PROLOGUE

Au nom de la très excellente et glorieuse Trinité, Père, Fils et Sainct-Esperit, ung Dieu éternel en trois personnes, qui tout a faict, créé et composé par sa puissance infinie, sclon sa provue discrétion et vollenté ; et de la glorieuse Vierge Marie, mère et fille de nostre Créateur et Rédempteur Jésus-Christ, reine des cieulx et de la terre, dame des anges et de tous les saincts et sainctes de paradis, auxquels gloire et louenge soit donnée, et apprès à tousempereurs, rois, ducs, comtes, barons ct aultres, donnés, selon sa vocation, à latres noble et militant ordrede chevallerie, en laquelle ont estéet sont de haults et nobles princes etaultres, quicen cest état ont régné et règnent ; comprins lesquels, par permission et sous la puissance divine, ont esté et sont institués et ordonnés ès dignités temporelles pour soustenir saincte Eglise, droit et justice, et le bien de la chose publique maintenir, et deffendre nostre foy chrestienne et catolique ; je Jchan, scigneur de Sainct-Remy, de la Vacquerie, d’'Avesnes et de Morienne, dict Thoison d’or, consciller et roi d'armes de très hault, très excellent et très puissant prince et mon très redoubté seigneur Philippe, par la grace de Dieu duc de Bourgongne, de Lotheric!, de Brabant et de Lembourg ; comte de Flandres, d’Arthois et de Bourgongne; palatin de Hainaut, de Hollande, de Zellande et de Namur ; marquis du Sainct- Empire, seigneur de Frize, de Salins et de Ma-

(1) Lothicr.

lines, duquel, de tout mon cœur, j'ai toujours désiré et désire accomplir les commandements et plaisirs, et faire chose dont aucunement soit mémoire apprès mon temps; et comme je m’y répute tenu et obligé, et singulièrement à cause du serment par moi faict à ladicte ordre de la Thoison d'or, ainssi que cy apprès sera plus à plein déclaré, et lequel est contenu ès chappitres dudict ordre, me suis disposé à rédiger et mectre par escript aucunes petittes recordations et mémoires ès quelles sont contenues en chicf plusieurs choses advenues, desquelles j'ai peu avoir cognoissance ; et ce fait, les ay envoyés au noble orateur George Chastellain1, pour aulcunement, à son bon plaisir et selon sa discrétion, les employer ès nobles histoires et chroniques que lui faict, ja-soit-ce-que? la chose soit de petit fruict au regard de son œuvre, sinon tant seullement par manière d’avertissement.

Et pour venir à parler de cette matière, et comment je ai este premièrement nommé Thoison d’or ; il est vrai que mondict très redoubté seigneur 5, le jour qu'il espousa madame Elisabeth#, fille, sœur et tante du roi de Portugal 5, en la ville de Bruges, le 1°" jour du mois de

(1) Voyez le volume de notre collection qui renferme les œuvres de Chastellain.

(2) Quoique.

(3) Philippe-le-Bon, duc et comte de Bourgogne, qui succéda, en 1419, à son père, Jean-Sans-Pcur.

(4) Elisabeth, ou Isabelle, était fille de Jean ter de Portugal.

(5) Elle étoit sœur d'Edouard, qui succéda à Jean 1°", leur père, en 1455, et Lante d’Alphonse V, fils d'Edouard, qui succéda en 1458.

