CHAPITRE XVII
Comment Waleran, comte de Saint-Po}, fut fait connestable de France, au lieu de Messire Charles de Labreth; et comment la conte de Vertus fcut rendue au roy.
Après celle conqueste faite, le comte de Saint- Pol retourna à Paris, et fut de par le roi fait connestable de France, au lieu de messire Charles de Labreth*, pour et à cause de la division qui lorsestoit au royaumede France ; car le scigneur de Labreth estoit Orliénois, et le comte de Saint-Pol Bourguignon. Le seigneur de Rambures fut fait maistre des arbalestriers, au lieu du scigneur de Hangest ; le seigneur de Longy, mareschal de France, au lieu du svigneur de Rieux ; messire Philippe de Cervolles, bailly de Vitery; et eut charge, de par le roi et le duc de Bourgongne, d’aller avec puissance de gens d'armes en Champagne, pour mettre en l'obéissance du roi plusieurs places, lesquelles estoient rebelles ; et lui fut rendu pour le roi la comté de Vertus, Espernay et toutes les autres places d'environ, excepté Moismes, que messire Clignet de Brabant tenoit et messire Thomas de Largies. Si fut la place asségiée et pendant le siége, messire Thomas de Largies et messire Clignet de Brabant yssirent pour aller querre secours, et y laissèrent le frère de messire Clignet pour la garder. Toutefois ils n’orent point de secours et ne retournèrent point la deffendre, et fut la place rendue au bailly de Vitery, à la volonté du roi, qui fut telle que le frère de messire Clignet en eut la teste coppée.
(1) D'Albret.
332 | CHAPITRE X VIIL
Comineut messire Jehan, fils du seigneur de Croy, print le chastiau de AMonchcaux, et en icelui trois des enfans du duc Jehan de Bourbon;et de plusieurs capilaines qui furent ordonués de faire la guerre au duc d'Orléans et ses alliés, en divers lieux et pays.
En icelle saison, messire Jehan de Croy, fils du seigneur de Croy, véant que son père estoit prisonnier ès mains du duc d’Orliens, et en grand danger de mort, comme l’on disoit, trouva facon d’entrer dedans le chasteau de Moncheaulx, séant en la comté d’Eu, où il trouva trois des enfans du duc Jehan de Bourbon, lesquels il prit et mena prisonniers dedans la chasteau de Renty.
En icelle saison , le vidame d'Amiens eut charge d'aller devant Clermont en Beauvoisy, et lui fut rendu pour le roi et le duc de Bourgongne le chastel et la ville. Le bailly d'Amiens eut charge d'aller au pays de Boullenois; et à lui se rendirent, pour le roi, le chasteau et la ville de Boulongne, la comté d’Eu, Gamaches et tout le pays d'environ.
Vous avez ouy comment le comte d’Arondel et de Quinte furent, avec le duc de Bourgongne, à la prise de Saint-Cloud, qui fut une grande et belle besogne pour lui. Or, est vrai que le duc de Bourgongne, véant que ses adversaires étoient fort rebouttés, il envoya les deux comtes d’Arondel et de Quinte en Angleterre ; et en après fut ordonné le comte de la Marche et le seigneur de Hambye d'aller au pays de Beausse en la duché d'Orliens. Si advint que, quand ils furent logés au pays de Beausse, ils ne logèrent point ensemble, mais loin l’un de l’autre. Ceux qui dedans Orliens estoient le scurent ; si assemblèrent de cinq à six cents combattants, dont les seigneurs de Barbasan et de Gaucourt estoient chefs ; et se partirent de la nuit ; et tant chevauchèrent que vindrent au point du jour auprès d’un village nommé Puiset, en Beausse, où le comte de la Marche estoit logé, qui rien ne sçavoit de la venu des Orliénois. Si fut là pris le comte de la Marche et la plupart de ses gens, à bien peu de défense. Toutelois les aucuns allèrent vers le seigneur de Hambie, qui logé estoit assez près de là, qui se gouverna si bien qu'il reprit la plupart de ses prisonniers, et si rua jus des Orliannois de trois à quatre cents; et se ne fust la
MÉMOIRES DE SAINT-REMY
seule personne du comte de La Marche qu'ils emmenèrent, ils eussent beaucoup plus perdu que gagné. Or, tost après la besogne de Saint- Cloud, et en ce mesme mois, les ducs de Bourgongne et de Guyenne allèrent asségier la ville d’Estampes, laquelle estoit au duc de Berry ; et en estoit capitaine un gentil chevalier, nommé messire Loys Bourdon. La ville ne tint point longuement ; mais firent ouverture. Dedans laquelle logèrent les ducs de Bourgongne et de Guyenne. La forteresse fut asségiée, laquelle avoit trois tours. La place fut fort battue et minée ; et furent, par force, la basse-cour et le chasteau pris, et le donjon de la grosse tour minée et mise sur estanches, par ceste sorte que qui eust vollu, on l’eust fait trébucher par terre. Mais dedans icelle tour avoit, avec le capitaine, un gentil chevalier du pays de Picardie, nommé le seigneur de Raon, prisonnier dedans ladite tour, lequel fit tant que le capitaine eut son traité, tel que, en rendant ladite tour, il auroit sa vie sauve; mais seroit prisonnier au plaisir des ducs de Guienne et de Bourgongne.
