CHAPITRE XL
Comment l'évesque de Paris pourchassa tant que trefves feurent données ; et des nouvelles quy vindrent ès pays du duc de Bourgoingue, auquel on rapporla que le comte de Charrollois avoit csté descontit et rué jus au Mont-lc-Héry du roy.
Environ trois jours après que le roy feust retourné de Rouen et rentré dedans Paris, feurent envoyés de par le roy, devers le duc de Berry, comte de Charrollois et les aultres seigneurs, l’évesque de Paris et aultres seigneurs et notables conseilliers, lesquels, à laide de plusieurs et grands princes et seigneurs, quy moult se penèrent pour trouver et mectre la paix entre le roy et les princes de France, feirent tant que les trefves feurent données d’ung costé et d’aultre, aulcuns jours. Durant lesquels , entre Conflans et Paris, feut ordonné certain lieu, où que on feit drescher une grande tente pour illecq venir aulcuns députés d’ung costé et d’aultre pour parlementer de paix.
Après la rencontre du Mont-le-Héry, ceulx quy s’enffuirent , non scachants comment la journée avoit prins fin, aulcuns passèrent la rivière d'Oyse, quy disoient que le comte de Charrollois avoit esté desconfit ; et mesmement, le dix-huictiesme jour de juillet, par la ville d'Arras passa ung messagier,que le seigneur de Boulliencourt, chevallier, capitaine de Mont-Didier, envoyoit devers le duc de Bourgoingne, portant une lettre dont il laissa la copie à Arras, contenani : que ce propre jour, estant venu ung homme devers luy, qu'il luy certiffia que le jour précédent, au matin, avoit veu et oy ung messagier parler au comte de Nevers, en la ville de Compiégne , lequel avoit dict et certifié au comte que le seiziesme jour de juillet, le roy de France s’estoit combattu contre le comte de Charrollais, et que l'avant-garde du rov, à la
ÉMpeiE , Ce
première empaincte, feut ruée jus; mais à la fin le roy avoit eu victoire; et y estoient morts le comte de Sainct-Pol, le seigneur de Hault-Bourdin, bastard de Sainct-Pol ; et ne scavoit-on sy le comte de Charrollois estoit prins ou s’ilestoit quelque part sauvé, ne sy le bastard de Bourgoingne estoit mort ou prins. Ces nouvelles sceues en la ville d'Arras, elles feurent tantost espandues par touts les pays du duc de Bourgoingne. Lors feurent touts ceulx du pays du duc fort simples et dollents: et ne vous scaurois dire la pitié que c’estoit et le dolleur que chascun menoit; et ne avoit hommes, chevallier ny aultre, quy euist couraige de deffendre le pays du duc de Bourgoingne, fors seullement le seigneur de Saveuses, nommé Philippes, ancien chevallier de soixante-douze ans ou plus, lequel estoit à Corbie quand le seigneur de Boulliencourt luy envoya dire ces nouvelles; lequel se partist de la ville de Corbie, tantost que il sceut les nouvelles; et passa de-lez Bray et manda au seigneur de Reubare et à ceulx de la garnison que le comte de Charrollois y avoit laissié, qu’ils gardassent bien Bray, et que s'ils n'avoient des gents assez, il leur en envoieroit assez en brief. Et environ vingt archiers avecq luy volt entrer dedans Bapaume; laquelle entrée ceulx de la ville luy refusèrent; et sembloit que aulcuns de la ville ne feussent pas léals au duc de Bourgoingne leur seigneur.
Quand il veit cecy, dit à ceulx de la ville que, s’il n’y entroit pas par beau, il y entreroit par force ; ce voyants, ceulx de la ville le laissèrent entrer ens à petite compaignie. Il feut moult eshahy du refus; et à la vérité c’estoit chose pour esbahir, car ils estoient nuement tenus de la comté d'Artois et au duc de Bourgoingne ; et sembloit que, sy la chose feust allée comme on disoit, qu’ils se feuissent tournés avecq le comte de Nevers, duquel comte ung de ses archiers estoit mayeur de la ville. Le seigneur de Saveuses y Coucha la nuict ; et le lendemain, vingtiesme jour de juillet, environ midy, se partist et alla à Arras, et logea en la cité, en sa maison. Illecq manda prestement ceulx de la ville d’Arras, auxquels il remonstra comme il estoit de
nécessité de mectre gents sus pour garder les
pays du duc, pour aller conforter et requérir leur prince, le comte de Charrollois, sy mestier
estoit. Et estois présent moy, quy ay mis ces choses par escript, quand il requist que on luy .
