CHAPITRE LIV

Comment le comte de Charrollois entra au pays de Liége; et comment les Liégeois foirent lant qu'ils eurent trefves.

Incontinent que ceulx de la cité de Liège et du pays sceurent que le traictié estoit faict entre le roy et les princes de France, sy cuidèrent estre comprins au traictié; mais quand ils feurent advertys qu’ils n’y estoient point comprins, et que le comte de Charrollois et toute son armée les approchoit, sy envoyèrent grosse ambassade devers le duc de Bourgoingne à Bruxelles, luy faisants grandes offres de réparations, et humblement priants avoir paix à luy et à son fils. Et à leur prière et requeste feirent tant qu'ils olrent quinze jours de trefves, durant lesquels le comte de Charrollois, lequel estoit à Sainct-Tron en Hasbain, une grosse ville au pays de Liége, laquelle s’estoit rendue à luy, deffendit de non pillier le pays de Liège ;etsy nereceurent point ses gents d’armes argent de luy, lesquels tenoient, pour cequ’ils en pouvoiententrer au pays de Liège, moult grande cruauté, car ils ne se pouvoient tenir ensemble sans argent pour ce qu’ils n’eussent eu nuls vivres sans argent, s’y s’espardirent par le plat pays de Brabant, Namuret ailleurs, et en y avoit jusques au pays de Lorraine, et jusquesà Vallanciennes ; pourquoy lesdicts pays, par iceulx quioze jours durant, feurentencore tout pilliéset mangiés. Iceulx quinze jours passés feurent encoires baillées trefves huict jours, cuidants de jour en jour que la paix se deubt faire, pour les grandes offres que ceulx de Liége offroient ; et buict jours en aultres huict jours, feurent bailliées trefves jusqu'au vingt-deuxiesme de janvier, au préjudice des pays du duc, lesquels estoient tout mangiés des gents d'armes, comme dict est. Voyant le comte de Charrollois que les Liégeois ne tenoient choses qu’ils promissent, assembla ses gents d'armes et entra au pays de Liége ; et tout premier y entra le comte Sainct- Pol, connestable de France, lequel menoit l’avant-garde du comte de Charrollois ; puist rescriptle comte au duc son père: queilluy envoyast ce qu’il avoit de gents d'armes , et que son intention estoit de brief combattre les Liégeois. Lors se mit le duc en armes; et envoya le seigneur de Saveuses debvant son fils,luy mandant qu’il le suivroit prestement , et qu’il ne se battist