CHAPITRE XXX

Comment ke roy de France se partit: de l'abbaye d'Ardaine et entra en la ville de Caen.

Le sixiesme jour de juillet, lan mil quatre

| cents cinquante, se partit le roy de France de

l’abbaye d’Ardaine pour entrer en la ville de Caen ; et monta à cheval accompagnié du roy de Sécille, du duc de Calabre son fils, du duc d’Allencon, des comtes du Maine, de Clermont, de Dunois, de Nevers, de Sainct-Pol et de Tancarville ; des seigneurs de Roy, de Coetivy, admiral de France ; des marcschaulx de France et de Bretaigne, et de plusieurs aultres grands seigneurs, chevalliers, escuyers, très grandement et richement habillés et vestus; et chevaulcha jusques auprès de la ville, atout deulx cents archiersdevantluy, avecques ses héraulx et trompettes, et derrière luy cent lances. Et là vindrent au-dehvant de luy, hors de la ville, avecques le comte de Dunois, les bourgeois de la ville, avecques grande multitude de gents; lesquels, après qu'ils curent faict la révérence au roy, luy présentérent les clefs de la ville de Caen, et il les receut bénignement. Après vindrent les gents d'église revestus, à grandes processions, ainsy qu'il est accoustumé de faire; puis entra le roy en ladicte cité de Caen; et portèrent lecielsur luy quatre gentilshommes, chevaliers et escuyers, demourants en icelle ville. Les rues où le roy passoit estoient tendues et couvertes à ciel bravement, et y avoit foison de peuple criant Noël.