CHAPITRE EXIII
D'une piteuse adventure quy advint en ung villas: nomme Dyevasl.
L'an de grasce mil quatre cents soixante sept, le pénultiesme jour d’apvril, en ung villaige nommé Dievast, à six licues d'Arras, ct en la comté de Sainct - Pol, ou environ, ung gentilhomme , nommé Jehan de Bailleul , de l'age de cinquante ans, ou environ, lequel demouroit audict Dyevast avecq sa damoiselle mère, quy estoit vefve, et y avoient seigneurie, remply de l’ennemy d'enfer, se leva bien matin et print une dague toute nue, et s’en alla en la cuisine de sa maison, où il trouva une josne fille quy le servoit, de l'age de vingt ans ou environ, bounc et belle pucelle, laquelle s’estoit levée temprement ! pour faire la buée3, à laquelle il donna de celle dague plusieurs horions et l’occit; mais ains qu'elle mourut, cria. Oyant le ery, la chambriere de l’hostel, de pareil age, et belle et bonne pucelle, alla celle part, laquelle derechief ferit et occit. La damoiselle mère, oyant le cry des pucelles, ouvrit sa chambre et alla celle part, à laquelle il donna deulx coups de dague au ventre; desquels coups ce propre jour ou lendemain mourut ; mais elle se confessa et receut ses sacrements ains sa mort. Puis alla lediet Jehan pour cuider entrer en la chambre d'une sienne fille nouvellement mariée,
(1) be Loune heure. (2) La le:sive
laquelle il trouva close ; sy descendit et ralla en sa chambre et vollut occire son fils, quy avoit la nuict couché avec luy, de l’age de seize à dix-huict ans ; mais son fils luy pria tant mercy et parla sy beau qu'il le laissa. Ce faict, s’en alla en sa cour; et illecq, par ceulx de l’hostel et aultres, quy s’assemblèrent quand ils eurent oy l’elfroy, feut prins par force et lié. Icelluy Jehan de Bailleul estoit aussy fils de ladicte damoiselle et de Martel de Bailleul, quy estoit mort , et estoient plusieurs enfants. Icelluy Jehan de Bailleul, paravant ceste horrible meurdre, estoit tenu pour ung aussy gracieulx et honneste homme et de bon sens que homme de la ville. En ses josnes jours il se maria à une gentille femme, sœur du seigneur de Tanlay, contre le vouloir de son père , pour ce que son père n'estoit point au-debvant, et il l’eust volontairement marié richement. Pour estre despeschié, il se maria noblement à une belle et bonne fille, mais elle n’cstoit pas riche; pourquoy son père et sa mère, de couraige animé et propos délibéré, le mauldirent plusieurs fois et luy donnèrent leur malédiction. Et ce estoit tout commun qu'il estoit ainsy; et à ceste cause , comme on disoit, avoit eu plusieurs adventures diverses ct estranges à raconter, s’il estoil vray. Toutesluis, assez tost après le marriage faict, son père et sa mère luy pardonnérent;tout ; et eut d'icelle damoiselle plusieurs enfants, desquels il avoit marié, l’une quinze jours paravant. Il cstoit vefve environ ung an ce faict advenu. Il avoit toujours esté luxurieulx et encoires estoit ; et, disoit-on, que la cause de sa frénésie feut pour ce qu’il aimoit une fille audict villaige, ct sa mère luy avoit diet que c'estoit mal faict. Se ce feut pour ceste cause ou aultre, je ne sçay , ou pour ce qu’il ne pooit bien faire, par la malédiction de son père; mais touteslois, combien que on ne avoit oncques ouy parler de sy cruel faict, sy ne feut-il point prins par justice , ne ses biens confisqués, mais seulement feut mené à Sainct-Akare et à Sainct- Nazare, comme hors de son sens, où il feut certains jours. Après lesquels on ne veit oncques en luy faulte de sens, et sembloit aussy raisonnable que ung aultre, et s’en alla à Rome et rapporia son pardon ; et aultre justice ne leut laicte; quy pooit sembler à plusieurs gents merveille; mais aulcuns gents disoient, par espécial les elercs, que on n’y pooit asseoir
sentence sur luy, non plus qu’à ung homme furieux.
Environ ce temps, Anthoine, bastard de Bourgoingne, monta en mer au port de l’Escluse, et s’en alla en Angleterre; et y alla bien accompagnié, furny d'engins et de gents de guerre, pour ce que aulcuns escumeurs de mer, quy se disoient Espaignols (mais ils ne disoient pas vray, ains disoit-on qu'ils estoient des marches de France), s’estoient mis sur la mer pour le cuider prendre et ruer jus. Desquels escumeurs, par les gents dudict bastard, feurent prinses deulx nefs où il y avoit plusieurs biens et gents de guerre, lesquelles feurent butinées. Que on feit de ceulx de dedans je ne scay ; mais ledict bastard sans dangier alla en Angleterre et feit ses armes, desquelles je me tais, pour ce que ne feut par grand faict d'armes, comme on disoit ; car ce n’estoient que armes à plaisance et à la vollonté du roy.
Environ ce temps, oultre Arras, en une église de Sainct-Michel, assez près de la ville, en la rivière on trouva ung homme noyé, une pierre à son col, mal vestu, à grands et gros solliers, une bourse en son sein, où il y avoit environ seize pièces d'argent, duquel on ne peult scavoir le nom ne quyilestoit. Aulcuns disoient qu’il s’estoit désespéré ; aultres présuposoient qu’on l’avoit meurdry, et que ceulx quy le avoient meurdry luy avoient par adventure bailliémaulvaisaccoustrements, affin qu'il semblast estre ung povre homme quy se feust déscspéré, mais on ne peut rien scavoir.
Audict an soixante-sept, le onziesme jour de juing, parle commandement du comte de Charrollois, Maillotin du Bacq, prévost des mareschaulx , entre cinq et six heures du matin, en la ville d'Arras, entra en la Cour-le-Comte, et illecq ung prisonnier nommé Guillaume Were, natif de la cité d'Arras, emmena hors dela ville, au bois de Mofflaines, auquel lieu à ung arbre le feit pendre et estrangler ; et la cause feust pour ce que icelluy Guillaulme Were, de l’age de trente ans ou environ, luy estant marié et ayant trois ou quatre enfants, une femme de la ville d'Arras, laquelle alloit aux champs veoir des bleds croissants qu’elle avoit prins à soyer‘ à l’aoust prochain, print par force, et la traina audict bled , et la viola contre sa vollonté. Icelluy Guillaulme estoit accompagnié d’ung com-
{1; Couper.
J. Du CLenco Er Sr.-Fruv.
