CHAPITRE X

Du désordre que les Flamands faisoient en l'armée du duc, dont plusieurs desbats s’ensuivoicut.

Donc advint, quand ils vindrent aux champs en la fin de la comté d’Arthois, ils commencèrent à prendreetravir tout ce qu'ils trouvoient, et troussoient sur leurs charriots; et pour le grand nombre qu'ils estoient, ne tenoient compte des gentilshommes ne d’autres; mais prenoient les meilleurs logis, et leur tolloient 1 leurs vivres et leurs fourrages, dont sourdirent plusieurs débats. Le duc de Bourgongne assembla tout son armée à Marquyon, entre Arras et Cambray, puis se mist en chemin pour aller mettre le siége devant la forteresse de Hem, où estoient ses adversaires. Et quand il fut devant la ville d’Athies - Guysiet, entre Marquyon et Hem, les bourgeois de la ville furent si espouventés de sa grand’ puissance qu’ils lui portèrent les clefs de la ville, et par tant eschappèrent de péril et de dommage. Après se tira le duc de Bourgongne vers Hem ; et, au prendre les logis devant la ville, ceux de la garnison saillirent; et là eut une grande escarmouche: mais l’effort des Bourguignons les fist retraire dedans la ville.