Après la reddition du castel et ville d’Estampes, lesdits ducs retournèrent à Paris, où ils furent, à grand’ joie, recus du roi et des autres, et là fut messire Loys Bourdon amené prisonnier, et depuis fut délivré et eut à la cour du roi gouvernement ; lequel gouvernement fut à sa maladventure, car il fut accusé d’aucuns cas deshonnestes ; par quoi il fut pris et rué par nuit en la rivière de Seine, où il fina ses jours. Après le retour d’Estampes, qui fut à l'entrée de décembre en l’an onze, plusieurs capitaines, tenans la partie du roi et du duc de Bourgongne, furent envoyés pour faire guerre aux Orliénois et à ceux qui tenoient leur parti ; c’est assavoir, messire Guichart Daulphin, le seigneur de Helly et autres au pays de Berry; Amé de Viry, au pays de Bourbonnois. Le seigneur de Hellÿ, lui estant au pays de Berry, en un village, fut pris dépourvu de gens, du duc de Berry, au point du jour ; et là perdit la plupart de ses gens; mais depuis ne demeura guaires que ne se remonta, et depuis fit- il de très belles besognes , tant en Berry comme en Guyenne, dont il fut fait sénescal: et là se trouva grandement accompagné de noblesse, tant de Picardie de Flandres, de Tourraine que de Guyenne. Ainsi que le seigneur de Helly estoit un jour en la ville de Saint-Jean-d’An-
gély, nouvelles lui vindrent de La Rochelle, qu’on avoit vu, sur le costé d'Angleterre, navires de guerre qui prenoient le chemin pour aller vers La Rochelle, comme il sembloit. Or, tenoient alors une petite ville nommée Soubise les Anglois, séant sur la mer, à trois lieues de La Rochelle, dont un chevalier d'Angleterre, nommé messire Thomas Blood, estoit capitaine. Et sembloit à ceux de La Rochelle que les navires venoient à Soubise, mener vitailles ; et dirent au seigneur de Helly que, s’il voulloit aller a La Rochelle, ils lui bailleroient navires pour aller au - devant des Anglois, et qu'il ne polroit faillir de les trouver. Le seigneur de Helly crut iceulx de La Rochelle, et alla en leur ville, et monta en mer, cuidant trouver les Anglois ; mais, pour abrégier, ils ne les trouvérent point. En retournant vers La Rochelle, il le convenoit passer devant la ville de Soubise. Or est vrai que quand ledit seigneur de Helly vint devant ladite ville, il requit à ses maronniers que ils le descendissent à terre, car il vouloit voir de quelle advenue estoit la ville de Soubise. Les maronniers s’excusèrent fort, disants que la mer se retraiait et que leur gros navire ne polroit approcher la terre. Il répondit qu’il volloit descendre et qu’on le mist en bottalrins ; et de fait descendit et aucuns de ses gens au mieux que povoient. Les Anglois, qui dedans Soubise estoient, se mirent tous en armes. Véants que les gens du seigneur de Helly descendoient à très grand peine, et que ceux des navires ne pourroient secourir ceux de la terre, et qu’ils estoient assez forts pour iceux combattre, saillirent hors de leur ville, et combattirent le seigneur de Helly, qui bien se deffendit, car il estoit vaillant chevalier. La, fut le noble chevalier de Helly pris, et de bien nobles gens de sa compagnie morts et prins; et là moururent messire de Helly, son frère, le seigneur de Bailleul en Flandre, messire Jehan Oudard et plusieurs autres, et ceux des navires qui ne pouvoient secourir le seigneur de Helly se retournèrent à La Rochelle. Par ceste malle fortune fut la compagnie du seigneur de Helly rompue, et s’en retourna chacun en son
pays.