janvier, l'an 1429, fonda ledict ordre, ordonna, nomma et esleut ung certain nombre de chevaliers, desquels les noms seront cy apprès déclarés, et avec iceulx quatre officiers, c’est assavoir, chancelier, trésaurier, greffier et roi d'armes ; auquel office de roi d'armes je fus esleu, institué et mis; et me fut donné le nom Thoison d’or, par mondict très redoubté seigneur, qui en oultre me fist tant d'honneur de.sa grace que de me retenir son chancelier. Desquels offices et estas obéir, exercer, et servir mon très redoubté seigneur, à mon pouvoir léalement, ès exercices de ses offices et aultrement, fut par moi faict serment sollemnel ès mains de l’évesque de Chaalons, chancellier de ladicte ordre de Ja Thoison d'or, en la présence de mon très redoubté seigneur et de plusieurs des chevaliers dudict ordre. Depuis lequel temps mondict très redoubté seigneur disposa que faire debvions, tant en ses guerres que ès grandes et notables ambassades, èsquelles lui à pleu moi envoyer, tant devers les papes Eugène! et Nicolle 3, en Italie , et devers pluisieurs prinches du pays ; aussi devers le roi d’Arragon 5, ès royaulmes de Naples et de Sicille, ès Espaignes, devers le roi de Chastille, de Portugal, de Navarre ct de Grenade; plusieurs voyaiges ès Allemaignes et en Angleterre , en Escoche, et plusieurs aultres lieux. Et tant ay voyagié, par mer et par terre, que par la grace de Dieu je ai atteint l’aage de soixante-sept ans ou environ, occupé de maladie en telle manière que bonnement ne puis aller ni faire tels ou semblables voyaiges à pied, à cheval, ni à charriot : par quoi j'ai esté et suis constraint et mis en nécessité de moi en déporter 4, Pour quoi, en considérant les choses dessusdictes, pour eschever ÿ occiosité6, qui est la mère de tous vices, et que mon ancienneté ne demeurast inutile, me suis disposé, comme dict est, faire et compiler ce petit volume, en quel sont contenues pluisieurs choses que je ay veues, et aultres qui m'ont este dictes et recordées par pluisieurs notables personnes dignes de foi.

(1) Eugène IV (Gabriel Condolmieri, Vénilicn, cardinal, évèéque de Sienne), élu pape le 3 mai 1451.

(2) Nicolas V (Thomas de Sarzan, cardinal, évéque de Bologne), élu pape le 6 mai 1447.

(5) Alphonse 1e, roi d'Arragon, V° de ce nom, roi de Naples

de 1442 à 1458.

(#4 Dispenser, {5} Eviter. (Gi Oisiveté.

MÉMOIRES DE SAINT-REMY

Et pour ce que sçais bien que pluisieurs cronicques et histoires ont estés faicteset escriptes, par pluisieurs grands livres et volumes, par leur vertueuse éloquence, selon leurs exquis et aournés‘ langaiges, et mesmement du temps dont mon avant dict petit livre faict mention, je me suis déporté2de y faire longue récitation, ni de tant présumer que de moy entremettre ni bouter trop avant en ceste matière, attendu que je congnois bien mon imperfection, et que les hommes me pourroient bien faire riche, mais saige non. Et pourtant me suis attendu et attends auxdits historiens et orateurs d’avoir escript et mis en leurs histoires, livres et vollumes, ces haulx faicts et aulires advenues chacun en son temps ; et ay faict et compilé pour ces causes dessusdictes , ce présent petit livre par manière de recordation et mémoire en mon gros et rude langaige picard 3, comme cellui quy aultrement ne sauroit escripre ni parler. En quel livre sont contenues, entre les aultres choses, la plus grand” part des voyaiges quy par moy ont esté faicts par le commandement de mon avant dict seigneur, moyennant la gracc de Dieu et de la glorieuse Vierge Marie et toute la cour célestiale # de paradis, quy soit au commenchement , au moyen et en la fin de mon œuvre. Et supplie et requiers tant humble. ment que je puis, de tous ceulx quy le verront et orront *, que si aulcunes choses y a dignes de répréhension ou correction, il leur plaise, en suppléant à mon ignoranche, de moy avoir et tenir pour excusé , entendu que ce qui par moy a esté faict, dit et rédigé par escript, les ay faict le mieulx et le plus véritablement que j'ay peu,et sans aulcune faveur, pour recordation et mémoire de choses dessusdites. Et quand je parlerai du roi de France, je le nommerai le roi tant seullement, et tous les aultres rois averont sieute$, Aussi quand je parlerai de mon avant dict seigneur de Bourgongne, je le nommeray le duc tant seullement, au moins à la plus part du livre ; et au regard de feu monseigneur son père 7, il sera nommé duc de Bourgongne.

(1) Ornés, (à; Dispensé.

(3) La languc picarde se distinguait surtout par la multiplication de ch, au licu du c, par exemple; cacher pour chasser, | comme dans Escoche, Franche pour Ecosse, France. |

(#4) Céleste, (5)Entendront (6) Auroït une désignation dé | leur pays. (T:Jean Sans-Peur. |