LIVRE V, CHAP. LXII
et tout faict de guerre, et feut la paix cryée.
Le jeudy ensuivant, onziesme jour de septembre, le comte de Charrollois et son ost se partit du lieu où il estoit, quy s’appeloit Helloy, et vint à Montenacq, et le vendredy à Croisettes , et le samedy à Moustier-sur-Saunière , etle dimanche à Chastellet-sur- Seine, ung gros villaige appartenant au chapitre de Liége, et tousjours son ost avecq luy. Audict Chastellet vindrent ceulx de Tuin faire leur amendise, lesquels par trois fois se jettèrent à genoulx à terre , en criant mercy en grand nombre; ct là feut leur paix faicte, moiennant le traictié faict, et ce qu’ils avoient promis d’abbattre leurs portes et murailles, et payer au connestable ce que cy-dessus est dict; et feurent illecq cent hommes ordonnés pour desmolir les murs de Tuin, aulx dépens de la ville. Illecq donna le comte de Charrollois congié à touts ses gents, lesquels retournèrent touts en leurs marches, et le comte s’en alla à Gembloud , en Brabant, et puis vers le duc son père, lequel estoit retourné à Bruxelles.
Au mois d'octobre ensuivant, hors de la porte de Sainct-Michel de la ville d’Artas, ung nommé Miquel navra le fils d’ung mosnier, nommé Jehan de Bourgoingne, duquel coup il mourut environ quinze jours après ; lequel Miquel feut prins prisonnier et descapité au marchié d'Arras. Icelluy Miquel estoit de tel courage qu’il pria plusieurs fois qu’il n’eust pas les yeulx bandés, et qu'il estoit tant asseuré qu'il ne doubtoit point la mort ; mais pour sa prière n'en fcut rien faict.
Audict an soixante-six, en la fin du mois de novembre, le duc de Bourgoingne et son fils envoyèrent le souverain de Flandres, le seigneur de Rabodenghes, le seigneur de la Boutillerie , et aultres, en ambassade devers le roy Édouard d’Angleterre.
Le vingt-huictiesme jour de décembre, audict an,en la ville d'Arras, ung maçon, nommé Jacquemart , frappa par-dessous en l’aisne ung sien beau-frère, nommé Absalon Ricart, sayeteur !, duquel coup il mourut prestement et sans parler ; lesquels deulx avoient souppé ensemble à la feste de la confrairie des archiers, dont ils estoient confrères. Et se meut la noise derrière Saincte- Croix, pour ce que chascun d’eulx avoit des enfants, lesquels estoient nepveulx
{1) Fabricant de flèches,
d’ung prestre, et que le prestre faisoit plus de bien aulx ungs que aulx aultres.
Audict an soixante-six encoires, en ung villaige nommé Esquerchin, deulx frères, pour ce que le maisné reprenoit l’aisné de sa malle vie, et que c'estoit mal faict qu’il avoit laissé sa preuie femme ettenoit une concubine, icelluv son frère, quy estoit homme suivant les guerres, courut sus à son frère, le cuidant tuer, et le navra. Quand son frère , quy estoit bon labourier et preud’homme, veit ce, sy se revengea; et comme Dieu le vollut, il tua et occit son frère , quy estoit très mal renommé.
Le douziesme jour d’apvril ensuivant, lan mil quatre cents soixante-sept, en Ja ville d’Arras, ung compagnon de Bucquoy, environ Arras, lequel servoit Jacotin Berto, ung archier de corps du duc de Bourgoingne, feut navré de trois compagnons; de laquelle navrure il mourut cinq ou six jours après.
