CHAPITRE XXX VI
gne, après son partement du pays de France, s'estoit retraict en son pays; mais ce nonobstant, les ducs de Berry, d'Orléans et aultres, n’avoient fiance nulle en ceux de Paris; et toujours les soupconnoient estre Bourguignons, Pour laquelle cause fut appointé et ordonné messire Tanneguy du Chastel, lors prévost de Paris , et Remonnet de la Guerre, par l’auctorité du roi et de son grand conseil, oster toutes les chaisnes servans aux rues de Paris; lesquels les firent, par doubte de mutation du peuple, menerau Louvre et en la bastille Sainct- Antoine ; et avec ce furent les bourgeois, manants et habitants de Paris contraints de bailler toutes leurs armures, lesquelles furent aussi portées au Louvre et en la bastille. Et avec ce leur fut deffendu de porter bastons invasibles ou deffensables ; et si leur fut deffendu la garde
des portes; et les faisoient garder les Orliénois
aux dépens de ceux de la ville. Tous les jours grands chevauchies de gens d'armes alloient avant la ville, et y faisoient gaits de nuit et de jour aux portes et à la muraille. Pour laquelle cause ceux de la ville de Paris, véans qu'ils estoient mis en telle subjection, et que toute deffense on mettoit sur eux, ils conchurent telle hayne allencontre du comte d'Erminacq que oncques puis ne l’aimèrent ; et depuis bien lui montrèrent, comme il sera dit en après. En ce mesme temps, le roy envoya plusieurs lettres et mandements contenants en effet, comme autrefois il avoit escript et envoyé pluiseurs lettres aux bonnes villes de son royaume, pour séduire le poeuple, pour parvenir à sa mauvaise et maudite entreprise. Et avec ce furent envoyées aultres lettres de par le roy, aux nobles du pays d’Arthois, aux baillis de Tourna
et de Vermandois , par lesquelles il deffendoit, sur grosses peines, que de là en avant ils ne s'amassassent avec le duc de Bourgongne, ne l’accompagnassent ne lui ne les siens, en quelque manière que ce fust; mais tantost et incontinent se préparassent pour servir le roy : car
par l’aide de Dieu , il avoit intention de punir et humilier le duc de Bourgongne. En ce temps
l'évesque de Paris, à la requeste de l'université, envoya devers le duc de Bourgongne pour scçavoir s’il vouloit advouer maistre Jean Petit des articles que autrefois avoit proposées à sa requeste contre le feu duc d'Orléans; et le duc de Bourgongne respondit au message que il ne
k vouloit porter ni advouer, sinon en son bon droit. Le messagier retourné à Paris à l’évesque la response oye par l’inquisiteur de la foi, fut ordonné que les articles que avoit preschés publiquement maistre Jean Petit seroient arses publiquement, présent le clergé, et tous autres qui veoir le voldroient. Et ainsi fut fait. Et fut renommée, que on iroit quérir les os dudit maistre Jean Petit, qui estoit trespassé et enterré en la ville de Hesdin, pour les faire ardoir en la ville de Paris, au lieu où les articles avoient esté arses.
