CHAPITRE Lx
De la destruction de la ville de Dynant, et comment elle feut ardse, et puis destruite et desmolie de tout point.
Le vendredy ensuivant, vingt-huictiesme jour du mois d'aoust, l'an mil quatre cents soixante-six, après ce que la pluspart des biens quy estoient en la ville de Dynant feurent portés hors de la ville, et mesmement plusieurs églises et maisons descouvertes du plomb quy estoit sus, que on ostoit, pour tant que le duc avoit conclud de la destruire et desmolir du tout, environ une heure après minuict, le feu se print au logis Adolf de Clefves, au coing Nostre-Dame ; et ne peut-on sçavoir comment le feu s’y print, ou sy ce feut feu de meschief, ou sy on le boutta pour abrégier les gents d’armes de vuider hors de la ville, lesquels on ne pooit avoir hors pour le butin, ou sy aulcuns de la ville le bouttèrent pour cuider ardoir ceulx quy estoient dedans, ou sy aulcuns quy n’avoient point de butin le bouttérent par envie, ou sy le comte le avoit commandé de faire (quy u'est pas à croire, pour ce que le comte euist ainçois faict sauver les biens de l’église, lesquels pour la pluspart feurent emblés, fourragiés et ards, excepté aulcunes dignes fiertest, quy feurent mises en la main du comte de Charrollois), ou sy les Liégeois, pour mectre le comte en desroy et faire perdre le surplus des biens quy estoient dedans, le y bouttèrent; dont il y avoit encore moult de biens, et tant qu'on ne sÇçauroit estimer; car c’estoit la plus marchande et plus riche ville, comme on disoit, de par-decà les monts, et de forte fortification et situation. Incontinent que on percent le feu, le comte commauda que Chascun s’employast pour l'estaindre ; et combien que par l’espasse de deulx heures on y olt bien remédié, et estainct ledict feu, toutesfois chascun ne pensoit ne ne visoit que à sauver son butin. Pour laquelle cause, ce temps pendant, le feu se print en la maison de la ville, où il y avoit grands tas de
(1) Châsses.
pouldre de canon, quy esprindrent de feu toute l’église Nostre-Dame au comble, laquelle estoit vaultée; et par ce ne feurent pas ards la pluspart des biens et ornements ne des reliques de l'église; et en emportoit chascun ce qu'il en pooit emporter, quand le comte y vint, quy feit sauver la fierte de saincte Perpétue, et aultres dignes joyaulx et corps saints, qu’il feit porter à Bouvynes. Et en ce faisant eut assez affaire à saulver son corps, pour le feu ; et eut de ses bagues assez ardses, et assez en y eut de bruslées. On y crioit le meurdre, que c’estoit la plus grande cruauté et esbahissement que on véit oncques puis la vengeance de nostre Seigneur Jésus-Christ; car le feu suivoit les gents aulx talons de touts costés. Et combien que le duc olt conclud de destruire la ville, à la vérité dire, il peut sembler que, quand il n’euist eu nulle vollonté, ce estoit le plaisir de Dieu qu'elle fust destruite; car on ne peut oncques scavoir au vray comment le feu s’y prist, combien que la pluspart de ceulx quy y cstoient disoient que le feu s’y prist par une maulvaise cheminée ; quy seroit encoires à mon propos, que il peut sembler que ce feust vollonté divine qu’elle feust destruite, pour leur orgueil et aultres maulx que on y faisoit; de quoy je m'attends à Dieu quy tout scait. Icelluy feu feit dommaige aulx gents du duc plus de cent mille couronnes de butin, quy feut ards n’estant encoires vuideé. Durant que la ville de Dynant esioit en feu et en flambe, estoit une grosse ambassade de Liége à Bouvynes devers le duc pour trouver leur traictié par-devers luy, lesquels Liégeois pooient voir et véoient pleinement la destruction de Dynant, quy estoit chose piteuse à veoir. | Après que chaseun feust part y de D'ynant pour la chaleur du feu, le comte feit boutter le feu par toute la villeet par touts les faulxbourgs de entour la ville, et feit mander gents tout autour du pays, tant en Brabant, Namur, Haynault, comme ailleurs, pour venir desmolir les tourres et murailles, et touts forts de la ville; lesquels y vindrenten grand nombre ; aulxquels le comte feit donner à chascun trois patars pour le jour, avecq le butin qu’ils y trouvoient. Et tellement y feut besoigné que, quatre jours après le feu prins, ceulx quy regardoient la place où la ville avoit esté pooient dire : « Cy feut Dy- « nant! » car il n’y avoit maisons, moustiers,
