CHAPITRE XVI

Comment le duc de Bourgongne entra dedans Paris et prit la ville et tour de Saint-Cloud sur les Orliénois ; et de la guerre et prise de plusieurs places que le roy et le duc de Bourgongue firent ès pays de Beausse et de YVallois

Prestement que le duc de Bourgongne eut assemblé, son armée qu’on nombroit de six à sept mille combattants, il se mit à chemin pour aller à Paris; et tira tout droit à Pontoise, et de là au pont de Meulan où il passa la rivière de Seine en tirant au loin du val de Jouy ; et s’en alla entrer dedans Paris par la porte de Saint- Jacques, qui est à l’opposite de la porte Saint- Denis, où les Orliénois étoient logiés. Or est ainsi que, avant la venue du duc de Bourgongne dedans Paris, le ducd'Orlienstrouva moyen devers le capitaine de la tour du pont de Saint- Cloud, en laquelle le duc d’Orliens mist de ses gens dedans, et fit fortifier le villaige où se logèrent grand nombre de gens qu’on nommoit les Erminacques, qui faisoient tous les maux du monde, outre la rivière de Seine devers Paris. Quand le duc de Bourgongne fut entré dedans Paris, avant qu'il se logeast, alla tout droit au roi faire la révérence, et au duc de Guyenne , aisné fils de France. Le comte de Nevers, son frère, et le comte de Saint-Pol, qui dedans Paris estoient avec le roi, furent moult joyeux de sa venue icelle nuit. Et se logea en l'hôtel de Bourbon auprès du Louvre, où le roi estoit logié. Les Anglois furent logiés à Saint- Martin-des-Champs, et les autres partout avant la ville. Lendemain yssit de Paris une grand’ compagnie de gens du duc de Bourgongne, entre lesquels estoit Jean de Luxembourg, nepveu du comte de Saint-Pol, en sa compaignie Enguerrand de Bournonville et plusieurs autres ; et allèrent courre devant la Chapelle, entre Paris et Saint-Denis, que les Orliénois avoient fortifié, et y tenoient un gros logis; mais ce nonobstant, ils eussent estéen grand’ aventure d’estre rués jus, n'eustesté qu’ils eurent secours de ceux de Saint-Denis. L’assaut fut grand et bien combattu, tant d’une partie que d'autre; et en y eut plusieurs blessés, mais chose n’y fut faicte pour ceste heure. Le duc de Bourgongne, qui fort désiroit traveillier ses ennemis, assembla ses princes et seigneurs, et tint conseil. Là lui fut conseillé que bon estoit qu’il al-

MÉMOIRES DE SAINT-REMY

last à Saint-Cloud pour essayer de rompre les logis des Orliénois et de plus grand plaisir ne pourroit faire à ceux de Paris; par lesquels Orlienois tout le pays devers le Mont-le-Héry estoit en subjection. De che conseil fut le duc d'accord. À tous ceux qui là estoient si fut ordonné que, tantost après jour failli, on feroit scavoir à tous les capitaines et chefs de chambres que secrettement ils s’apprestassent, eux et leurs gens, pour partir à minuit en la compaignie du duc de Bourgongne, sans nommer le lieu où ils devoient aller. L'ordonnanece faite, le duc de Bourgongne se partit à l'heure devant dicte, qui fut le deuxième jour de novembre en icellui an, en sa compagnie le comte de Nevers, son frère, le comte de la Marche et pluiseurs autres; et fit guider lui et ceux qui conduisoient son ordonnance pour aller droit à Saint-Cloud, costiant la rivière de Seine du costé vers Mont-le-Héry. Et avec ce ordonna cent lances, hommes vaillants et bien montés qui, du côté vers Saint-Denis, chevauchèrent le plus secrettement qu’ils purent, tant qu’ils furent à l'endroit de la tour Saint-Cloud, pour garde que nul ne passast par là de la ville ne de la tour pour aller vers les Orliénois. Quand le duc de Bourgongne fut parti de Paris, il tira son chemin droit à Saint-Cloud, et moyennant les guides qu’il avoit, se trouva devant la tour assez près: celle nuit fist grand’ froidure à merveille.

Et quand ce vint environ sept heures au matin, le duc de Bourgongne fit assaillir la ville, par deux ou trois lieux. Les Orliénois, qui grand nombre de gens estoient, vaillamment se deffendirent. L’assaut fut grand, le cri et la noise ; mais les Orliénois furent surpris, et ne peurent faire sçavoir à leur grand’ puissance l'assaut que on leur faisoit ; car les cent lances du duc de Bourgongne, qui estoient d’entre le pont de Saint - Cloud , gardoient que nul ne pouvoit yssir. La besogne fut grande; et y perdit maint homme la vie ; toutefois Orliénois y furent déconfits, dont pluiseurs, qui se cuidoient sauver et retraire en la tour de Saint- Cloud, furent noyés ; car la presse fut si grande sur le pont qu’ils boutoient l’un l’autre jus en l'eaue; et avec ce on dit que le pont rompit, qui tout chargé de gens estoit. Et là furent, que morts que noyés, de neuf cents à mille hommes, et de quatre à cinq cents prisonniers ;

entre lesquels fut pris le seigneur d’Escambourg, messire Manssart Du Bois, Guillaume Battillier, et autres gens de nom. Et apprès celle déconfiture, retourna le duc de Bourgongne à Paris, et fut recu des citoyens à grand louange.

Quand le duc d’Orliens et ceux de sa compaignie sceurent la déconfiture de leurs gens, furent moult dolents ; pour laquelle cause se mirent à conseil. Si conseillèrent, vu la grand’ puissance qu’avoit le duc de Bourgongne, qu’ils se partiroient celle nuit. Et firent ceste nuit secrettement ponts sur la rivière de Seine, pour passer à l’endroit de Saint-Denis. Ainsi se partirent ; mais tout leur carriage et la plupart de leurs bagages demeurèrent, et s’en allèrent devers la duché d’Orliens. Le second jour après, les gens du duc de Bourgongne allèrent devant la tour de Saint-Cloud, et se rendit le capitaine à la volonté du roi, telle qu’il fit trancher la teste au capitaine de latour, nommé Collinet de Puysseux, et aussi à messire Manssart du Bois, pour ce qu'il estoit natif de Picardie. Ne demeura guères après que le roi et le duc de Bourgongne envoyèrent le maréchal Boussicault, le seigneur de Helly, Enguerrant de Bournonville et Amé de Viry, atout grand’ puissance, en la ville de Bonneval, lesquels faisoient guerre à la duché d’Orliens, au pays de Beausse et d'environ. Le comte Walleran de Saint-Pol eut charge d’aller avec grand’ compagnie de gens de guerre en la duché de Vallois en la terre de Coucy, là où il fit grand” conqueste ; et premier lui fut rendu Crespy en Vallois, Pierrefons, dont le seigneur de Bosqueaulx étoit capitaine, puis après la Ferté- Millon et Villers Cauterets. Après alla devant la ville et chasteau de Coucy,dont messire Robert d’Onne étoit capitaine. La ville ne tint guères, ains se rendit au comte de Saint-Pol. Le chasteau tint et fut assiégé et battu de canons, qui guaires n’y fuisoient,; car c'est une des belles et fortes places au royaume de France. Et quand le comte de Saint-Pol vit que ne le povoit avoir pour battre de canons, il fit faire plusieurs mines, entre lesquelles en y eut une qui s’adressa à l'encontre d’une tour qui se nommoit la tour Maistre-Odon. Quand les mineurs orent miné celle tour et mise sur estances !, ils y bouttèrent le feu, et tellement que la

(1) Pieux. |