CHAPITRE XXIX
Comment le roy conclut de entretenir ce qui avoit esté con clud à Ponthoise ; et de la délivrance des princes et aultres grands personuaiges, chevaliers et officiers, emprisonnés par les Parisiens; auxsy la réintégration de plusieurs quy avoient esté desinis de leurs oflices; du partement du duc de Bourgongne; de la venue de plusicurs princes à Paris; et comment messire Charles de Labreth feut remis en l'estat de conuestable,
Vous avez ouy comment les ducs de Berry et de Bourgongne avoient besogné à Ponthoise avec les ambassadeurs du roy de Secille, des ducs de Bourbon, d’Orliens et autres, qui lors estoient à Vernon-sur-Seine,et comment le roy en son grand conseil conclud de tenir et entretenir tout ce que en ladite ville de Ponthoise avoit esté fait et pourparlé. Pour laquelle cause ordonna certain mandement estre publié par+
tout son royaume. Par lequel mandement il faisoit scavoir le traictié de la paix, et comment il révoquoit et adnulloit tous les bannissements et toutes sentences quelconques qui avoient esté faites contre ceux de son sang, et contre les prisonniers pris par ceux de Paris, et voulloit aussi que toutes gens de guerre et tenans les champs s’en rallassent à leurs hostels sans plus adomager son royaume, sur peine de confiscation de corps et biens; en mandant aussi à tous les baillis et officiers que, se les gens d’armes de Champagne voulloient obéir, qu’ils trouvassent manière d’estre les plus forts en abandonnant tous leurs biens, chevaux et harnois à ceux qui à leur compaignie seroient, et que se aucuns se deffendoient, que on les occist, et s’aucuns vouloient empescher le bien de se faire, fusten parole ou en fait, qu'ils fussent criminellement punis. Or est ainsi que, après ce que le roy eust ainsi conclud pour la cédulle qui avoit ainsi esté faite audit lieu de Ponthoise, incontinent après, en la présence des ducs de Berry et de Bourgongne, fut ordonné, et de fait allèrent les trois ducs de Berry, de Guyenneet de Bourgongne, desprisonner les prisonniers que ceux de Parisavoientemprisonnés; C’est assavoirles ducs de Bar, de Bavière et autres grands personnages et en grand nombre de chevaliers et d'officiers, tant des gens du roy et de la reine que de monseigneur de Guyenne; dont plusieurs de Paris cuidèrent empescher la paix et la délivrance d’iceux ; mais pour eux on n’en fit rien. Après ce que les prisonniers furent délivrés, fut maistre Jean de Troyes, concierge du Palais, desmis de son office, et tous ses biens pris et emportés dudit Palais par aucuns de la ville de Paris, lesqueis avoient accoutumé de l'accompagner; et en l’officede conciergerie fut restitué celui qui auparavant l’exercoit, et pareillement plusieurs autres à qui on avoit osté leurs offices y furent remis et restitués, comme Anthoine des Essarts; comme aussi au duc de Bar fut rendue la capitainerie du Louvre, au duc de Bavière la Bastille comme auparavant avoit esté. À la délivrance des prisonniers dessusdits faicte une grand feste et grand joie par tout Paris ; et firent feste par deux jours entiers, sonnants les cloches toutes en heure, comme l'on disoit ; et . icelle feste se faisoit pour l'amour de la paix. Tantost après ceste feste faite furent pris des
MÉMOIRES DE SAINT-REMY
