CHAPITRE XX

Comment le roy fuit son entrée en la cité de Rouan, ct comme Ï y feut reccu,

Après ce que dict est, en moult grande joie et liesse feit le roy de France sa feste de Toussaints audict lieu de Saincte-Catherine, près de Rouan; puis se partit le lundy ensuivant, vingtiesme jour du mois de novembre, veille de Sainct-Martin d’hyver, pour entrer en la ville de Rouan, accompagnié du roy de Cecille et aultres seigneurs de son sang cy-après nommés, en moult grands et riches habillements les aulcuns eux, et leurs chevaulx couverts de drap de damas et de satin en maintes guises, les aultres à grandes croix blanches, et les aultres aultrement. Entre lesquels, après le roy de France, estoient en plus grands habillements, les comtes de Sainct-Pol et de Nevers. Le comte de Sainct-Pol estoit armé tout au blancq, monté sur ung destrier enharnaché de satin noir, semé d’orfévrerie ; après luy ses pages vestus et leurs chevaulx harnachés de mesme comme celuy de leur seigneur, dont lung portoit une lance couverte de velours vermeils; le second, couverte de drap d'or ; le tiers, ung armet en la teste tout de fin or richement ouvré; après estoit le palefrenier richement vestu et harnaché comme les aultres pages, lequel menoit ung grand destrier en main, tout couvert de drap d’or jusqu’aulx pieds. Le comte de Nevers avoit douze gentilshommes après luy, leurs chevaulx couverts de satin vermeil à grandes croix blanches. Le roy de France estoit monté et armé de toutes pièces, sur ang coursier couvert jusques aux pieds de velours d'azur, semé de fleurs de Îys d’or de brodure ; en sa teste avoit ung chappel de velours vermeil, où avoit au bout une houppe de fil d’or ; après luy ses pages vestus de vermeil , les manches toutes couvertes d’orfévrerie , lesquels portoient ses harnois de teste couverts de fin or de diverses facons et plumes d'autruche, de diverses couleurs. À sa dextre estoit le roy de Cécille, à sa senestre, le comte de Maine, son frère, armés tout au blancq, leurs chevaulx richement harnachés et couverts de croix blanches, semées de houppes de fil d’or, et leurs pages semblablement. Après estoit le comte de Clermont, et aultres seigneurs de France, chascun selon son degré, moult richementhabillés. Le seigneur de Cullant, grand-

maistre-d’hostel, venoit après , armé de toutes pièces, sur ung coursier moult richement couvert, en son col une escharpe de fin or pendant jusqu’à la croupe de son cheval, et devant luy ses pages; lequel estoit gouverneur de la bataille, où il y avoit six cents lances, et en chascune ung panoncel de satin vermeil, à ung soleil d’or. Derrière le grand-maistre-d’hostel estoit ung escuyer quy portoit l’estendard du roy de France, lequel estoit vestu de satin cramoisy semé de soleils d'or, et joindant de luy estoient les six cents lances ; ang peu devant estoit Son escuyer tranchant, monté sur ung grand destrier, quy portoit le penon, lequel estoit de velours azuré à trois fleurs de lys d’or de broderie, bordées de grosses perles. Devant le roy, tout joignant, estoit Le seigneur de Saincte-Traille, bailly de Berry,etgrand-escuyer du roy, tout armé au blancq, monté sur ung grand destrier, enharnaché de velours azuré à grands affiquets d'argent doré ; lequel portoit en escharpe la grande espée de parement du roy, dont le pommel, la croix et le morges et la boutterolle de la gayne , estoient d’or, ct la couverture de la gayne estoit couverte de velours azuré, semé de fleurs de 1ys d’or. Debvant luy, au plus près, chevauchoit Picrre de Fontenay, escuyer d’escurie, armé, monté et enharnaché comme l’aultre ; et en sa teste ungchappel pointu et ung mantel de velours vermeil, fourré d’hermines ; lequel portoit en escharpe ung autre mantel de pourpre fourré d'hermines. Debvant icelluv estoit Guillaume Juvenel des Ursins, chevalier, seigneur de Traynel, et chancellier de France, vestu en estat royal, de robbe et chapperon fourré, et ung mantel d’escarlate ; devant luy une hacquenée blanche couverte de fleurs de lys d’or de brodure sur velours azuré pareil du roy, et dessus icelle couverture ung petit coffre semé de fleurs de lys d’or : auquel coffre estoient les grands sceaux du roy de France ; et menoit icelle hacquenée ung varlet à pied, en main. Joignant icelle hacquenée estoient plusicurs héraulx et poursuivants du roy, et aultres seigneurs quy la estoient, richement habillés et vestus de leurs cottes d'armes; et devant eux estoient nœuf trompettes atout les bannières de leur seigneur et maistre, lesquels suivoient les ungs après les aultres. Après alloient tous les premiers, les srchiers du roy de France, vestus de facquettes de eou-

leur rouge, blancet verd, semées d’orfévrerie; après, ceulx du roy de Cécille, du comte du Maine, et plusieurs aultres seigneurs d'’icelle compagnie, jusques au nombre de six cents archiers bien montés, touts ayant brigandines et jacquettes dessus, de plusieurs et diverses facons, harnois de jambes, espées, dagues et harnois de teste couverts et tout garnis d'argent ; et les gouvernoient les svigneurs dePoilly et de Clère , messire Théaude de Valpergue et aultres, quy avoient leurs chevaux couverts de satin de diverses manières et couleurs. Le roy de France chevaucha en telle manière et ordonnance jusques près la porte Beauvoisine, du costel des Chartreulx. Et là vint au-debvant de luy l’archevesque de Rouan, accompagnié de plusieurs abbés, évesques, et aultres gens d'église constitués en dignité ; lesquels luy feirent la révérence moult honnorablement, et s’en retournèrent. Incontinent après vint le comte de Dunois, lieutenant général du roy, monté sur ung cheval couvert de velours vermeil à grande croix blanche, vestu d’une jacquette pareille, fourrée de martres zebelines ; en sa teste ung chappel de velours noir, et à son costé une espée garnie d’or et de pierres précieuses, quy feut prisée vingt mille escus d’or. Icelluy comte de Dunois estoit frère bastard du duc d'Orléans, cousin-germain du roy de France. Avecques luy vindrent le séneschal de Poitou et Jacques Cœur , argentier du roy; parle moyen duquel Jacques Cœur le roy avoit ainsy concquis Normandie, parce qu'il avoit presté au roy une partie des deniers pour payer ses gents d’armes; laquelle armée eust esté rompue, se n’eust esté icelluy Jacques Cœur, lequel estoit extraict de petite génération; mais il menoit sy grand faict de marchandisesque par touts royaulmes avoit ses facteurs quy marchandoient de ses deniers, pour luy, et très tant que sans nombre; et mesme en avoit plusicurs quy oncq ne l’avoient veuf. Icelluy séneschal et Jacques Cœurestoient montés sur destriers vestus et couverts comme le comte de Dunois. Puis vindrent des bourgeois de la cité en grand nombre, vestus de bleu et chapperons rouges, lesquels feirent la révérence au roy, et luy remonstrèrent des choses passées , plusieurs en moult beau langaige, et ils luy livrèrent les clefs de la cité; et les receut bénignement , puis les bailla au séneschal

(1) Voyez dans l'Appendice, le Mémoire sur Jacques Cœur.