CHAPITRE XX V

Comme la ville de Vires et aullres villes feurent mises en l’obéissance du roy de France; et du siége mis debvant la cité

de Bayeulx ; et comme on l'assailit par deux fois, et enfin

feut rendue par composition.

Après la desconfiture que feirent les Francoissur les Anglois, à la bataille de Fourmigny, les seigneurs françois allèrent mectre le siège

devant la ville de Vires. Lequel n’y feut guières, :

car messire Henry de Morbery,quy estoit pri-

sonnier, en estoit capitaine; sy feit tant par

composition que les Anglois quy dedans estoient de trois à quatre cents, s’en allèrent , leurs corps et leurs biens saulfs, dedans Caen. Après la ville de Vires rendue, le connestable de France, le seigneur de Laval, et aultres quy estoient en leur compagnie, se partirent et s’en allèrent vers le duc de Bretaigne, soubs quy ils estoient ; lequel duc, avec la compagnie dessusdicte , alla mectre le siége en personne devant Avranche, et le tint trois semaines; et cependant feit faire des grandes approches et feit battre la muraille d'engins, tellement que ung nommé Lampot, quy en estoit capitaine, rendit icelle ville d'Avranche au duc de Bretaigne, et s’en alla, ung bastong au poing tant seulement, et ses compagnons pareillement , qui estoient de quatre à cinq cents. Pareillement se rendit la place de Celoingne !, quy est une forte place, et imprenable, tant qu'il y ait à manger; Car elle est toute assise sur une roche en la mer, près du mont Sainct-Michel, Ils estoient

(1) Celune, sur la rivière de çe nom.