LIVRÉ V, CHAP. XXXVI

clercq, devers le comte de Charrollois, Icelluy il octroya ; sy l’emportèrent à Paris. Au deb- ;

évesque, désirant mectre la paix entre le roy et les princes, alla vers le comte, lequel luy donna audience. Sy luy dict que le roy l’avoit envoyé versluy, scavoir quy l’avoit meu d’entrer en son royaulme, et à sy grande armée ; et que le roy luÿ manda que quand il alla ès pays de son père, il n’y alla pas à sy grande armée, mais il y alla simplement et à petite compaignée. Le comte luy seul respondit à l'évesque : que deulx choses le avoient meu d’entrer en son royaulme : la première pour tenir sa promesse et son scellé, que lay et plusieurs princes de France avoient promis ensemble, quy estoit, de eulx trouver ensemble autour de Paris en dedans le jour de Sainct-Jehan-Baptiste , pour le bien du royaulme ; la seconde cause estoit pour ravoir deulx hommes , lesquels estoient soustenus au royaulme. Et de ce qu’il estoit venu à sy grande armée, estoit pour garder son corps, lequel, en son propre pays et héritaige de son père, on le avoit cuidé faire mourir, tant par poison que par espée, et sy le avoit-on cuidé prendre pour le mener en pays estrange ; et que veu ce que on luÿ avoit cuidé faire en ses pays, encoires luy polroit-on faire pis audehors ; sy volloit estre bien accompagnié pour soy garder. Et en tant que le roy lui manda qu'il ne vint pas en sy grande compagnie és pays de son père, lorsqu'il y vint il n’avoit pas la puissance de y venir fort accompagnié ; èsquels pays de son père il feut receu noblement, richement et en paix, et ne luy avoit-on pas faict comme on luy avoit cuidé faire. Dit oultre audict évesque : que ce qu'il estoit entré au royaulme n’estoit point pour \ nuire, mais pour le bien d’icelluy ; et avoit commandé à ses gents que chascun payast ce qu'il ÿ prendroit ; et n”y avoit voullu souffrir y faire aulcun grief ; et sy aulcuns passaiges il avoit prins, sy n'estoit-ce pour luy en faire seigneur ny attribuer à lui, mais seulement pour avoir passaigé ung petit de temps. Au regard de la puissance qu’il avoit amenée, estoit pourtant qu’il volloit bien que chascun sceust qu’il avoit bien pooir de ce faire, et homme pour contrester ! à sesennemis, et aider et conforter ses amis.

Atant se partist l’évesque, sans avoir dudict seigneur comte aultre response.

(1) Contrà-stare, résister.