CHAPITRE L

Comment aulcuns hommes d'armes et gens de compaignie faisoient plusieurs maulx au royaume ; et comment la paix quy avoit esté accordée et traictiée devant Arras feut parachevée à Paris, et derechicf jurée.

Or est vrai que, après la destruction de Tonnerre, que plusieurs hommes d’armeset de trait, qui avoient esté à ladite destruction, se tenoient ensemble, par manière de compaignie, bien sept mille chevaux, et en pluiseurs lieux faisoient moult de maulx ès pays du roy, tant en Auxerrois comme ailleurs. Pourquoi fut ordonné, par Je roy en son conseil, messire Gasselin du Bois, le seigneur de Gaucourt et plusieurs autres pour les combattre et subjuguer. Mais ils surent la venue des gens du roy; et en y en eut de deux à trois cents, que morts, que pris, et menés en chastelet à Paris ; et depuis en y eut d’exécutés et mis à mort. En après, Hector de Saveuse, qui avoit fait guerre, fut pris par les gens du roy en faisant le pélerinage de Nostre-Dame de Liesse, et mené à Paris ; et de fait, se n’eust esté le pourchas de la dame de Haynault, qui lors estoit à Senlis, comme sera dit ci-après, ledit Hector eust esté exécuté , et aussi que messire Philippe de Saveuse, son frère, feist prisonnier messire Henry de Boissy, seigneur de Chaulle, et Eustache d’Aine, seigneur de Sarton, lesquels deux avoient de leurs prochains amis au conseil du roy, qui feirent grandes diligences de la délivrance dudit Hector, afin que leurs amis fussent délivrés. Pour lesquelles besognes et plusieurs autres, nonobstant que la paix eust esté faite devant Arras, si y avoit-il peu de seu-

reté et d'amour, car la partie d'Orléans se tenoit devers le roy et le duc de Guyenne, son fils ; pourquoi ceux de la partie de Bourgongne n’avoient quelque aide en gouvernement devers le roy; mais estoient traités à rigueur de justice très durement. Et, en pareil cas, le duc de Bourgongne traitoit rigoureusement ceux de la partie d'Orléans qui lui avoient esté contraires les guerres durant. Néanmoins, tellement quellement fut la paix partraictiée durant icelui temps. La dame de Haynaut, à grand” compaignie et notable, estoit à Senlis, et avec elle les députés des trois estats de Flandres, moult notablement. En après y alla le duc de Brabant et le conseil du duc de Bourgongne.

Quand ils furent à Senlis, le roy les feist aller à Paris, excepté la dame de Havnaut , qui avoit commandement de son mari de ne point passer Senlis ; auquel lieu elle fut honorablement reçue par les ducs de Guyenne et de Berry, qui allèrent de Paris à l'encontre d’elle; et après fut visitée par les autres du sang royal. Comme devant est dit, l'assemblée se feist à Paris par l’ordonnance du roy; et là furent les princes, ambassades et conseils, tous, excepté la dame de Haynaut, qui envoya son ambassade, pour cause de ce qu'elle avoit défense de n’y point aller, comme devant est dit. Or est vrai que, apprès ce que plusieurs grands notables consaulx des gens du roy et du duc de Guyenne, avecques le duc de Brabant et les autres ambassadeurs , se furent tenus pour conclure la paix traictiée devant Arras, s’accordèrent les princes et seigneurs et conseil par si bonne facon que icelle paix fut criée et publiée à Paris, à son de trompe , le vingt-quatre febvricr. Et fut icelui traictié mis par escript; mais pour ce quedevant en est fait mention, je m'en passe à tant.

Les choses faictes et jurées, ainsi que vous avez ouy, le due de Brabant et les ambassadeurs retournèrent au pays; et bienbrief après furent ordonnés commissaires, lesquelles allèrent à Tournans, de par le roy, où ils trouvèrent le comte de Charrollois, et aussi le duc de Brabant et la comtesse de Haynaut , et autres plusieurs nobles, prélats et gens de bonnes villes de Flandres et des marches d'environ. Et là fut de rechief la paix jurée par ceux qui là estoient; et avec ce furent les députés du roy en pluiseurs des bonnes villes de Bourgongne, là où ils firent faire le serment de la paix. Puis après furent

MÉMOIRES DE SAINT-RÉMY

en la duché de Bourgongne, où pareillement firent jurer aux bonnes villes la paix, qui quatre fois avoit esté faicte; c’est assavoir à Chartes, Vicestres, Ponthoise et devant Arras. Et par les derraines lettres, estoient icelles paix bien au long rescrites, avec autres nouvelles choses que le roy y avoit fait mettre, comme le tout se poeult bien à plein voir par les chroniques, qui bien au long en font mencion.