CHAP. LIX
contre d’eulx, ou s’il lairroit une partie devant Dynant pour garder les engins, et l’aultre iroit contre ceulx de Liége, ou s’il les attendroit de pied. Pourquoy lors lui feut conseillié que, ains qu’il levast le siége ne allast contre eulx, qu’il assaillist la ville, et qu’il la auroit prinse ou livré grand assault, ains que ceulx de Liége feussent venus jusques à eulx; et sy ne la avoit prinse, sy auroit-il tellement travaillé la ville qu’ils ne auroient pooir de saillir sur eulx, s'ils alloient contre ceulx de Liége. Lequel conscil feut tenu. Et feut commandé que par lost chascun se meist en poinct pour assaillir, et apportast chascun son fagot. Et comme chascun estoit prest, environ cinq heures du vespres, ceulx de la ville, doubtants qu’ils ne polroient souffrir, sans touts mourir, ledict assault, se rendirent à la volonté du duc et portèrent les clefs au bastard de Bourgoingne, quy les porta au comte de Charrollois, lequel comte neles voullut recepvoir sans le consentement de son père.
Lequel consentement eu, il les receupt; et entra ceste nuict le bastard de Bourgoingne dedans le chastel de Dynant, quy luy feut délivré ; et le mareschal de Bourgoingne, le seigneur de Mareul et le capitaine de Bouvynes entrèrent avecq leurs gents dedans et gardèrent les portes ; et lendemain matin, on commenca à butiner ; mais le comte feit commander sur la hart que on cessast tant qu’il feust venu. Lequel y entra environ midy; et feit chascun loger par fourrier, tant qu’il oltnouvelles de son père, lequel olt volonté d'entrer en la ville ; maisil luy feut conseillié de non y entrer, puisque sa vollonté estoit de la destruire; sy n’y alla pas. Pourquoy, assez tost après que on sceut sa vollonté et que chascun euist son quartier et logis par fourrier, on commença à butiner, car le comte avoit tout abbandonné, chascun en son quartier ; et y olt au commencement grand desroy, et tuèrent l’ung l’aultre pour le butin ; mais en la fin chascun garda son quartier et son logis.
Icelle ville de Dynant estoit réputée la plus riche ville que on sceuist et la plus forte. Le seigneur de Roubaix et le seigneur de Mareul, quy estoient sur la muraille rompue, r’ostèrent à plusieurs compagnons leur butin quand ils avoient quelque chose de bon, s’ils n’estoient forts assez. Chascun prenoit son hoste prisonnier, et mesme plusieurs enfants; partout c’es-
toit petit ou grand. Mais il polroit sembler que Dicu souffrist ceste pugnition d’eulx estre faite, tant pour ce qu'ils estvient excommuniés, comme pour la grande orgueil et oultrecuidance dont ceulx de la ville estoient pleins, et ne cremoient ! Dieu ne homme.
Le mardy, le mercredy et le jeudy, on ne feit
que butiner ; et estoit toute la rivière de Meuse pleine de basteaulx pleins de biens que on vuidoit de la ville; et sy ne véoit-on touts les jours que chars, charrettes, chevaulx, tonneaulx, brouettes, chargiés de biens qu’on emportoit hors de la ville, et hommes à pied et-à cheval chargiés de biens, car il y avoit tant de biens, et se y avoit tant de vivres que merveilles, et disoit-on qu'ils estoient garnis de vivres pour trois ans.
Ces jours durant, on print plusieurs femmes pour scavoir quy estoient les maulvais, et ceulx quy avoient dict les blasphesmes du duc et de son fils, lesquelles en accusèrent plusieurs. Sy feirent ceulx de Bouvynes;et en accusèrent aulcuns, lesquels feurent prins et jettés, deulx loyés ensemble, en la rivière et noyés; et sy feit le comte pendre le bombardier de Dynant sur la montaigne desseure l’église, Touts aussy que on polvoit scavoir qu’ils avoient esté cause de la guerre feurent jettés en la rivière.
Au commencement de butiner, le comte de Charrollois feut adverty que on enforcoit les femmes ; pourquoy il feit commandement sur la hart que on cessast ; mais il y en eut aulcuns quy ne cessèrent, desquels le comte en feit pendre trois; les aultres se sauvèrent; lesquels trois quy fearent prins, le comte publicquement et en plein jour feit venir parmy l’ost trois fois, affin que chascun prist exemple, et puis les feit pendre à ung gibet. Laquelle justice feit cesser que on n’osa plus les femmes violer, car le comte aussy avoit juré que touts ceulx quy violeroient femmes, feuissent nobles ou non nobles, qu'il les feroit mourir. Le comte aussy, assez tost après que il feust entré en la ville, feit vuider hors de la ville les gents d’église, les femmes et petits enfants, et les feit conduire par ses gents jusques près de la cité de Liége, en leur donnant congié et les laissant aller quittes et délivrés; lesquelles femmes, petits enfants et gents d'église, à l’issir hors la ville, jettèrent deulx outrois
(4) Craignoient.
cris sy terribles et piteulx quetouts ceulx quy le oyrent eurent pitié et horreur, tant pour la pitié de leur partement comme pour les piteuses lamentations qu’ils faisoient, et pour aultres povretés.
