PC CR I GE

gens du duc de Bourgongne, le seigneur de la Viefville, messire Charles de Lens; et messire Robinet de Mailly, doubtant qu'il ne fust pris, s’en alla, et pour ceste cause fut banni du royaulme. Le seigneur de Jacqueville fut desmis de son office de capitainerie de Paris. Plusieurs des bouchers, Caboche, Jean de Troyes, maistre Witase de Lattre, s’en allèrent les uns en Flandres, les aultres en Bourgongne. Plusicurs aultres aussi se absentèrent , c’est assavoir les commissaires qui avoient esté ordonnés à interroger les prisonniers. Quand le duc de Bourgongne veit la manière du duc de Guyenne, doubtant qu'il ne fust mie bien content de lui, fut en grand souppechon que on ne mist la main à sa personne ; et avec ce, il véoit que ses gens le laissoient et secrettement s’en alloient sans prendre congé de lui, pour doubte que on ne le prist, ainsi que desjà en avoit de pris; et si étoit adverti que on avoit fait aucuns agaits de nuit autour de son hostel ; véant aussi que jour en jour venoient, devers le duc de Guyenne, grand nombre de ceux qui paravantavoient esté ses adversaires ; et pour ce, afin de obvier et résister aux périls quis’enpolroient ensuivre, trouva manière que le roy alla chasser ès bois de Villenœufve-Sainct-George. Si alla avec lui; et quand il vit son point, il prit congé du roy, en disant qu'il avoit eu nouvelles de son pays de Flandres, où il falloit qu’il retournast pour aucuns affaires qui lui estoient survenus. Et de fait, sc party après qu'il ot pris congé du roy. Ce jour-là alla gésir auprès du Pont-Saint-Maissance!, et prit son droit chemin à Lille en Flandres. Après son partement, les Orliénois et aucuns Parisiens commencèrent à fort murmurer contre lui; et les gens qui avoient tenu son parti furent en grand soussy., et non sans cause, car chacun jour on en prenoit, dont des aucuns on faisoit justice assez hastive. Et de fait, furent exécutés, traisnés et pendus Îles deux nepveux Caboche, et pareillement Jean de Troyes. Quand la royne, les ducs de Guyenne, de Berry et de Bar scurent le partement du duc de Bourgongne, ils en furent fort joyeux, et ainsi plusieurs autres qui paravant se montroient du tout en lui. Et fort estoit la chance retournée, car n’avoit pas grand temps que nul n’osoit parler des Orliénois,'et à ceste heure estoit tout le contraire, car de tous points ils

(4) Pont-Saint-Maixent,

estoient au-dessus. En la ville de Paris et en Bourgongne n’estoit nul qui en osast parler. Ne demoura gaires que le roi de Secille, les ducs d'Orléans, de Bourbon, les comtes d’Alenchon, de Vertus, d’Eu et Dampmartin, et aultres en grand nombre allèrent à Paris en grande compaignie de gens d'armes en belle ordonnance. Les ducs de Bavière et plusieurs bourgeois de la ville allèrent allencontre d’eux et les reçurent à grand joie. Iceulx princes allèrent tout droit au palais faire la révérence au roi, à la reine et au duc de Guyenne qui là estoient à ceste assemblée. La joie fut moult grande, et là soupèrent la plupart des princes ensemble : et le lendemain messire Charles de Labreth arriva à Paris; auquel feut rendu son office de connestable, et le comte de Sainct-Pol démis.