CHAPITRE XLIII
Comment le roi assiégea Arras avec deulx cent mille hom-
mes, qui fut approchée et battue, et vaillamment deffendue.
Ne demoura gaire après que le roy eust envoyé son ambassade à Cambray, devers le duc de Brabant, qu’il s’en alla mettre le siége devant Arras, et laissa à Bapasme messire Gasselin du Bois, capitaine de la ville, qui fit faire le serment à tous ceulx de la ville. Vous avez oy comment le roy alla asségier la ville d'Arras a si grand'compagnie que on estimoit deux cent mille hommes. Si fut le roy logié en une maison nommé le Temple, et le duc de Guyenne assez près de luy, ès faubourgs ; et du costé de l’abbaye de la Tieulloye, furent logés le duc d'Orléans, les comtes de Vertus et d’Alenchon, et le duc de Bar; mais les plus honnorablement logiés furent le duc de Bourbon et le comte d’Eu ; car ils furent logiés au faubourg qui se nomme Baudimont, au droit chemin d’Arras à Lille ; lesquels ne povoient avoir que à très grand’'peine secours et aide de leurs gens, et si estoient à la venue par où la puissance du duc de Bourgongne povoit venir, sans le congié des aultres ; mais un bien y avoit pour eulx, car leurs logis estoient clos de murailles; mais aussi estoient-ils en la pleine saillie de la ville et cité, qui sont deux villes. Toutefois, quelque grand”puissance que le roy mist, qui fut estimée deux cent mille, si ne fut oncques la ville si asségiée qu’ils ne eussent deux portes ouvertes pour entrer et issir quand bon leur sembleroit. Auprès d’Arrassiet un petit chastel nommé Belle-motte, lequel durantlesiége, par appointement, ne feit point de guerre aux gens du roy, ne aussi les gens du roy ne luy feirent point de guerre; toujours toutes voies y demeurèrent les gens du duc de Bourgongne, pour ce que la ville d'Arras ne feut point que toujours ne peussent entrer et issir, ainsi que devant est dict. Si se faisoient de grands saillies et escarmouches, toujours à l’advantage des Bourguignons ; en-
tre lesquels s’en feit une envers la porte Sainct- Michel, en la prarie oultre une rivièrette, c’est assavoir ils se trouvèrent des gens du roy de six à sept vingts combattants, qui pardessus une planchette passèrent la rivière ; laquelle chose ceux de la ville véoient. Si envoyèrent le plus secrettement que faire se peust oster la planche ; et ce fait, par une petite posterne, saillirent sur les gens du roy; et quand les gens du roy veirent la puissance qui venoit sur eux, cuidèrent retourner, mais trouvèrent leur passage rompu, et la furent que morts que prins, de quarante à cinquante. Entre lesquels fut prins un gentilhomme nommé Cordellier, de Gironne ; et lendemain furent trouvés vingt ou plus en la rivière où la besogne avoit esté. Et pour parler des courses ou chevauchées que faisoient les gens du roy au pays d’Arthois, ce seroit long à raconter ; car tout le pays d'Arthois feut si pillé et détruit qu’il n'est point à croire fors à ceux qui le véoient. Entre autres courses, l’un des bastards de Bourbon, après la mort de son frère messire Hector, fut envoyé quérir aux écoles où il estoit à Paris, et le fiton venir au siége d'Arras; et pour luy bailler bruit et renommée, luy feurent baillés mille combattants, lesquels allèrent courre la comté de Sainct-Pol, où ils feirent de grands dommages, prinrent et ruinèrent biens sans nombre, et feurent devant la ville de Sainct-Pol, où le comte et sa femme estoient, laquelle estoit sœur au duc de Bar ; et plusieurs reproches, et déraisons et moqueries disoient du comte de Sainct-Pol, disants qu'il faignoit estre malade afin qu’il n'allast servir le roy ; et bien monstroit qu’il estoit Bourguignon, quand il avoit envoyé messireJehan de Luxembourg, son nepveu, et la plupart de ses gens au service du duc de Bourgongne; et pluiseurs autres paroles disoient de luy.
Après ce que le bastard de Bourbon fut retourné au siège devant Arras, un autre capitaine de deux cents combattants allèrent courre devant les villes de Luceux et Hesdin, où ils feirent maux innumérables, tant de bouter le feu, comme de prendre prisonniers; toutefois ceux de la garnison de Hesdin et d’autres places tenants le party du duc de Bourgongne se meirent ensemble, et poursuiveirent les François tellement qu’ils rescourrent la plupart des prisonniers, D'autre part, les garnisons tenants
MÉMOIRES DE SAINT-REMY
la partye de Bourgongne faisoient souvent de grand destrousses. Le duc de Bourgongne, qui grand desir et volonté avoit de secourir ceulx d'Arras, se conclud que il metteroit en peine de ruer jus l’avant-garde du roy; et feut tout prest pour ce faire; et feut mandé à ceulx des ville de Arras et cité, afin qu’ils fuissent tous prests pour saillir le plus grand nombre que ils polroient. Au jour qui avoit esté prins, se trouvérent les Bourguignons quatre mille combattants, desquels estoient capitainesle seigneur de Croy, messire Jehan de Ruppes, et pluiseurs autres, qui chevauchèrent ensemble jusques à trois lieues près d'Arras, où ils ordonnèrent leurs coureurs pour aller devant; desquels coureurs feurent Jacques et Arthus, frères, Loys de Boussu et autres, qui tous ensemble, de droite fortune, feurent prins des gens du roy et menés au siège. Et pourtant les gens du duc de Bourgongne scachants la prinse de leurs coureurs, et doubtants leur entreprise par eulx estre descouverte, feurent moult troublés, et sans rien besogner retournèrent. Durant le siége d'Arras, les gens du roy prinrent la forteresse d'Avesne-le-Comte, et une autre forteresse nommé Villers-le-Chastel, toutes deux séant à quatre lieues près d'Arras, où toujours avoit grand nombre de gens du roy qui gastoient le pays. Et avec ce ne se pouvoient faire assemblées de Bourgongne, qu’ils ne le seussent pour mander au siége. La ville d’Arras feut merveilleusement battue; et si feurent faites approches et mines couvertes et descouvertes, allants jusques aux murs de la cité, où paricelles les gens du roy cuidèrent secrettement entrer dedans, mais par une contre-mine feurent très vaillamment combattus.
