CHAPITRE XXXY

Des mandemens que le roy feit publier par son royaume à l'encontre du duc de Bourgongne, en le bannissant et privant de toutes graces et bienfaits, enserable ses favorables, amis et alliés, en luy impirant crimes horribles et deics-

tables.

Or faut parler des princes qui dedans Paris estoient. Vrai est que après le partement da duc de Bourgongne, de la ville de Sainct-Denis, le roy et les autres princes qui là estoient, sceurent que le duc de Bourgongne avoit mis garnisons ês villes royales. Pour laquelle cause furent mesmerveillés, disant qu’il monstroit qu'il vouloit venir à la guerre ; et pour y obvier et résister, le roy fit faire mandements, lesquels il envoya publier par tout son royaume, contenant en effet que le duc de Bourgongne, contre le mandement et deffense de lui, et mesmement contre la paix par eux jurée, avoit fait grands mandements et assemblées de gens d'armes, estoit allé devant la ville de Paris, et à son retour mis garnison ès villes royales, et avec ce tenoit gens d’armes sur les champs, pillants et robants le povre peuple. Pour laquelle cause le roi mandoit qu’il fust crié à son de trompes, que toutes gens de guerre fussent prests pour servir le roi, sur confiscation de corps et de biens. Après la publication des mandements dessus dits, ceux qui avoient tenu le parti du

te. Een, ————« — né: | om on + nn

— RE in 2

duc de Bourgongne à Paris et à l’environ , furent moult oppressés. Plusieurs furent pris et décapités, et leurs biens confisqués ; et avec che fut ordonné un mandement royal, envoyé par les baillages et senechaussées, par lequel le roy les privoit de toutes graces et bienfaits, en bannissant le duc de Bourgongne. lui, ses favorables, amis et alliés, pour le très cruel et dampnable homicide perpétré et commis en la personne du duc Loys d'Orléans , et avec ce tous les faits que pouvoit avoir faict ou fait faire le duc de Bourgongne; et tous les maux que on pourroit dire ne penser allencontre delui, estoient mis par escript en icellui mandement, disant que il avoit faict pluiseurs fois questionner et tourmenter plusieurs personnes, les uns fait morir sous ombre de justice, sans cause et sans raison, les aultres morir de faim en prison, sans confession, sans aultres sacrements ecclésiastiques, et les faisant jeter aux champs, aux chiens, sans volloir souffrir qu'ils eussent sépulture, ne que leurs enfants nouvellement nés fussent baptisés, qui est expressément contre nostre foi en ces choses, fait faire horribles cruautés, et les plus grands inhumanités que oncques fuissent veues ne oys, et plus sous ombre de guerre, qui n’estoit pas au roy, ne devoit estre, mais au duc de Bourgongne, et pour son fait particulier. Et avec ce, disoit-on que le duc de Bourgongne faisoit lever sur les sujets du royaulme merveilleuse finance, tant par taille, emprunts, réformations, trésors d'église ès cours de parlement, de chastellet et ailleurs mises en dépost, et aultres sommes de deniers qui estoient mises et consignées au profit de femmes veuves et d'enfants maindres-dans1, pour cause de retraite ou rachapt de revenus ou héritages. Et tant de maux inumérables estoient audit mandement, comme le tout se peult veoir ès chroniques, où ils estoient bien au long spécifiés et déclairés.