CHAPITRE XXXI

d'Orléans, de Bourbon et des autres princes, se feirent à merveilles grands festes, grands banquets, et grands esbatements et merveilles ; et fit faire le duc d'Orléans heucques! italiennes de drap de laine de couleur violet; et sur ce avoit escript en lettres faites de boulons d’argent, le droit chemin. Et n’estoit point de bonne heure, ne avant Paris qui ne avoit une. Danses et mommeries se faisoient ; et Dieu scait comme le due Jehan de Bourbon estoit en bruit entre les dames et damoiselles. Or estoit bien l’estat tourné que devant est dit ; car n’avoit gaires de temps que des princes dessusdits on n’eust osé dire mot, sinon à leur foule et vituptre. Or est fol qui en peuple se fie. En ce temps vinrent à Paris Jehan, duc de Bretagne, lequel avoit espousé la fille du roy; avec lui le comte de Richemont son frère, et aussi l'ambassade du roy d'Angleterre ; c’est assavoir le duc d’Yorck et le comte de Rothelan, pour traiter le mariage du roi d'Angleterre et de madame Katherine de France, fille du roy, afin de ensuivre l'alliance que voloit faire le duc de Bourgongne, qui vouloit donner sa fille au roi d'Angleterre. Iceulx ambassadeurs furent ouys et bien venus, mais rien ne y feirent, et s’en retournèrent en Angleterre.

En ce temps estoit le duc de Bourgongne en la ville de Lille, en laquelle il assembla grand noblesse de son pays, et avec ce les quatre membres de Flandres ; et là fut le comte Walleran de Sainct-Pol, lequel venoit de Boulogne et Bavelinguehen, où il s’estoit assemblé avee le comte de Warwick et l’évesque de Sainet- David, et aucuns aultres Anglois, pour les trefves entre les deux roys de France et d’Angleterre, lesquelles furent octroyées jusques à la feste de Sainct-Jehan-Baptiste. Et à receut ledit comte de Sainct-Pol, connestable de France, lettres du roy par lesquelles lui mandoit qu'il allast à Paris rendre l’espée de connestable. Sur lesquelles lettres il demanda conseil au due de Bourgongne. Toutefois j'entends que il ne fut pas conseillé de ce faire. Et s’en alla en sa ville de Saint-Pol; et puis alla jusques en la ville d'Amiens, là où il ordonna une ambassade pour aller à Paris devers le roy. Ses ambassa deurs furent le vidame d’Amienset maistre Robert le Josne pour proposer devant le roy leur légation. Eux venus à Paris devers le rov fu-

{4} Robes,

rent ouys; et proposa ledit maïstre Robert, en plein conseil, en quel estoit le roi et plusieurs autres princes, et remonstra au roi et luidit : que le comte de Saint-Pol, son maistre, n’avoit oncques tenu parti que le sien, ne oncques villes ne forteresses n’avoit tenu contre lui, ainsi que pluiseurs avoient fait. Ces choses dites et proposées, lui fut dit que il se fist advouer des seigneurs avec lesquels il estoit venu; lesquels le désadvouèrent. Et pour ce fut pris et mené en Chastelct, où il fut deux jours en très grand paour et amère déplaisance. Toutefois le duc de Bar, beau-frère du comte de Saint-Pol, requist au roy de sa délivrance, et fut mis hors de prison; et en ce point s’en retournèrent les ambassadeurs du comte de Saint-Pol. En après, furent derechef grands mandements royaux envoyéspar toutes les parties du royaulme à estre publiés ès lieux accoutumés, lesquels mandements contenoient les desrois faits en la ville de Paris par les Parisiens, à la déplaisance du rov, de la royne et du duc de Guyenne. Lesquels mandements contenoient toûs les monopoles, traysons, desrisions que avoient faits les Parisiens dedans la ville de Paris; et mesmement comment ils estoient allés à main armée, et en grand desrision en l’hostel du duc de Guyenne, où ils avoient trouvé le duc de Bar, lequel ils avoient prins avec pluiseurs autres nobles hommes ; en après, comment ils avoient esté jusques à la chambre de la royne prendre aucunes nobles femmes, dont en avoit du sang royal, et menées prisonnières en divers lieux, et pluiseurs autres choses. Après ces choses faites, le duc d'Orléans requit au roy qu'il lui fist ravoir ses villes et chasteaux de Coussv, Pierrefons et la Ferté-Milon, que le comte de Saint-Pol avoit conquises et ne lui vouloit rendre, jà-coit-ce que par les convenances de la paix se devoit ainsi faire. La requeste du duc d'Orléans lui fut accordée ; et fut, de par le roi, ordonné messire Gastelin du Bois, baillyf de Sens, d'aller recevoir l’obéissance de par le roy des dessusdites places; lesquelles obéirent au roy, et furent rendues et restituées au duc d'Orléans. Ne demoura gaires que le comte d’'Erminacq vinst à Paris en la compagnie de messire Clignet de Brabant et autres, à grant compagnie de gens d'armes, lequel fut honnorablement receu du ray. En ce temps estoit gouverné le roy et tout le royaume par les

