy, lequel estoit en sa chayère couverte de riche drap d’or, assis en la salle de l’archevesque , les oyt bénignement et volontiers, puis feit faire la response par son chancellier, tellement qu'ils en feurent très contents.