CHAPITRE LI
Comment messire Guichard Dolphin feut envoyé en ambassade, de par le roy, vers le duc de Bourgongne, qu'il trouva en la forest du chasteau d'Argilly, près de Beaulne, se déduisant à la chasse, où il jura d'entretenir la paix, comme avoient fait les ducs de Bourbon et autres.
Le duc de Guyenne, qui lors estoit à Paris devers le roy son père, et gouvernoit le royaume de France, si fut conseillé qu’on enverroit de par le roy devers le duc de Bourgongne, notables ambassadeurs, pour lui requérir qu’il voulust jurer et confirmer les traicties qui nouvellement avoient esté faicts , ordonnés et accomplis, pour la vraie union et réconciliation des différends qui avoient esté paravant entre le duc d'Orléans, ses frères, et autres princes et seigneurs, leurs adhérents, à l'encontre du duc de Bourgongne, en quoi le duc de Guyenne avoit esté beaucoup travaillé depuis que il estoit venu au gouvernement dudit royaume de France, car il désiroit et vouloit sur toutes choses que les princes du royaume fussent tous en bonne union pour servir et secourir quand besoin seroit. Si furent envoyés de par le roy, en ce voyage, un moult notable et vaillant chevalier, nommé messire Guichard Dolphin , scigneur de Jaligny, et grand maistre d’hostel de France, et avec lui un conseiller du roy et un secrétaire. Si se partirent ces trois de Paris, et se trayrent en Bourgongne, où estoit pour lors le duc de Bourgongne; et sur chemin eurent nouvelles qu’il se tenoit en un sien chasteau, assez près de la ville de Beaulne, nommé Argilly, pour ce que ledit chastel est assez près de grands forets, et en lieu de chasse et déduit. Or est vrai que le duc de Bourgongne, qui longtemps n’avoit demeuré ni séjourné en son pays de Bourgongne, et qui voulloit bien avoir ses plaisirs et soullas, se advisa que, pour mieux avoir son déduit, tant de la chasse des cerfs, et les ouir braire par nuit, il se loge-
roit dans la forest d’Argilly, qui est grand’ et lée. Si fit tendre et ordonné ses tentes et pavillon au milieu de ladite forest, en grands plains qui là sont ; et dedans icelles tentes s’alla logier, et aussi la duchesse, dame Marguerite de Bavière sa femme et deux de ses filles, avec leurs dames et damoiselles. Et y avoit dedans lesdites tentes, la salle, la chapelle, chambres à parer et à coucher, et tout l’estat du duc et de la duchesse, autant que fussent logiés en l’une de leurs bonnes villes. Et demeurèrent là dedans icelle forest ainsi logiés plus de un mois en esbastement et en déduit. Eten ce mesme temps, vinrent en la ville de Beaulne les ambassadeurs du roy, dont dessus est parlé. Si firent savoir leur venue au duc de Bourgongne , pour savoir le lieu où seroit son plaisir qu'ils le trouvassent. Le duc, incontinent qu’il feut acertené1 de leur venue, envoya de ses chevalliers vers eux pour les convoyer et accompagner, et les enchargea de les amener le lendemain, sur
l'heure de la messe. Lesdits chevaliers firent
ce qui leur estoit commandé, et si chevauchèrent avec lesdits ambassadeurs, tant que vinrent ès fuorests, et de là vinrent ès tentes ; et là descendirent et trouvèrent grand’ foison de barons de Bourgongne , tels que le prince d’Orange, les seigneurs de Saint-Georges, de Ver- 8y, mareschaux de Bourgongne, de Neufchastel, de Reigny, d’Autry, et grand’ foison d’autres, qui tous estoient venus voir le duc et son nouvel logis; et vinrent recevoir lesdits ambassadeurs , et les menèrent devers le duc, qui estoit en un oratoire; et sur l’entrée de la messe, ils lui firent la révérence et présentèrent leurs lettres de par le roy, qui estoient de créance. Le duc les reçut en grand’ révérence, et les lut tout du long. Après qu’il eut lue icelles lettres, leur demanda de l’estat du roy, de la royne et de monseigneur de Guyenne, et de la duchesse, qui estoit sa fille. Ledit messire Guichard Dolphin en respondit bien et à point.
Après, leur dit le duc qui les orroit ? volontiers de tout ce qu'ils voudroient dire, et ordonna que on les menast en une belle tente, que au matin il avoit ordonné estre tendue pour les loger. Et quand la messe fut chantée , le duc se retrait 3 en une tente où estoit la chambre préparée; et là fut sa chayère et son conseil dreschié et
(1) Assuré. (2) Enteudroit, (3) Retira.
