CHAPITRE LVIIL
De la sentence d'excommuniement que le pape jetta sur ceulx de Dynant; el comment le duc et son fils assemblérent Icurs osts et allèrent mettre le siége devant la ville de Dynant; et aultres choses. :
Environ ce temps, le duc de Bourgoingne feit attacher aulx portes des bonnes villes de ses pays la'copie de une sentence d’excommu-
niement que le pape avoit jetté sur ceulx de Dynant et leurs adhérents, à cause de maulx qu'ils faisoient et s’efforcoient de faire, en allant contre tout traictié de paix, et non voullants obéir au sainct-siége apostolique; par laquelle sentence donnoit congié au duc de Bourgoingne et à ses gents de les punir et faire obéir, comme doibvent faire touts bons chrestiens ; et en ce faisant leur donnoit plein pardon, et par ceste sentence deffendoit le service divin estre faict en ladicte ville. Lesquels de Dynant, non acoutants à ceste sentence, constraindirent les prestres contre leur vollonté de célébrer messe; et noyèrent deulx ou trois prestres, lesquels contre le commandement apostolique ne voulloient célébrer.
Environ ce temps le bastard de Sainct-Pol, fils bastard du beau comte de Sainct-Pol, nommé Wallerand, quy feut connestable de France, comme il debvoit partir pour aller en Liége en l’armée du duc de Bourgoingne, et que ses gents estoient touts prets, une maladie le print, de laquelle assez tost après il mourut. Icelluy bastard estoit seigneur de Haultbourdin et d’Ailly ; il estoit hardy et valliant chevallier, et sy avoit esté ung des beaux chevalliers du royaulme de France, bon jousteur et fort amoureulx ; il estoit riche en bagues et de revenus et d'office, son premier escole feut par estre en la grasce des dames, et de bien grandes. Ilmourut en l'age de soixante-six ans ou environ, en bonne force et ne sembloit pas vieulx; il estoit grand et droict et bien faict, et sy portoit le Toison-d’Or quy estoit l'ordre du duc de Bourgoingne.
Audict an soixante-six, le vingt - septiesme jour de juillet, en la ville d'Arras, environ neuf ou dix heures du vespres, en ung lieu publique de femmes, nommé les Nœuves-Estuves, deulx compagnons tuèrent ung josne compagnon, barbier, à marier, nommé Vincent Mansel, fils d'ung canoine de Lille, lequel estoit très habille enfant et avoit eslevé son mestier. Il feut tué parce qu’il cuida mectre l’accord entre ceulx
quy le tuèrent et ung qu’ils voulloient battre,
et eut ung coup de cousteau en la poictrine, duquel il mourut prestement sans confession ; etne feurent les facteurs prins ne semons, parce qu'on ne peut scavoir leurs noms.
Environ le commencement d’aoust, au commandement du duc de Bourgoingne, et de son fils, de touts ses pays, se meirent gents d’armes
sur les champs, et tirèrent touts vers Namur, comme le duc leur avoit mandé, auquel ils ne voullurent et n’osérent faillir, car ils leaimoient moult. Illecq assembla le duc sy grand ost que on disoit qu’ils se trouvèrent la moitié plus que le comte de Charrollois ne mena en France l'année devant, et qu'ils estoient trente mille payés. Illecq estoient : le comte de Charrollois, le comte de Sainct-Pol, connestablede France, Adolf de Clefves, le comte de Marle, le comte de Brianne, le seigneur de Roussy, les trois enfants du comte de Sainct-Pol, le bastard de Bourgoingne, comte de la Roche, messire Bauduin, bastard de Bourgoingne, le comte de Nasso, le seigneur de Fiennes, le seigneur de Bouchain, messire Jacques de Sainct-Pol, frère du comte, le seigneur de Saveuses, le seigneur de Perrewes, le seigneur de Grutuse, le seigneur d'Emeryes et maints aultres chevalliers et escuyers, comme le comte de Hornes, le mareschal de Bourgoingne, sans estre accompagniés de ceulx du pays de Bourgoingne, lesquels encoires n’y estoient point venus, et maintsaultres seigneurs, dont trop longue chose seroit à raconter.
Quand ils feurent touts assemblés, le duc se partit de Bruxelles et vint à Namur, quy feut le treiziesme d’aoust ; et le seiziesme jour plusieurs grands seigneurs et gents de guerre passèrent parmy Namur, et tindrent les champs attendants le comte de Charollois, lequel jour le comte se partit de Namur en armes, moult noblement, et le conduirent Adolf de Clefves, le bastard de Bourgoingne et aultres.
Le lendemain, jour de dimanche,ledict comte, le mareschal de Bourgoingne et aultres, environ trois cents combattants, coururent devant Dynant et jusques aux faulxbourgs, lesquels de Dynant saillirent hors, et feurent rebouttés par deulx ou trois fois; et sy en demoura de leur costé trois ou quatre, et du costé du comte n’y eut homme mort ne blessié, combien que ceulx de la ville jettèrent à merveille d'engins à pouldre. Le comte de Sainct-Pol , connestable de France, messire Jacques son frère, le seigneur de Roussy, le seigneur d'Emeryes, le souverain de Flandres et aultres de son armée tenoient ce jour les champs de laultre costé de la rivière de Meuse, ainsy que on va de Mortaigneà Dynant, faisants approche de la ville. Le seigneur de Saveuses estoit à Bouvy-
