CHAPITRE XXXIV
toit, ordonna vingt hommes d’armes sages et prudents, et vaillants et très bien montés, lesquels trouvèrent manière de passer la rivière de Seine auprès de Conflans ; lesquels chevauchèrent le plus secrettement que ils polrent jusques en la ville de Mont-le-Héry, eulx disans au duc de Bourbon, que là ils estoient venus pour faire son logis. Messire Jean de Croy, fils du seigneur de Croy, prisonnier dedans le chaste] de Mont-le-Héry, estoit, par le moyen d’un chastellain, qui céans le gouvernoit, adverty de la venue desdits vingt hommes d’armes. Or est vrai que à celle heure que ces vingt hommes d'armes arrivèrent à Mont-le-Héry, messire Jean de Croy ouyt messe en une chapelle auprès de la porte du chastel. Et messe oye, iceulx hommes d'armes, qui un bon cheval avoient amené pour messire Jean de Croy, se trouvèrent assez prests ; et incontinent sachans leur besogne estre preste et que ils povoient bien emmener messire Jean de Croy, se tirèrent vers lui et le firent monter à cheval. Ainsi que messire Jean de Croy montoit à cheval, aucuns de la place allèrent devers messire Collard de Calleville, capitaine du chastel, et garde de messire Jehan de Croy, qui fut de ces nouvelles moult esmerveillé, car en rien ne se doubtoit. Lors il accourut en grand diligence à la porte, et véant messire Jehan de Croy à cheval et hors de sa main et puissance, dit : «Ah! mon- « seigneur, se vous en allez ainsi, je suis détruit « de corps et de chevance. » Messire Jehan lui respondit : « De vostre ennuy et dommage me «“ déplairoit. Toutefois, à l’aide de Dieu, j'ai «intention de m’en aller ; mais si, vous vollez «venir avec moi, les biens de monseigneur “mon père et les miens ne vous fauldront « point.» Et en ce point se partit messire Jehan de Croy; et messire Collard de Calleville, demeura attendant l’adventure de Dieu, et telle que advenir lui porroit. Les vingt hommes d'armes se conduirent si sagement qu'ils se trouvèrent dedans la ville de Sainct-Denis atout messire Jehan de Croy. Le duc de Bourgongne, qui toujours avoit espoir d’avoir nouvelles de Paris, de rechef envoya son roi d'armes d’Arthois, portant lettres devers le roi de Sécille et devers les ducs d'Orléans et de Berry, pour eux signifier la cause de sa venue, en eux requérant que ils voulsissent souffrir que il parlast au roy et au duc de Guyenne, ou à tout le
LS
moins que ses gens y peuissent parler, disant outre qu'ils laissassent le roi dominer et gouverner, sans le tenir en servitude, et par espécial le duc de Guyenne, lequel ils détenoient à sa grande déplaisance ; mais quand le roi d’armes fut à la porte Sainct-Antoine, on lui dit qu'il s'en retournast atout ses lettres, et que il n'entreroit point dedans Paris. Quand le roy d'armes oy ceste réponse, qui très rudement et très rigoureusement lui fut faite, il prit un baston fendu , dedans lequel il meit ses lettres, et devant la porte les ficha en terre, et là les laissa ; et le plus tost qu'il poeult retourna à Sainct-Denis vers son maître, lequel fut plus mal content que devant. Quand le duc de Bourgongne veit que il perdoit temps, et que venir ne pooit à son intention, il conclud de s’en retourner en son pays de Flandres, et laissa garnison à Compiengne et à Soissons; c’est assavoir, à Compiengne, messire Hugues de Lannoy, le seigneur de Sainct-Legier et plusieurs autres ; à Soissons, messire Collart de Fiennes, Engucrrand de Bournonville et autres gens de guerre. Et fut conclud par le duc de Bourgongne, avec sa chevalerie et les bonnes villes, que jusques à tant que le roi et son fils le duc de Guyenne seroient en franchise, sans estre ainsi détenus, et qu’ils gouverneroient ainsi par telles personnes que ils vouldroient, et que ceux qui ainsi les tenoient et leurs gens seroient chascun en leur pays, si comme lui duc de Bourgongne et ceux de son parti, qu’ils s’offroient eulx en aller en leur pays, ils ne debvroient point d’obéissance aux mandements donnés par l’advis et conseil desdits seigneurs, ne de ceulx de leur parti. Lesquelles choses le duc de Bourgongnesignifia à pluiseursbonnes villes, en les requérant de par le roy et le duc de Guyenne qu'ils le voeullent aider, et eux joindre avec lui; et en ce faisant eux et chascun d'eux acquitteront leur loyauté, et en seront recommandés toute leur vie, en les promettant de les aider et conforter de tout son povoir, et de ce leur bailler lettres. Ces choses faites, le duc de Bourgongne s’en alla en sa ville d’Arras; et les Bourguignons de la duché et comté qui le estoient venus servir, il les envoya tenir les champs ès pays de Cambresis et de Therasche, sur les terres de messire Robert de Bar, comte de Marle. Et quand il fut arrivé en sa ville d'Arras, il assembla les trois estats de son
MÉMOIRES DE SAINT-RÉMY
pays, et par espécial les nobles, pour leur communiquer ses affaires; et si leur fit dire par le seigneur d’Ollehain la cause qui l’avoit mené à Paris. Ces remonstrations faites, toute la noblesse qui là estoit lui promirent de le servir allencontre de tous ses adversaires , excepté le roy et ses enfants. En ce conseil et assemblée ordonna le duc de Bourgongne lettres pour envoyer en plusieurs bonnes villes du royaume, lesquelles contenoient tout le démené de son voyage devant Paris, et comment par lettres de monseigneur de Guyenne il y estoit allé; et finablement estoit contenu ès lettres comment le roy et le duc de Guyenne estoient comme prisonniers; leur requerant qu'ils ne voulsissent obéir aux lettres ne aux mandements quelconques, tant qu'ils fussent au gouvernement de gens où lors estoient. Ces choses faites, et envoyées lesdites lettres avec le vidimus de trois lettres que le duc de Guyenne lui avoit envoyées, il s’en retourna en son pays de Flandres.
