CHAPITRE XXII
Du siége qui feut mis devanttHarfleur, et comment la ville fout rendue; puis parle de l'armée que feit le cointe de Foix; et comm il assiega le Chastel-Guisant; et comme il défeit les Anglois, el en y Cul, que morts que prins, euviron douze cents.
Après les choses dessus dictes faictes, le roy de France se partit de la ville de Rouan,
(1) Cotentin.
armé d’une brigandine, et dessus une jacquette de drap . accompagnié du roy de Cécille et des aultres seigneurs de son sang, en grands habillements, et par espécial le comte de Sainct-Pol, lequel avoit ung chanfrain à son cheval prisé de vingt mille escus; et chevaucha jusques en la ville de Moustier-Villier, à demi-lieue près de Harfleur, où il feut logié; et incontinent feit mectre le siége devant Harfleur, par les comtes de Dunois, d'Eu, de Clermont et de Nevers, le seigneur de Cullant, grandmaistre-d’hostel,le seigneur de Blanville,maistre des arbalestriers, et plusieurs aultres, qui touts y feirent grandement leur debvoir , et y eurent grandement à souffrir, tant pour les gelces, pluies et aulires froidures, comme pour la mer, quy souvent sourdoit en plusieurs logis, pour ce qu'ils estoient tout entrecouverts de paillas et de genestre {; car autour d'icelle ville de Harfleur, n’y avoit arbres ny maisons où ils se peussent héberger ne loger. Ce nonobstant ils feirent de sy grandes approches de trenchis, de fossés et de mines , et battirent tellement la muraille de bombardes et canons, que les Angloisquy estoient dedans,environ quinze cents, rendirent Ja ville de Harfleur au roy de France, et s'en allerent, leurs corps et biens saulfs, les ungs en Angleterre, les aultres en Normandie, és places tenantes leur party.
Assez Lost après icelle reddition, quy feut environ le quatre de janvier an dessusdict, mil quatre cents quarante-neuf, le roy partit de Moustier et retourna sur la rivière de Saine, à une abbaye nommée .Jumièges, à cinq licues au-dessous de Rouan. En ce mesme temps, le comte de Foix feit assembler une grosse armée, et feit mectrele siége par le seigneur de Lautrec, son frere bastard de Foix, devant le chastel de Guisant, qui est très fort chastel, assis à quatre lieues près de Bavonne. Quand les Anglois le sceurent , ils se meirent par les champs jusques environ quatre mille combattants, dont estoient chiefs, le connestable de Navarre, le maire de Bayonne, Georges Soliton , et plusieurs aultres , lesquels se bouttèrent en vaisseaulx sur unerivière quy passe parmi ledict lieu de Bayonne, et vindrent descendre près du chastel; et quand ceux qui tenoient le siège en furent advertis, se partirent secrètement , et vindrent au-debvant des Anglois, lesquels es-
(4) Genets,
toient jà descendus de leurs navires, et férirent si asprement et durement dessus eulx qu’ils les desconfeirent et meirent en fuite jusques à leurs basteaulx ; et là feurent, que morts que prins, douze cents Anglois. Georges Soliton, quand il veit ceste destrousse, se doubta qu'il pe peust recouvrir ses navires, et par ce passa parmy le siége, atout soixante lances , et se saulva pour ceste heure dedans le boullovert ; puis regarda qu’il ne pouvoit estre secouru.
Si se partit de nuïict, atout ses gens, cuidant retourner au lieu de Bayonne; mais le bastard de Goix le sceut, et le poursuivit tellement, qu’iceluy Georges feut là prins, et la pluspart de ses gens; et le lendemain se rendit le chastel et quinze ou seize places entre Menct, Haye et Bayonne; puis s’en retournèrent les gents du comte de Foix en leur pays.
