CHAPITRE XXXVII

Connneut les ducs de Berry et de Bretaigne vindrent et arrivérent à Estampes, devers le comte de Charrollois; et du comte de Charnv, quy feul rué jus par les gents du roy et prins prisonnier,

Après la journée de Mont-le-Héry, le comte de Charrollois, luy et son ost, allèrent à Estampes, pour tirer allencontre des ducs de Berry et de Bretaigne, lesquels se hastoient tellement venir que, le vingt-uniesme jour du mois de juillet, arrivèrent les ducs de Berry et de Bretaigne, accompagniés, comme on disoit, de dix mille combattants ou environ, devers le comte deCharrollois à Estampes. Lequel comte alla encontre d’eulx au-dehors d’Estampes. Et de sv loing qu'ils veirent l’ung l’aultre, descendirent touts les princes à pied , et s’entr’accollèrent fort, et feirent de grands biens-viengnans ensemble. Le duc de Berry dit au comte que ce luy pesoit quand avoit esté blescié ; lequel luy respondit que c’estoit usance de sucrre. Après ce allèrent touts ensemble à Estampes, laquelle appartenoit de droict héritaige au duc de Bretaigne; et en avoit tousjours jouy, combien que le comte de Nevers s’en estoit appelé et appeloit comte. A l'entrée des comtes et princes à Estampes feut crié Noël; et feirent grande feste et grande joye d’ung costé ct d’aultre.

Environ ce temps, le comte de Charny, lequel s’estoit party de Bourgoingne, avecq luy cinquante lances ou environ, pour venir avecq Je comte de Charrollois, et non voullant aller ny soy mectre soubs le mareschal de Bourgoingne, lequel conduisoit et estoit chief de l’armée de Bourgoingne, feut rencontré d’aulcuns desgents du rov, et par force feut rué jus et prins prisonnicr; et le remanant* de ses gents, quy ne feurent ne morts ne prins, se sauverent ; et despuis feut le comte de Charny mis à rençon, à vingt mille couronnes d’or. Le comte avoit cspousé la fille bastarde du duc de Bourgoingne ; il avoit esté en son temps valliant chevalier, et faict plusieurs armes; mais il estoit ancien, et avoit environ soixante-huict ans ou plus.

(1) Reste.

[1465] CHAPITRE XXX VIIL

Comment les ducs de Calabre, de Bourbon, de Nemours, comte d'Arminacq, et aultres, arrivèrent à Estampes ; et comment le roy alla à Rouen ; et aultres choses.

Environ huict jours après que les ducs de Berry et de Bretaigne feurent arrivés à Estampes, vindrent audict lieu les ducs de Bourbon, de Nemours et comte d'Arminacq, à très belle compagnie; puis vint le duc de Calabre, quy amena une manière de gents non armés, que on appelloit Simples, lesquels estoient moult hardis gents. Après luy vint le mareschal de Bourgoingne, avecq les Bourguignons, quy estoient six cents lances ou plus, sans les aultres combattants; mais peu y avoit d’archiers, forts coustilliers, car ils n’usent en Bourgoingne d’arcqs, au moins peu. Quand tous les princes susdicts feurent arrivés à Estampes, avecq le comte de Charrollois (touts lesquels, comme on disoit, ne s’estoient osé mectre à chemin ny entrer au royaulme tant qu'ils sceurent que le comte de Charrollois s’estoit combattu au roy et avoit gagné la place de la bataille, et sv d’adventure le roy olt rué jus le comte, peustestre que nuld’eulx n’eust marchéen paix), lesquels, prestement qu'ils sceurent les nouvelles, vindrent vers le comte, et s’assemblèrent à Estampes ; lesquels, touts ensemble, pour la multitude de gents qu'ils estoient, et pour avoir vivres plus abbondamment, se tirèrent au pays de Beaulse et de Gastinois, auquel pays se rendirent plusieurs villes au duc de Berry, comme Provins et aultres. Le roy de France, scachant que les princes estoient touts ensemble, s’en alla à Rouen en Normandie, etillecq contraindit fiefvés et arrière-fiefvés, et quy estoient idoines en guerre , d’eulx armer et aller avecq luy; et assembla ce qu'il poeult de gents. Durant le temps que le! roy estoit à Paris, après que les princes et seigneurs dessusdicts olrent esté environ ung mois au pays de Beaulse et de Gastinois pour leur reffaire et leurs gents, cuidants et attendants de jour en jour que le roy leur debvoit venir courre sus et livrer bataille, se partirent desdicts pays et passèrent par le pays de Brye; et environ le jour

| de Sainct-Barthélemy, les ducs de Berry et de

Bretaigne, et le comte de Charrollois vindrent entre Paris et arrivérent au pont de Charen-

; ton ; et illecq feurent logiés les ducs de Berry

et de Bretaigne ; et le comte de Charrollois et ceulx de sa compagnie, feurent logiés à Conflans; cest à scavoir: le comte, pour son corps, au chasteau ; le comte de Sainct - Pol et l'avant - garde entre Paris et Conflans; le bastard de Bourgoingne et l'arrière - garde entre Conflans et le pont de Charenton ; lesdicts ducs de Berry et de Bretaigne avecq leurs armées feurent logiés à Sainct-Mor, à Beaglté, et autour du bois de Vincennes, d’ung lez de l’eaue ; et de l’aultre lez, le duc de Calabre et les Bourgoingnons; les gents du comte d’Arminacq et du duc de Nemours, demourèrent en Brye, lesquels on estimoit à cinq ou six mille combattants. Après que chascun d’eulx feut logié, et que le comte de Charrollois olt faict reprendre le pont Sainct-Cloud et Laigny-sur-Marne, et avoient abbandonné les places, le jour que la bataille feut au Mont-le-Héry,le comte de Charrollois feit faire pont pour passer la rivière et pour approcher Paris et y mectre le siége.

Dans Paris estoit le comte de Maisne et aultres gents de guerre, en grand nombre, et sy grand qu’il failloit que la pluspart feussent logics au camp autour de Paris et oultre la rivière de Saine ; et avoient faict faire forts boulloverts, où ils se tenoient. Une partie des gents des princes dessusdicts passèrent l’eaue de Saine sur ponts, et s’en allèrent logier assez près de Paris , et sy près que entre les gents du roy et eulx n'y avoit que ung fossé nouvel faict entre deulx. Illecq feirent plusieurs escarmouches d’ung costé et d’aultre, où souvent en y avoit des morts et des prins. A l’une de ces escarmouches feut tué ung josne et gentil chevallier, fils de messire Simon de Lallaing, nommé Simon, quy feut moult plainct des gents du comte de Charrollois.