CHAPITRE XLI

Comment ceulx de Compiégne assaillirent Roye, et comment le seigneur de Boulliencourt requist aide de gents pour garder Mont-Didier.

Prestement les nouvelles sceues à Compiégne de la bataille, cuidants, comme dict est, que le roy olt eu victoire, les garnisons de Compiégne et d’ailleurs environ, après qu'ils olrent prins le pont Sainct-Maxence, allèrent assaillir la ville de Roye, de laquelle estait capitaine le seigneur du Fay, chevallier, lequel, à laide de ceulx de la ville et environ quarante ou cinquante compaignons de guerre qu'ils avoient, deffendirent tellement la ville qu’ils rebouttèrent leurs ennemis, desquels ils en tuèrent et blescièrent aulcuns, sans ce qu'ils perdissent que ung homme quy feut tué sur la muraille , d’une flèche. Ce faict, les François retournèrent, disants à ceulx de la ville qu'ils y reviendroient de brief à plus grande compaigaie ; pourquoy le seigneur du Fay envoya vers