LIVRE V, CHAP. LIIT
me mer
sur les marches de Bretaigne; et si voulloit
mectre touts officiers en Normandie, à sa poste,
ce que les Normands ne voulloient souffrir. De
toutes lesquelles choses je ne sçais pas bien le (1) Volonté.
J. Du Ceenco ET ST. ixv.
vray. Mais ceulx de Rouen voyants que tout estoit prest pour recepvoir leur duc, estants advertys des choses dessusdictes, parle conseil de messire Jehan de Lorraine, comte de Harcourt,et frère du comte de Vauldemont, lequel estoit principal gouverneur du nouveau duc de Normandie, et l’y avoit mis le duc de Bretaigne, avecq lequel il se tenoit, ceulx de Rouen et la communauté de la ville en armes vindrent à Saincte-Catherine lez Rouen où estoit leur duc et le duc de Bretaigne, accompagnié dudit Jehan de Lorraine, lequel, présents touts, dit au duc de Normandie que ceulx de Rouen le venoient quérir, ct qu’il luy pleusist à partir; et de faict l’emmena, le volsist le duc de Bretaigne ou non; et disoit-on que aultrement le duc de Normandie ne scavoit issir de la compagnic du duc de Bretaigne. Et s’en alla le duc de Normandie, avecq les dessusdicts, en la ville de Rouen, en laquelle il feut moult haultement festoyé. Mais la feste durant que l’on festoyoit dedans Rouen, le duc de Bretaigne, lequel duc lestoit venu l’accompagnier, et avoit laissié ses gents d'armes, ce voyant, partit de Saincte-Catherine, et s’en alla avecq ses gents d'armes; et tira luy et son armée vers Bretaigne, et passa par le pays de Normandie, en pillant et desrobbant tout le pays; et ne laissoient licts, linceulx, estrait, que tout ne feissent emmener avec eulx sur cars. Et mesmement se rendirent plusieurs villes à luy, comme la ville de Rennes et aultres ; auquel lieu de Rennes il laissa le chastel garny de ses gents. Les choses dessusdictes faictes par le duc de Normandie et le duc de Bretaigne, tantost que le roy feut adverty de ce que le duc de Bretaigne avoit faict contre son frère, feit son arrière-ban; et assembla tout ce qu'il peut avoir de gents d'armes, et entra en Normandie ; et premier alla à Rennes, laquelle luy feut rendue par le duc de Bretaigne. Ce faict, toutes les villes de Normandie, réservé Rouen, Louviers, Pont-a-l'Arche et aulcuns aultres chasteaux, se rendirent au roy sans coup férir. Et ne laissoit pour ce marchandise a courir au pays, pour tant que entre les gents du roy etde son frère n’y avoit encoires eu nulle bataille ne rencontre ; car le duc de Normandie avoit peu de gents; sy ne se osoient moubvoir ny trouver devant les gents du roy. Le duc estoit en la ville de Rouen, auquel ceulx de Rouen
avoient promis de le tenir à seigneur et non aultres, et en ceste querelle mourir avecq luy; mais tout le contraire advint ; car, assez tost après, le duc de Normandie, quy n’estoit pas asseuré dedans la ville de Rouen, s’en partit et s'en alla devers le duc de Bretaigne, quy le receut bénignement. Ceulx de Rouen, incontinent le duc party, se rendirent au roy; sy feit le Pont-à-l'Arche et Louviers; et brief le roy reprist en sa main toute la duchié de Normandie. De toute laquelle rendition feut cause le duc de Bourbon, par lequel la duchié avoit esté mise en la main du duc de Normandie; mais prestement le traictié faict, le roy se gouverna par luy en son conseil, par lequel duc de Bourbon, beau-frère du roy, la duchié feut remise en la main du roy; et feit noyer le seigneur d’Estcrnoy, pour ce qu’il avoit esté cause de la rendition de Rouen à son frère; lequel seigneur d’Esternoy avoit esté général! de Normandie du temps du roy Charles; lequel estoit moult aimé au pays, et tenu pour moult sage homme. Il estoit homme de grande dévotion, et, comme on disoit, ne couchoit point sur lict ; il vestoit une hayre sur la chaire nue; il ne mangeoit à son repas que d'ung mets; il se confessoit touts les jours, et faisoit moult d’aultres abstinences et aulmosnes. Le roy, pour la cause dessusdicte , en feit d’aultres mourir à Rouen et en Normandie, dont je ne peus scavoir les noms; et feut tout ce faict au mois de décembre l'an soixantecinq.
L'an dessusdict , audict mois de septembre, en la ville de Lille, feurent preschiés publicquement cinq hommes , lesquels on appeloit turlupins ; et estoient faulx hérétiques et incrédu-
les en la foy chrestienne , lesquels estoient de
la ville de Lille ou environ ; et en les preschant, feurent desclarées les erreurs que les très desléaulx avoient crues, desquelles ils se rappellèrent les quatorze;et criérent mercy à Dieu et à l'Eglise. Et pourtant que c’estoit la première fois qu’ils estoient reprins d’hérésie, leur feut pardonné, et feurent respités? d’estre ards, moiennant la pénitence quy leur feut enjointe, en leur desclarant, sur le feuÿ, que jamais ne creussent nulles d’icelles erreurs et aul-
(4) Receveur général. (4) Épargnés.
(3) Sur peine d'être brûlés.
tres; et l’aultre feut ards, et son corps ramené en poudre.
Et jà-soit-ce que les erreurs et incrédulités sont choses abominables et merveilleuses à oyr à tous bons chrestiens, toutesfois, affin que chaseun se garde de telles erreurs et de hanter tels faulx et maulvaishérétiques,je veulx cy mettre par escript et desclareray les quatorze articles pour lesquels ils feurent preschiés. Et confessèrent estre plusieurs de leur fausse crédence et compagnie, et qu’ils s’assembloient ensemble secrètement; et oyants touts, l’ung d’eulx lisoit leurs livres d'hérésies et fausse incrédulité.
Et pour venir au poinct des quatorze articles de leur incrédulité :
Le premier estoit qu’ils disoient : que Christ estoit plus véritablement au ciel que au sacrement de l'autel ;
Le second, ils disoient : que l’eaue bénite estoit de nulle valeur, et qu’elle ne pooit estre bénite ;
Le tiers : qu’il n’est nul prestre, etsy n'est pas de sacrements ; |
Le quart : qu’il n’est pas de pape en l'Église de Rome :;
Le cinquiesme : que la Vierge Marie, mère de Dieu, n’est point advocate des pescheurs, et que en elle ne ès saints ne doibt estre mise nulle espérance ;
Le sixiesme : que le signe de la croix est de nulle valeur ;
Le septiesme : que le peschié d’adultère est plus grand que hérésie ;
Le huictiesme : que on peut bien dire : « Je « crois en Dieu, » mais non«au Sainct-Esprit ; »
Le neufviesme : que on ne doibt point se confesser aux prestres ;
Le dixiesme : que ce n’est point peschié que de mangier chair en caresme ;
Le onziesme : que Jésus-Christ ne institua pas de jeusnes ;
Le douziesme : que Jésus-Cnrist ne feut au sépulcre que deulx jours ;
Le treiziesme : que prestre estant en peschié mortel ne peut consacrer le corps de Jésus- Christ ;
Le quatorziesme et dernier article : que Jésus- Christ estant au ciel ne peut estre tout ensemble au ciel et au sacrement de l'autel.
