CHAPITRE XXXIL

Comment Loys, duc de Bavière, épousa la vefve du comte de Mortaing, frère du roy de Navarre; du bannissement du royaume des gens du duc de Bourgoungne, et de l'ambassade que le roy envoya au duc de Bourgongne; el aultres incidents.

En ces propres jours ou là environ, Loys, duc de Bavière, frère de la reine, épousa la vefve de feu messire Pierre, frère au roy de Navarre, en son temps comte de Mortaing; auxquels noeupces ot unes très belles joustes. Et y jousta le roi et pluiseurs aulires de son sang; et le lendemain pluiseurs des gens du duc de Bourgongne furent bannis du royaulme de France; duquel bannissement les nouvelles furent rapportées au duc de Bourgongne, qui lors estoit à Saint-Omer ; duquel ne fut pas content. Et lui conseilloient aucuns qu'il se mist en armes et en puissance, et que il se tirast droit à Paris, et que les Parisiens lui feroient assistance aussi grande que faite lui avoient autrefois: mais il n’en vouloit rien faire.

En ce temps s’émeut dissension entre les ducs d'Orléans et de Bretagne, pour ce que le duc de Bretagne se vouloit mettre au-dessus du