CHAPITRE XXIX
‘ Comment ceulx de Caen eurent leur traictié devers le roy, et
comme ils luy délibvrérent les ville et chastel où estoit le comic de Sombreset, lequel, sa femme, ses enfants et touts ceulx de leur compagnie, feussent Anglois ou aultres, s’en alièrent, leurs corps ct leurs biens saulls.
Quand le roy de France sceut que ceux de la ville de Caen requéroient parlamenter pour trouver leur traictié, icelluy roy, mectant Dieu devant ses yeux, regardant la pitié que ce seroit de destruire telle ville et de violer et piller les églises de Dieu, pour aussy eschevir ! leffusion de sang de hommes, de femmes et de enfants, quy dedans euissent peu estre tués, se consentit de parlamenter à eulx ; et la ville feut receupte à composition, jà soit que à la vérité il n’y avoit nulle apparence que, s’il eust pleu au roy que la ville n’euist été prinse d’assault sans nul remède ; et
(1) Eviter.
Lot =. a
euist eu après le chastel et le donjon, mais non pas sitost, car iceluy chastel est l'ung des forts de Normandie, garny de haye ct grand boullevert de moult dure pierre, assis sur une roche, laquelle contient aultant que la ville de Corbeil ou celle de Montferrant; et y a dedans ung donjon très fort, faict d’une large et haulte tour carrée de la facon de celle de Londres ou du chastel d'Amboise, et environné tout autour de quatre grosses tours maconnées depuis le pied des fussés jusques au hault à l’esgal de la terre, lesquelles tours sont moult haultes; puis est fermé de fortes murailles et haultes tout autour, selon la quantité des tours dessusdictes. Dedans iceluy chastel se tenoient le duc de Sombreset, ses femme et enfants, et dedans la ville messire Robert Vere, frère du comte de Eusfort!, messire Henry Reddefort, messire Expansier?, Henry Candre,Guillaume Carne,Henry Jord Clogiet, Fouquet, Ethon et plusieurs aultres, lesquels estoient conduiseurs, pour le duc de Sombreset, de quatre mille Anglois pour la garde de la ville de Caen; lesquels Anglois durant le siége s’assemblèrent par plusieurs fois et coururent sus aulx Francois; et ce feirent pareillement les Francois sur les Anglois, c’est à savoir, pour leroy de France, le comte de Dunois, le séneschal de Poitou et plusieurs aultres. Quandles Anglois sceurent que le roy estoit content de tenir parlament à eulx et ceulx de la ville, sy ordonnèrent, par l’octroy du roy de France, certain lieu pour parlamenter. Auquel lieu, pour le roy de France, feurent députés le comte de Dunois, le séneschal de Poitou et messire Jean Bureau, thrésorier de France; et pour les Anglois messire Richard Henton, bailly de Caen, Foucques, Ethon et Jehan Gages ; et pour ceulx dela ville, Eustasse Canivet, lieutenant du bailly, etl’abbé de Sainct- Estienne de Caen; lesquels ensemble assemblés parlamentèrent tant que, le lendemain du jour de sainct Jehan-Baptiste, feut le traictié faict par la manière que s’ensuit; c’est à sçavoir : que les dessusdicts Anglois promeirent de mectre les ville, chastel et donjon en la main et obéissance du roy de France en dedans le premier jour de juillet, au cas que le roy de France et sa puissance ne seroient combattus des Anglois ; et moyennant ce, le duc de Som-
(4) Oxford. (2) Despenser,
breset, sa femme, ses enfants et touts les aultres Anglois qui s’en vouldroient aller s’en iroient, eulx, leursfemmes etenfants, chevaulx, harnois et aultres biens meubles; et avecques ce, pour les porteret mener, on leur bailleroit vaisseaulx et charroy pour les passer en Angleterre et non ailleurs, à leurs despens , à telle condition que les Anglois délibvreroient touts leurs prisonniers. Sy délibvreroient et laisseroient touts scellés, et sy quicteroient touts ceulx de la ville, tant gents d'église, marchands bourgeois et autres, quy leur debvoient, sans rien leur en faire payer, et sans encoires que pour ce ils leur ostassent rien du leur, quand ils se partiroient de la ville; et avecques ce laisseroient toute artillerie grosse et menue, réservés arcqs et arbalestres et coulevrines en main. Et pour entretenir les choses dessusdictes sans faillir, bailleroient les Anglois pour hostaiges , douze Anglois d'Angleterre, deulx chevalliers de Normandie, et quatre bourgeois de la ville de Caen. Et le premier jour de juillet en suivant, mil quatre cents cinquante, rendirent les ville, chastel et donjon de Caen, pource qu'ils ne feurent point secourus. Et en apporta les clefs aux champs pour le dessusdict donjon le dessus nommé bailly, etles meit ès mains du connestable de France, en présence du comte de Dunois, lieutenant général du roy de France, auquel incontinent les livra icelluy connestable, comme le capitaine et gouverneur d’icelle ville et chastel pour le roy de Francc. Et demeura le connestable aux champs pour faire vuider les Anglois et leur faire tenir chemin droict à Caen ; et au plutost après le comte de Dunois, accompagnié du mareschal de France, seigneur de Jalloingnes, debvant luy deulx cents archiers à pied, et entre deulx les héraulx et trompettes du roy de France, après luy joignant trois escuyers d’escurie, portants les bannières du roy de France, et derrière cent hommes d’armes à pied, entra par le donjon à pied dedans la ville et chastel, et feit mectre les bannières du roy sur le domjon et sur les portes d’icelle ville.
