CHAPITRE LV
Comment le traictié de paix feut falct d'entre le duc de Bourgoingne, son fils et ceulx du pays de Liége.
Le vingt-deuxiesme jour du mois de janvier, l'an mil quatre cents soixante-cinq 1, scachants ceulx du pays de Liége que le comte de Charrollois et son armée estoient entrés au pays de Liége, sy vindrent devers le comte, de par ceulx de la cité, de quatre-vingts à cent hommes notables, bien montés et en armes, pour le doubte mesme des Liégeois quy estoient bannis de la cité pour ce qu’ils ne voulloient que guerre. Lesquels trouvèrent le comte de Charrollois entre Sainct-Tron et Tongres, auquel ils présentèrent le traictié de paix scellé de ceulx de Liége, eulx faisants forts, sur leurs vies, des aultres villes et pays de Liège, contenant tout au long tout ce que le duc et son fils leur demandoient que ils feissent. Et se jettèrent à genoulx, luy requérant humblement mercy, et qu’il volsist modérer son ire vers eulx et touts ceulx du pays, et que doresnavant luy seroient bons serviteurs et voisins. Lequel traictié feut accepté du comte; et moiennant les réparations et amendes prouffitables qu'ils promirent payer, il leur pardonna tout. Laquelle amende estoit, qu'ils, debvoient payer au duc six cents mille mailles d'or à six ans, et que luy, comme duc de Brabant, et ses hoirs ducs de Brabant à tousjours seraient mambourgs ?
et capitaines de tout le pays de Liége, à deulx mille florins de pension pour chascun an; et sy ne polroient riens encommencier de pesant,
(4) Ou soixante-six, nouveau style. (2) Gouverneurs.
feust guerre ou aultre chose, que ce ne feust par le congié de leur mambourg, avec plusieurs aultres choses desquelles je me tais, car je ne veis point le traictié.
Ce faict, et le traictié accepté et promis, la paix feut cryée par tout l’ost ; et le lendemain, jour de vendredy, le comte de Charrollois, assez près de Tongres, présents ceulx de Liège quy estoient venus devers ledict comte, feit tout son ost mectre en ordonnance et en bataille, affin de prendre congié à eulx et les remercier; laquelle bataille plusieurs du pays de Liège, tant de Tongres comme du pays allenviron, allèrent veoir; et se donnèrent de merveilles de la grande armée et du peuple que le comte avoit; et ne l’euissent jamais cuidé ne creu; car on disoit à ceste heure qu’il y avoit bien vingt-huict mille chevaulx, sans les gents de pied, dont il y avoit grand nombre , et sans ceulx quy s’en estoient retournés, tant par congié que aultrement, par faulte d'argent et tenance. Icelle armée estant en bataille, comme dict est, le comte de Charrollois alla tout du long de ladicte bataille, et remercia chascun cappitaine et touts ceulx de l’armée, eulx priantque, s’il les avoit mal payés, qu'ils le tenissent pour excusé, car bonnement ne le avoit peu faire ; mais, au plaisir de Dieu, une aultre fois, il les payeroit mieulx, et sy les récomnenseroit de ce qu'il leur debvoit. Et dit oultre que s’il y avoit nuls compagnons quy fuissent bannis et euissent perdu le pays de son père, qu'ils venissent vers luy à Bruxelles, et il feroit tant vers son père qu’ils auroient le pays. Et atant print congié d’eulx, et s’en alla à Saint-Tron en Hasbain, et chascun cappitaine et leurs gents retournèrent en leurs maisons. Et comme, le samedy ensuivant et dimanche, gents d’armes ne faisoient que passer par Sainct-Tron, où estoit le comte, pour retourner en leurs maisons icelluy dimanche, aulcuns de la ville de Sainct-Tron, cuidants que toutslesgents d'armes feuissent passés, prindrent parolle à aulcuns compagnons de guerre quy estoient de la compagnie du bastard de Bourgoingne, et en occirent deulx, puis feirent aller clorre la porte par où les gents d'armes entroient , et garder les aultres, en intention par adventure d’occire touts ceulx quy cstoient en la ville. On alla ce dire au comte, lequel prestement envoya les archiers du bastard de Bourgoingne à la porte de
me ete -——— — = = tem =
Tongres, par où les gents d'armes venoient pour retourner en leurs marches; laquelle ils gagnèrent, et laissèrent entrer les gents d’armes qui revenoient. Et tant y entra qu'ils allèrent prestement sur le marchié avecq ceulx quy estoient dedans, et illecq se meirent en bataille, malgré ceulx de la ville quy là s’estoient assemblés, desquels de la ville y feurent occis environ vingt. Les aultres s’enfluirent et se bouttèrent ès maisons, et aulcuns saillirent par desseure les murs de la ville ; et vraiment touts ceulx de la ville, femmes et enfants, euissent esté occis quand le comte y vint; lequel, voyant que ses gents estoient maistres, deffendit que chaseun cessast d’occire et de pillier, car plusieurs estoient jà entrés ès maisons, rompants huys et fenestres, en pillant et prenant ce qu'ils trouvèrent. Le comte commanda à ses gents que chascun se retraisist et se logeast très bien, et prensist des biens de l’hostel par raison. Aulcuns de la ville, quy avoient esmeu la meslée, se retirèrent en une forte maison, en laquelle ils feurent assiégés et prins. Ce feut faict le vingt-sixiesme jour de janvier, l’an dessusdict soixante-cinq !.
