CHAPITRE XLIX

Des services et obsèques que le roy f:it faire solemnellement pour défunt Loys, duc d'Orléans, son frère.

En icelle année, le samedi veille des Rois, le roy fit faire solemnellement le service et obsèques du défunt Louis, duc d'Orléans, son frère, en l’église cathédrale de Nostre-Dame de Paris, qui encore n’avoit esté fait, présent le duc d’Orléans et le comte de Vertus, et les ducs de Berry, d’Alenchon et de Bourbon et pluiseurs autres, tous vestus de noirs habits. Le duc de Guyenne, fils du roy, s’estoit parti le jour d’avant pour aller voir la royne sa mère, et sa sœur la duchesse de Bretagne, qui estoient à Melun , et ne fut point à icelui service. Auquel service prescha le chancelier de ladite église de Nostre - Dame, nommé Jehan Gerson, docteur en théologie, en recommandant le feu duc d’Orléans, disant que la gouverne du royaume, administrée par Jui en son vivant, estoit meilleur, comme celui qui depuis y avoit esté. Auquel sermon il sembloit qu’il voulust plus esmouvoir la guerre que appaiser contre le duc de Bourgongne. Et disoit que pas il n’exhortoit ni conseilloit la mort du duc de Bourgongne ou destruction; mais icelui debvoit estre humilié, pour recongnoistre s0n péché, en faisant digne satisfaction, et parconséquent la salvation de son ame. Et outre, dit que l'exécution faite au caresme dernier passé, devant la porte de l’église Nostre - Dame, de la proposition jadis faicte et proposée par maistre Jehan Petit, au conseil de France, pour le duc de Bourgongne, contre le duc d'Orléans défunt, comme mauvaise et fausse, avoit esté bien faicte, et que encore ne avoit-on faict tant comme il appartenoit; et, comme il dit estoit prest et appareillé de ce soutenir partout et contre tous. Le roy estoit en un oratoire auprès l'autel, du droit costé, sans habit noir. Auprès de lui estoit le duc d'Orléans , devant tous autres, pour