CHAPITRE XXXVL

Comment le roy de France se partist de Corbeil et alla à Paris; et comment il envoya l'évesque de Paris devers le comté de Charrollois.

Le roy de France, comme dict est ey-dessus, arriva et entra dedans Corbeil ke jour de la bataille, environ les onze heures de nuict ; auquel lieu il séjourna jusqu’au jeudy dix-huictiesme jour de juillet, lequel jour il partist de Corbeil et s’en alla à Paris, tout selon la rivière du costé vers Sainct-Denys; et entra à Paris celuy jour, à bien petite compagnie, et n’avoit plus de cent chevalliers avecq luy.Quand ceulx de Paris vindrent au-debvant de luy, ung peu hors de la porte, en grande compagnie, le roy, à ceste heure, ne scavoit bonnement que touts ses gents estoient devenus; mais tantost qu’il feut dedans Paris, revinrent ses gents d’armes vers luy et se rassemblèrent à Paris, au moings pour la pluspart. Illecq revinrent touts ses capitaines de gents d'armes, le comte du Maisne, l’admiral de France et aultres; et tant y en vindrent que toute la ville de Paris et autour de Paris, outre la rivière, tout feut plein de gents d'armes. Le comte de Nevers se partist de Compiègne, et alla devers le roy, après la bataille, à Paris ; mais il n’y feut guières qu’il ne retourna à Compiègne, et de Compiègne à Péronne; et ne scavoit-on s’il estoit bien du roy ou non, pourtant que le roy euidoit qu’il deuist assembler grand nombre de gents d'armes des pays racatés, ainsy qu’il faisoit du temps qu’il s’armoit avecq le duc de Bourgoingne; car le plus de gentsde guerre estoient allés avecq le comte de Charrollois, les aultres plusieurs ne se volloient armer d’ung costé ny d’aultre.

Après aulcuns jours que le roy feut arrivé à Paris, il envoya l’évesque de Paris, quy estoit renommé d’estre dévote personne et grand

(1) Rachctés,