LIVRE V, CHAP. LVIIL
nes avecq ceulx de la garnison, quy est à deulx ou trois traicts d’arcques près de Dynant. On maintenoit en l’ost que ceulx de la cité de Liége avoient faict vœu deleursgents, et qu’ilsestoient bien quarante mille hommes, dont ils en avoient envoyé quatre mille en la ville; et s’estoient vantés de lever le siège, sy on le y mectoit, ou ils y demoureroient.
Le dix-huictiesme jour d’aoust, le mareschal et aultres gents de guerre se partirent matin de l'ost pour descouvrir pays; et environ sept heures, le seigneur de Moreul et aultres commis à l'artillerie feirent cheminer le charroy,quy duroit bien trois lieues. Le charroy mis à chemin, le comteet toute l’armcese meirent aulx champs en belle ordonnance, et chevaulchèrent à deulx esles, costoyant le charroy jusques à Dynant. Le comte de Charrollois avoit debvant luy touts ses archiers, et estoit son estendart battu à or, à l’enseigne de l’imaige de sainct George à cheval, perçant ung serpent de sa lance, et le guidon et ses archiers pareils, excepté que sainct George estoit à pied ; le seigneur de Cohen portoit l’estendart du bastard de Bourgoingne, quy faisoit l'avant-garde ; le comte faisoit la bataille; l'arrière-garde le comte de Marle. les seigneurs de Boucamp!, de Grutuse, Fiennes, Humières, sur frain chevaulchoient, et le bailly de Haynault, les seigneurs de le Hamède, de Boussut, d’Ervelducq, Crèvecœur, Rabodengues, Mouycourt, Sainct- Venant, Neuville, Haines, Momès et aultre grand nombre.
Quand les osts feurent arrivés près de la ville, ains qu’ils eurent prins touts leurs logis, ceulx de la ville commencèrent à jetter traicts à pouldre et s'illirent hors de la ville, et allèrent boutter le feu en une grosse cense au-dessus de l'abbaye. Ce voyants, les gents du bastard de Bourgoingne leur coururent sus; et feut crié alarme. Lors le comte et toutsapprochèrent; et poursuivirent sy rudement ceulx de la ville qu’ils abandonnèrent leurs faulxbourgs, et par force rentrèrent en la ville, et feurent poursuivis jusques à la porte; et se ils euissent eu engin à pouldre, ils feuissent entrés dedans avecq eulx. Ainsy feurent gagnés les faulxbourgs, quy estoient enclos d’eau et fermés de bonnes murailles, et forts comme une bonne ville; et y avoit une église de frères mineurs très belle et
(4) Buchan.
riche avecq ung monastère de femmes et une paroisse, et tenant aulx faulxbourgs une abbaye de moines blancs. A gagnier les faulxbourgs, y eut de quatre à six hommes morts.
Quand les faulxbourgs feurent gagniés du costé vers Bouvynes, comme dict est, ceulx de de-
costé, ains que le comte de Sainct-Pol peust venir, quy estoit de ce costé oultre la rivière; et feirent ce, aflin que ledict comte ne se y logeast. Le comte de Charrollois se logea la nuict en ladicte abbaye; et feit-on fort guet aulx frères mineurs ; et ceste nuict on affusta à l'endroit de la porte une bombarde, laquelle en briefs jours La desmolit; et chéit, mais ceulx de dedans prestement remurèrent l'entrée. Le connestable et ses gents se logèrent touts au bas de la montaigne sur la rivière; et fit abattre d'ung traict a pouldre une tourmère, parce qu'elle leur faisoit grand mal. Le mardy on feit rompre touts postis et murailles de l’église des frères et abbaye pour asseoir engins de bombardes, affin de desmolir les murs de la ville; et ce jour jettèrent sur ceulx de la ville, et ceulx sur eulx; et y eut quatre des gents du comte morts, par eulx tenir au chemin descouvert; et feut ce jour le bombardier tué du traict de ceulx de la ville en coeullant une vergue, lequel estoit de Namur. Vivres feurent chier, et y valloit ung pain de deulx parisis deulx gros, et vivres ensuivant; et pour les chevaulx failloit aller trois ou quatre lieues. Et ce jour s’alla logier le comte aulx freres mineurs, à un ject de pierre près de la porte, et sy vint le duc de Bourgoingne de Namur à Bouvynes. Après les engins, comme dict est, affustés, on somma à ceulx de la ville qu'ils se rendissent à la vollonté du due, à quoy ils respondirent qu’ils n’en avoient talent‘; et en continuant leurs villains parliers, disoient moult de villenies du comte et de son fils, et plus que oncques ne avoient faict ; car d'heure en heure disoient aulx gents du duc : « Quy a “« mandé ce vieil monnart vostre duc de cy ve- « nir mourir ? A-t-il tant vescu pour cy venir « mourir sy villainement? Et vostre comte Chara lotel ; que fait-il cy venir mourir. Il voisef “au Mont-le-Héry combattre le noble roy « de France quy nous viendra secourir ; et ne « nous fauldra point, car il lenous a promis. A
(1) Volonté. (1) Qu'il aille.
« malle heure y vint-il onoques ; il a le becque « trop josne; ceulx de la cité de Liége le deslo- « geront brief villainement. » Plusieurs aultres villaines paroles, quy trop longues seroient à raconter, disoient de jour en jour. Et quy plus
. est, ains que le siége y feust mis, ceulx de Boudans allèrent ardoir les faulxbourgs de l’aultre :
vyues leurenvoyèrent unes lettres par ung messagier, eulx priants que, ains que le duc mist le siège ils se rendissent à luy, ou feissent tant qu'il feust content d’eulx ; lesquels, au despit d'eulx et du duc, feirent descappiter le messagier. Ceulx de Bouvynes encoires envoyërent ung enfant innocent en la ville, portant une lettre à laloy dela ville, eulx admonestants que, ains que le duc venist, feissent leur traictié vers luy, affin que eulx de Dynant, ne ceulx de Bouvynes ne feussent des gents d'armes mangiés ne destruicts; maisils feirent mourir icelluy enfant innocent au despit d'eulx et du due, et disoit-on qu'ils le firent desmembrer. Ils feirent encoires une grande desrision ains que le siége y feust mis, scachant que on le y venoit mectre; car ils allèrent en grand nombre assez près de Bouvynes, et par desseure une fosse parfonde d’eaue ordet et pleine de crapaulx, meirent ung veau sur lequel ils assirent la pourtraicture du duc de Bourgoingne, armoyé desdictes armes, et crioient à ceulx de Bouvynes : « Voicy «le siége du grand crapaulx vostre duc! »
Maintes aultres choses villaines feirent au despit du duc et de son fils, desquelles le dac et son fils feurent advertis; pourquoy le duc et son fils dirent, s'ils la prenoient ou pouvoient conquerre, ils la gasteroient et destruiroient du tout, et y feroient semer sel et fer, comme anciennement on faisoit quand on destruisoit une ville; et ainsy en feut faict.
