CHAPITRE LVI
Comment le comte de Charrollois se partist de Sainct-Tron, et s'en alla veoir son père à Bruxeiles, lequel le recout à grande joye.
Après les choses dessusdictes, le comte de Charrollois se partist de Sainct-Tron, et s’en alla veoir son père en la ville de Bruxelles, lequel à grande joie le receut. Et disoit-on que, quand le comte le salua en se mettant à genoulx, le duc son père le print par le bras en le levant et l'accolant ; et luy tomboient les larmes des yeulx, et feut une espasse sans parler de joye. Après que le comte olt esté aulcuns temps avec son père, il se partist de la ville de Bruxelles pour aller en pélerinage à Nostre-Dame de Boulloingne, à pied ; et alla à Gand, et de Gand à Bruges ct à Sainct-Omer, èsquelles villes il feut moult haultement festoyé, et luy faisoiton moult grande feste. En laquelle ville vint le comte de Nevers vers luy, et luy requist pardon de tout ce qu'il avoit offensé vers luy ; lequel conte de Charrollois luy pardonna tout, et feut une espasse de temps avec luy. Et disoit-
(1) Ou soixante-six, nouveau style.
on qu’il estoit très bien en sa grasce, comme il appareut; car, après que le comte de Nevers olt prins congié à luy, et estant party, le comte de Charrollois rescript à plusieurs villes par où il passoit, que on luy feist pareille feste, et le receust-onaussy honnorablement que on feroit sa personne; et environ la fin du mois passa par la ville de Lille, où il feut haultement festoyé et receu, et s’en alla de là en Retelois. Le comte de Charrollois s’en alla de Sainct-Omer à Boulloingne, de là à Rue, au Crotoy, à Montrœul, à Abbeville, à Amiens, à Corbie, à Pcronne ; aulxquels lieulx il feut tant honnorablement receu que rien plus, combien que on disoit que ceulx des pays racheptés estoient courouciés qu'ils n’estoient plus au roy de France. Le comte de Charrollois estant à Péronne feut adverty que le roy de France faisoit grande armée, et la plus grande que il feist oncques, et que despuis la hataille de Mont-le-Héry ne avoit faict que faire artillerie; et mesmement par touts les pays par où il passoit et en plusieurs lieulx de son royaulme, où il y avoit deulx clocques, il faisoit prendre une pour faire serpentines et aultres engins à pouldre: et jàsoit-ce que le roy rescripvist au comte de Charrollois qu’il estoit le meilleur amy qu’il eust, et qu'il ne luy voulloit nul mal, le comte ne se y osoit fier ; ains feit crier en Picardie, Artois, et ailleurs, par les pays de son père, que touts ceulx quy s’estoient accoutumés d’armer feussent prests le quinziesme de juing, pour aller en la compagnie du roy en Normandie, allencontre des Anglois quy debvoient descendre. Et le roy pareillement avoit faict l’arrière-ban en son royaulme, donnant à entendre que c’estoit aussy pour aller allencontre des Anglois, quy debvoient descendre en Normandie. Toutes lesquelles choses d’ung costé et d’aultre n’estoient que fiction : car le roy avoit envoyé le bastard de Bourbon en Angleterre, lequel y besoingna; quoy? je ne scay, ne à quel fin le bastard de par le roy estoit allé vers les Anglois. Le comte de Charrollois pareillement feit tenir parlement aux Anglois à Sainct-Omer, auquel il avoit envoyé le bastard de Bourgoingne, et de par les Anglois y estoit le comte de Werwicq et aultres.
Environ le my-may, en ung villaige nommé le mont Sainct-Eloy, feurent prins trois compagnons de Calais, Anglois, lesquels estoient es-