MÉMOIRES DE SAINT-REMY

Orliennois; et au regard de ceulx qui avoient tenu la partie de Bourgongne, estoient du tout boutés arrière et n’avoient quelque audience, et convenoit que ceulx qui dedans Paris demeurés estoient ouyssent plusieurs paroles qui pas ne leur plaisoient.

Vous avez ouy comment Île duc de Bourgongne estoit à Lisle, où il avoit mandés plusieurs grands seigneurs pour avoir advis et conseil de ses affaires ; car souvent lui venoient nouvelles de Paris, comment ceulx qui avoient esté ses adversaires gouvernoient le roy et le duc de Guyenne, et grand’ peine mettoient de le mettre hors de leur grace. Pour lesquelles causes il doubtoit que enfin ils ne le meissent en guerre, et de tous points tournassent le roy et le duc de Guyenne contre lui; pour laquelle cause il avoit assemblé son conseil. Et durant que le duc de Bourgongne estoit à Lille, le roy d'Angleterre envoya une ambassade devers lui pour traictier le mariage du roy avec l’une de ses filles ; toutefois ils ne polrent estre d'accord, et par ainsi retournèrent en Angleterre.

Le onziesme jour d'octobre, en icelui an, le roi ordonna de ses gens, c’est assavoir le seigneur d’Auffemont et le seigneur de Moy, lesquels il envoya devers le comte de Sainct-Pol lui requérir qu’il envoyast l’espée de connestable; à quoi il respondit que il n’avoit point fait chose par quoi on lui deubt oster, et qu’il s’en conseilleroit à ses amis, et en briefs jours assembleroit ses parents et amis, et feroit telle response que par raison le roy debveroit estre content. Tantost après le roy fist un édit par lequel il ordonna un mandement pour faire publier allencontre de ceulx qui ne se porroient tenir de murmurer et injurier les uns contre les aultres, et qui désiroient d’esmouvoir gens à commotion et discorde pour engendrer nouveaux desbats et guerres. Lequel mandement fust publié par tout le royaume, qui contenoit en effet : « que le roy vouloit tenir et entretenir de point en point le traicté de la paix, sans l’enfreindre ne souffrir estre enfreint, en faisant exprès commandement et deffense, de par le roy, sur peine de confiscation de corps et de biens, que nuls, de quelque estat, auctorité et condition qu’ils soient, ne fassent, dient, profèrent paroles au contraire de ladicte paix, ne gens induisent à venir contre icelle, ne veullent empescher; et que tous ceulx que vous trouve

rez faisans, parlans ou murmurans au contraire, nous voulons, par vous ou vos commis, estre faicte inquisition ; et diligemment en faciez ou faites faire purgation ou justice, toutes excusations cessans, par si et telle manière que ce soit exemple à tous aultres ; et que par vous, vostre négligence ou coulpe n’y ait aucune faute; et les biens desdicts coupables et murmurans, meubles et non meubles, prendez et faites prendre, et mettre en nos mains, aux dépens de la chose , par personne ou personnes souflisans et notables qui de ce puissent rendre bon compte, et reliquat, où et quand mestier sera ; et de ce faire vous donnons, aussi à vos depputés et commis en ceste partie, pleine puissance, nonobstant quelconques lettres, ordonnances, mandements, deffenses, oppositions ou appellations à ce contraires. Donné à Paris le sixiesme d’octobre l’an 1413, de notre règne le trente-trois. Ainsi signé par le roy en son grand conseil, où estoit le roy de Sécille, les ducs de Berry, d’Orléans, de Bourbon et plusieurs aultres. »

Et puis furent publiées à Amiens, et au baillage, le trois de novembre audict an.