CHAPITRE XV

Comment la ville de Saiut-Denis leur fut rendue ; et de la guerre que les Orliénois firent aux Parisiens, et des bouchers de Paris,

Quand les Orliénois virent que on ne les volloit avoir dedans Paris, ils se mirent à faire guerre ouverte aux Parisiens et à ceux qui dedans estoient. En la ville de Paris estoient les bouchers en grand règne; et n’y avoit homme ne femme qui osast parler d’Orliens, de Berry, de Bourbon, ne de ceux tenant leur parti; et véritablement estoit grand’ pitié de la rigueur que les bouchers faisoient à ceux qui estoient soupçonnés Orliénois, car il ne falloit que dire : «“ Velà un Erminacque ! » on les alloit tuer ou noyer sans faire information nulle.

Quand le duc de Bourgongne fut retourné en sa ville d'Arras, il fit son mandement, asembla chevaliers, écuyers etgens de guerre ; et d’autre part le vindrent servir les comtes d’Arondel et de Quinte, Anglois, que le roi d'Angleterre lui envoya, atout douze cents combattants.

(1) Seul, isolé.