CHAPITRE XXIV
De la bataille de Fourmigny, où les Anglois feurent desconfits, et en mourut trois mille six cents sofxante-quatorzc.
En ce temps, après les Pasques passées, l’an milquatre cents cinquante,descendirent à Chicrbourg trois mille Anglois du pays d’Angleterre, dont estoit chief Thomas Kyriel, lesquels chevauchèrent par leurs journées jusqu’au faubourg de Valoingnes, dont estoit garde et capitaine, pour le roy de France, ung escuyer de Poitou, nommé Albert Regnault , et illecques meirent le siége. Lequel capitaine tint longuement le siége sans estre secouru , et tant qu’enfin le rendeit, et s’en partit luy et ses compagnons, saulfs biens, chevaulx et harnois. Durant ce temps et siége estoient les François assemblés de toutes parts pour cuider lever le siége de Valoingnes devant dict. Et quand les Anglois le sceurent, ils s’assemblèrent pareille-
5) Bnkhor.
(4) Mathieu Gough (2) Trollops.
ment pour tenir les champs, et partirent de Caen de cinq à six cents combattants, dont estoit conduiseur messire Robert Vere; et de la ville de Bayeulx huict cents combattants, dont estoit chief et conduiseur Matha-Go ; dela ville de Vires, quatre à cinq cents combattants, dont estoit chief et conduiseur messire Henry Morbery { ; lesquels s’assemblèrent avec ceulx quy estoient de nouvel venus d'Angleterre, tant qu'ils se trouvèrent de cinq à six mille combattants. Toutes les compagnies d’Anglois cy-dessus déclarées assemblées, ils passèrent les guets Sainct-Clément, pour l’hyver, vers Bayeulx et vers Caen; et lors, les Francois quy s’estoient mis sur les champs pour les trouver le sceurent, lesquels les poursuivirent et chevauchèrent fort, les ungs d’un costel et les aultres de l’aultre, tant qu’en la fin, le quatorziesme d’apvril, l'an dessusdict mille quatre cents cinquante, les atteignirent messire Geoffroy de Couvran et Joachim Rohault; lesquels férirent asprement sur larrière-garde des Anglois, et en tuèrent plusieurs ; puis se retrairent et feirent scavoir au connestable de France, quy estoit à Sainct- Loup, leur faict et le faict des. Anglois; et pareillement le feirent scavoir au comte de Clermont, quy estoit sur les champs pour les quérir. Lequel incontinent feut accompagnié du comte de Chastres , du séneschal de Poitou, des seigneurs de Montgascon et de Ray, admiral de France, du séneschal de Bourbonnois, des seigneursde ManyeS , de Mouy et de Robert Conigam ; messire Geoffroy de Couvran, Joachim Rohault et Olivier de Brion; lesquels, assemblés ensemble, tirèrent hastivement où estoient les Anglois , et les trouvèrent en ung champ, près ung villaige nommé Fourmigny, entre Careton # et Bayeulx.
Quand les Anglois les apperceurent, ils se meirent en bataille, et envoyèrent quérir diligemment le susdict Matha-Gole jour quy feut le quinziesme jour du mois d’apvril, lequel s’estoit party d’eux très lematin pour aller à Bayeulx ; pour lequelmandement il retourna incontinent ; et feurent les Francois et Anglois, par l’espace de trois heures, l’ung devant l’aultre, en escarmouchant l’ung contre l’aultre. Et cependant feirent les Anglois grands trous et fossés devant eulx, de dagues et espées, affin que sy les Francois les assailloient, qu’ils chéissent
(4) Norbury. (2) Saint-Lô. (5) Mauny. (4) Carentan.
es em +
eulx et leurs chevaulx. Les Anglois avoient derrière leur dos, à ung traict d’arcq et entre deulx, grande foison de jardinages plains de pommiers, poiriers et autres divers arbres, affin qu’on ne leur peust courir sur le derrière. Cependant le seigneur de Richemont , connestable de France, le comte de Laval , le seigneur de Loheac, mareschal de France, le seigneur d’Orval, le mareschal de Bretaigne, le seigneur de Sainct-Sévère, et plusieurs aultres, jusques au nombre de trois cents lances et archiers, faisoient diligence d’estre près desdicts Anglois ; et chevauchèrent à ung villaige nommé Estrievères, où ils avoient couché le soir, jusquesäàung moulin à vent au-dessus dudiet Fourmigny ; et là, à la vue des Anglois, se meirent touts en bataille et marchèrent en leurs ordonnances près d’iceluy Fourmigny, à ung guet ou à ungpetit pont de pierre ; et alors les Anglois doubtèrent et laissèrent le camp, et se reculèrent sur la rivière pour la mectre à leur dos. Voyant ce, le comte de Clermont, quy avoit de cinq à six cents lances avecques les archiers et sa compagnie , ét le connestable de France, les assaillirent vigoureusement, et en la fin les desconfeirent autour d’icelle rivière. Et là feurent morts et occis, par le rapport des héraulx, des prestres et des bonnes gents quy là estoient, trois mille sept cents soixante quatorze Anglois; et sy feurent prins messire Thomas Kiriel, messire Henry Morbery, Janequin Basquiers , et plusieurs aultres Anglois , jusques au nombre de douze cents; et les morts feurent enterrés en quatre fosses. Matha-Go eschappa et s’enffuit à Bayeulx ; et aussy feit messire Robert Vere, et s’en alla à Caen. Et en icelle bataille morurent, du costel de François, de six à huict cents hommes seulement. Et porroient aulcuns dire que ce feut grace de Dicu pour les Francois quy eurent ceste victoire ; car ils n'estoient en tout, par le rapport des héraulx, qu'environ trois mille combattants, et les Anglois estoient de six à sept mille; et par ce peut apparoir assez la grace de Dieu sur les Francois, lesquels s’y gouvernèrent bravement et vaillamment ; ct entre aultres, ceux de dessoubs l’estendart s’y portèrent honnorablement et honnestement; et sy feirent ceulx du connestable , les seigneurs de Montgascon, deSainct-Sévère, et par espécial le séneschal de Poitou; car les Anglois chargèrent l’effort sur ses gens et sur ceulx du bailly
d'Evreulx, que gouvernoit le seigneur de Mauny, tellement qu’ils gaignèrent, du costé où ils estoient en bataille, deulx coulevrines sur eulx. Et lors le séneschal descendit à pied , et feit descendre ses gents ; puis assaillit si durerhent les Anglois qu’il les rebouta par lung des bouts de la bataille , la longueur de quatre lances, et recouvra les deulx coulevrines; et à ceste reboute morurent sept cents Anglois. Ce véants, les aultres François se portèrent sy vailliimment, qu’ils eurent la victoire, et leur demoura le camp; et là feut faict chevallier le comte de Chastres frère du comte de la Marche ; Godefroy de Valoingnes, frère du comte de Boulogne et d'Auvergne, le seigneur de Vauver, fils du comte de Villars, le seigneur de Sainct-Sévère, le seigneur d’Allencon, et plusieurs aultres.
