LIVRE V

estoit ung droict enfer qued’y estre, pour l’occision, fouldre et tempeste que les engins faisoient en la ville; et disoit-on que en cinq ou six jours y moururent bien sept cents personnes dedans la ville, ce que je ne certiffie point. Touteslois, ce temps durant, le duc de Bourgoingne feit faire deulx ponts à Bouvynes pour passer la rivière de Meuse, après que les murailles et les tourres, lesquelles avoient plus de neuf pieds d’espais, feurent fort endommagiées, et que on olt abbattu plus de soixante pieds de murailles. Le vendredy ensuivant, huict hommes des plus reséants de la ville, par saulf-conduict, vindrent en l’ost pour cuider avoir paix ; mais ils ne y feirent riens. Le samedy ensuivant on feit commandement par lost : que chascun feust prest le lendemain pour assaillir la ville, et que Chascun euist ung fagot pour emplir le fossé. Le lendemain, quy feut dimanche, après messe, comme on cuidoit assaillir la ville, le duc ne le volt souffrir; et envoya dire qu’il voulloit qu'elle feust encoires plus battue d'engins; et le lundy on rua merveilleusement sur la ville, et fcut moult fort battue; car ceulx de la ville ruoient comme par désespoir. Quand ceulx de la ville veirent leur ville sy battue qu’ilsnes”y polroient plus bonnement tenir, sy vuidèrent ceulx de leur garnison et s’enffuirent. Le remanant, quy véoient que de leurs gents y avoit grand nombre de morts, se voudrent? rendre, saulfs leurs vies; mais le duc ne les volt recepvoir. Ledict jour de lundy, y olt trente ou trentedeulx hommes morts des gents du comte, par une flammecque quy chéit en ung tonnel de pouldre de canon que on avoit oublié à clorre quand on boutta le feu en une bombarde. Plusieurs feurent blessiés; et par espécial ung valliant chevallier, nommé messire Hugues de Mailly, seigneur de Boulliencourt, olt tout le visage bruslé; mais il feut puis guéry. Icelluy jour de lundy, vingt-cinquiesme jour d’aoust, le duc de Bourgoingne feut adverty par son nepveu, évesque de Liége, quy se tenoit en la ville de Huy, que ceulx de la cité de Liège estoient issus de trente à quarante mille hommes en intention de venir lever le siége ou livrer bataille au duc. Le duc prestement assembla son conseil et ses chevaliers pour sçavoir qu’il feroit, ou s’il lèveroit le siége pour aller allen-

(1) Reste. (3) Voulurent. .