CHAPITRE LIX
Comment les ducs d'Orléans et de Bourbon et le connestable envoyèrcnt vers le roy d'Angleterre, pour avoir journée et place pour combattre; de la réponse dudit roy, et comenent le roy de France mauda au connestable et autres princes qu'il feust combattu.
Les ducs d'Orléans et de Bourbon et connestable de France envoyèrent devers le roy d'Angleterre trois officiers d'armes, et lui faisoient savoir que pour accomplir son désir ils envoyoient devers lui; que ilssavoient bien que, dès lors que il estoit party de son royaulme, son désir estoit de avoir bataille contre les Franchois ; et pourtant ils estoient trois princes issus de la maison de France, lesquels estoient prests de lui livrer et fournir son désir et ce qu’il querroit; et s’il volloit prendre jour et place pour eux volloir combattre, ils estoient contents de ce faire ; laquelle par les députés de l’un et de l’autre seroit prise, non avantageuse non plus à l’un comme à l’autre, pourvu que ce fust le bon plaisir du roy, leur souverain seigneur.
Ainsi contenoient les lettres, en effet ou en substance, envoyées au roy d'Angleterre, qui les recut à grand’ joie, et pareillement lesdits officiers d’armes grandement et honorablement, et leur donna grandement de ses biens en don, et les renvoya sans faire response ; mais il envoya devers lesdits seigneurs Franchois deux de ses officiers d'armes, par lesquels il leur envoya response, qui fut telle : qu’il leur fit savoir que, depuis qu’il estoit parti de sa ville de Harfleur, il avoit contendu ! et contendoit de jour en jour en son royaulme d'Angleterre; et ne séioit en ville fermée ni en forteresse ; pourquoy si iceulx trois princes de France le volloient combattre, il n’estoit jà nécessité de prendre ni jour ni place, car tous les jours le pouvoient trouver à pleins champs, et sans frémetés nulles. Ainsi leur fit faire responce, lesquels de rechief envoyèrent devers le roy lui faire savoir qu'il avoit passé la rivière de Somme ; car auparavant avoient fait savoir le chemin que tenoient les Anglois, ainsi que cyaprès sera dit.
Après ce que le roy d'Angleterre scut et fut averti que de toutes parts du royaulme de France se mettoient gens sus pour le combattre et empescher son chemin pour aller à Ca-
(1) Prétendu,
MÉMOIRES DE SAINT-REMY
lais, sachant aussi la volonté de trois princes de France, qui désiroient de lui faire bataille, prit au partir de son logis et vestit cotte d’armes; et aussi les fist vestir à tous ceux qui cottes d’armes avoient. Et avec ce, ordonna que tous archiers, de là en avant fussent garnis d’un peuchon! aiguisé à deux des bouts ; et ainsi chevaucha de jour en jour jusqu’au jour de la bataille.
Quand les Franchois virent que les Anglois eurent pris autre chemin quela Blanche-Tache, et que ils montoient à mont la rivière de Somme, comme il est dit, ils envoyèrent devers le roi et le duc de Guyenne, pour avoir congé de combattre le roy d'Angleterre. Si fut la chose mise en conseil ; et fut conclu que le roy d’Angleterre seroit combattu. Et incontinent après, le roy manda à son connestable et aux aultres princes estant avec lui, que tantost se missent ensemble avec toute la puissance qu'ils avoient, et combattissent le roy d'Angleterre ; laquelle conclusion fut en brief temps scue en plusieurs lieux, tant au royaulme comme dehors, et qu'il soit ainsi. À la bataille, dont ci-après sera parlé, furent plusieurs nobles hommes des pays de Brabant, Hainault, Hollande, Zélande et d’ailleurs ; et mesme le duc de Guyenne avoit grand désir d’y aller, nonobstant que par le roy, son père, lui eust esté deffendu. Mais par le moyen du roy Loys et du duc de Berry, fut attargié®? de non y aller. Et adone, tous les seigneurs et tous les gens de guerre se partirent. Ils tirèrent devers le connestable, qui déjà estoit tiré devers le comte d’Arthois ; lequel, oyant la volonté du roy, envoya hastivement devers le comte de Charrollois, seul fils du duc Jehan de Bourgongne, pour lui signifier la conclusion prise pour combattre les Anglois, en lui requérant de par le roy qu’il voulsist estre à icelle journée. A quoi fut respondu par les seigneurs de Chanteville, de Roubaix et dela Viefville, qui estoient pour lors avec lui en la ville d'Arras, que sur sa requeste il feroit si bonne diligence que il appartiendroit; et sur ce se partit le messager. Jà-soit que le comte de Charrollois désirast de tout son cœur estre en icelle bataille en personne, et aussi que les gouverneurs lui donnassent à entendre que il y seroit, néanmoins leur estoit deffendu, de par le duc de Bourgongne, son père, et sur tant qu’ils pouvoient mes-
(1) Pieu, (2) Retardé, | |
prendre devers lui, qu'ils gardassent bien qu’il n'y allast pas. Et pour ceste cause, afin de eslongier, le menèrent de la ville d'Arras à Aire, auquel lieu furent renvoyés aucuns seigneurs de par le connestable, et Montjoye, roy d'armes du roy, pour faire requeste pareille au comte de Charrollois ; mais à bref dire, fut la besongne toutefois attargiée par les dessusdits seigneurs ; et mesmement trouvèrent manière de le tenir au chastel d’Aire le plus coiement et seurement que faire le pouvoient, afin que pas ne fust averti des nouvelles et de la journée de la bataille. Et entre temps, la plus grande partie des gens de son hostel, et aussi les nobles des pays de Flandres et de Picardie, qui estoient assemblés pour estre avec lui à la bataille, comme ils furent, qui savoient la besongne approcher, se partirent secrètement sans son sçu, et s’en allèrent avec les Franchois pour estre à combattre les Anglois. Et demeurèrent avec le seigneur de Charrollois, le seigneur josne! d’Antoing, et ses gouverneurs dessusdits , lesquels enfin lui déclarèrent, pour l’apaiscr, la deflense qu’ils avoient du duc, son père, dont il ne fut pas bien content. Et comme je fus depuis informé, pour la desplaisance qu'il en eut, se retrayt3 tout pleurant en sa chambre. Mais la noblesse qu’il avoit de Flandres et d’Arthois assemblée furent à la bataille tous morts ou prins. Et ce nonobstant, jai ouy dire au comte de Charrollois, depuis queil avoit atteint l’age de soixante-sept ans5, que il estoit desplaisant de ce que il n’avoit eu la fortune d’avoir esté à laditte bataille , fust pour la mort, fust pour la vie.
