CHAPITRE IX

Du mamdement que le roi feit contre ses ennemis, les enfants d'Orléans, avec l'assemblée destgens d'armes et des Flamands que le duc fil.

Pour laquelle gause devant ditte, le roy fit de grands mandements, et fit crier sur son royaume que tout homme se mit sus pour le servir, et en son absence le duc de Bourgongne, pour aider à boutter hors du royaume ses ennemis, et au duc de Bourgongne fust faitte obéissance comme à lui-mesme, et que on luifit ouverture, pour lui et les siens, toutes et quantes fois qu'il lui plairoit. Le duc de Guyenne, qui avoit espousé la fille du duc de Bourgongne, le manda par ses lettres, que le plus brief qu’il polroit il allast servir le roi et lui, en la plus grant puissance de gens d’armes, et de tant qu’il polroit finer, et en sa propre personne, pour résister et reboutter les Orliennois, qui

gastoient le royaume en plusieurs lieux. Quand le duc de Bourgongne eut veu ces lettres du duc de Guyenne, il assembla gens d’armes de toutes parts en son pays de Flandre, de quarante à cinquante mille Flamands bien embastonnés, et si avoient bien douze mille charriots chargés d’armures et de leurs habillements. Le duc de Brabant y vint atout belle compaignie de ses gens, et messire Guillaume Baldoch, lieutenant de Calais, à trois cents combattants anglois, et grand planté de chevaliers et aultres, du pays d'Artois et de Bourgongne. Et estoit le duc de Bourgongne de là quarante mille combattants; et, à la requeste des Flamands, leur avoit abandonné ce qu’ils pourroient conquerre contre leurs ennemis.