CHAPITRE XXXVII

Des mandemens et remonstrances que le duc de Bourgongne feit aulx nobles de son pays d’Arthois et de l'icardie ; et de la maladie quy alors régnoit au royaume de France, nommée la coqueluche.

Le duc de Bourgongne ouyt nouvelles que le roy faisoit grand’ assemblée de gens d'armes; pour laquelle cause il manda les nobles de son pays d’Arthois et de Picardie, pour estre devers lui en sa ville d'Arras, et leur remonstroit que il avoit eu certaines nouvelles que le roy et le duc de Guyenne estoient du tout tournés contre lui par le moyen de ceux qui les gouvernoient. Si leur fut monstre les lettres escriptes de la main du duc de Guyenne; et avec ce leur fit dire qu’il avoit laissé ses gens ès villes de Compiengne et de Soissons, pour le bien du roy. Toutefois, il sçavoit de vérité que l’as-

semblée que le roy faisoit, c’estoit pour recou-.

vrer icelles villes; pour laquelle cause il requéroit aux nobles qu’ils lui voulsissent bailler conseil et aide. À quoi lui fut répondu de tous : que volontiers le serviroient allencontre de tous ses adversaires , réservé le roi et ses enfants. Mais le seigneur de Ronq dit plus, car il dit que il serviroit contre le roi et contre tous aultres qui grever lui vouldroient.

Et en ce temps régnoit une maladie par tout le royaume de France, qui tenoit en la teste, dont plusieurs josnes et vieux mouroient, laquelle maladiese nomme la cocqueluce.

MÉMOIRES DE SAINT-REMY