volsist prester dix mille escus, en s0y obligeant à rente viagère ou héritière, ou que on volsist acater pour dix mille escus des meilleurs héritaiges qu’il euist ne luy ne sa femme, au rachapt d'ungan;et que cestargent estoit pour employer à mectre gents de guerre sus avecq tout ce qu’il avoit d'argent, de vaisselles et de bagues; que tout volloit employer avecq son corps pour secourir et aider le comte de Charrullois et servir son prince; lequel argent il ne poeult recouvrer. Toutesfois aultant d'argent qu'il avoit ne qu’il peut emprunter, il employa à mectre gents d'armes sus; et manda par toutes les villes du duc, dont il estoit seigneur, car il tenoit bien huict mille florins de rente ou plus, à touts ceulx quy s’estoient accoustumés d'armer avecq luy, et aulx gents de guerre, que prestement venissent en armes devers luy; et à ceulx quy n’avoient de quoy leur armer, leur faisoit baillier jacques, arcqs, trousses et chevaulx , ou trouvoit manière qu’ils estoient habilliés ; et a ce faire s’y employoit diligemment la dame de Saveuses, sa femme, pour complaire à son mary. Et tant feit de luy-mesme que, ains qu'il feust quinze jours, assembla de trois à quatre cents compaignons de guerre bien en poinct, tant à pied que à cheval. Ce temps pendant , le duc de Bourgoingne envoya audict seigneur de Saveuses ung mandement par lequel il le commectoit capitaine-général d'Artois; et manda aux bonnes villes, chastelleries d'Artois et de Lille, que on meist sus des gents de guerre au plus grand nombre que on polroit, et allassent devers le seigneur de Saveuses. Lesquels y envoyèrent tellement qu'ils se trouvèrent en dedans quinze jours devers le seigneur de Saveuses deux mille combattants et plus, de pied : le seigneur de Roubaix, riche de dix mille florins de rente ou plus, grand terrien ; Jehan de Montmorency, chevallier, seigneur de Nivelles en Flandres, riche et grand terrien ; le seigneur de Beaufremont, chevallier. Et environ trois cents compaignons de guerre, lesquels le comte de Charrollois avoit laissié à Bray-sur-Somme, pour garder la ville, tantost qu’ils oyrent les nouvelles que le comte s’estoit combattu, cuidants qu'il olt esté desconfit, se partirent de Bray et l’abbandonnèrent , et vindrent jusques à Bapalmes , devers le seigneur de Saveuses; mais ceulx de la ville ne les vollurent laisser entrer dedans. Ce voyant, ledict scigneur de
de la ville, aulxquels il dit qu’ils estoient trahistres à leur prince, et maulvaises gents, et feroit scavoir à leur prince leur maulvaise manière de faire; puis monta à cheval et partist de la ville. Aulcuns de la ville allèrent après luy, hors de la porte, et luy prièrent qu'il retournast ; aulxquels il dit qu’il ne voulloit pas estre avecq des trahistres à leur prince jusques à ce qu'il y retourneroit à plus grande compaignie, comme il feit; car, dix à douze jours après, il retourna avecq toutes les gents qu'il olt assemblé, comme dict est cy-dessus, et les boutta touts dedans la ville en garnison, où ils feurent loing-temps, comme cy-après diray. Quand il feut party de Bapalmes, il trouva le seigneur de Roubaix quy l’attendoit moult desconforté, disant qu’il luy desplaisoit de ce qu'il avoit fallu qu’il abbandonnast la ville de Bray, et que ce n’estoit pas par luy, mais que c’estoit par les gents du seigneur de Nivelle, quy estoient Flamengs, lesquels ne se y volloient plus tenir. Le seigneur de Saveuses feut courroucié de leur partement, et leur conseilla de y retourner, mais ils estoient touts espars. Ce que voyant, par le conseil du seigneur de Saveuses, le seigneur de Roubaix rassembla, huict ou dix jours après, ce qu’il peut de gents, et retourna à Bray.
