CHAPITRE XXIII

Du siége de Honnefleur, et comme clle fut rendue; et des ville ct chastel de Ballesmes, que le duc d’Allençon assiégea et print; et de la ville de Fresnay quy se rendit par composition.

Durant le temps que Charles, roy de France, estoit en l’abbaye de Jumièges , le dix-septiesme jour de janvier, l’an quarante-neuf, feut faict le siége de Honnefleur par lecomte de Dunois et les aultres seigneurs dessus nommés de sa compagnie, lesquels feirent grandes approches de fossés, trenchis et mines , et feirent battre la’ muraille de bombardes, canons et engins volants, tellement que les ‘Anglois qui dedans estoient de trois à quatre cents, dont estoit chief et maistre le susdict Courson, composèrent à rendre icelle ville de Honnefleuraulx François, le dix-huictiesme jour de febvrier ensuivant , en Cas qu’ils ne seroient secourus, et de ce bailler hostaiges. Pour lesquels combattre les Francois feirent ordonner de clorre les camps ; mais les Anglois n’y vindrent point, pour ce que le duc de Sombreset ne les secourut point, lequel estoit dedans la ville de Caen, laquelle ville il n’osoit désemparer , et aussi ils

n’estoient assez forts , s’il ne leur feust venu

secours d'Angleterre. Et pour ce rendirent la-

dicte ville et s’en allèrent, leurs corps et biens

saulfs, en Angleterre. Devant icelle ville feut

tué d’ung canon upg escuyer françois, nommé

Regnault Guillaume , quy lors estoit bailly de Montargis; de laquelle mort feut dommaige.

4 Du CLERCQ ET ST. Reur.