LIVRE I, CHAP. XXXIHIL

une lieue près de Fallaise, à une abbaye nommée Sainct-Andrieu, avec luy le roy de Sécille, le duc de Calabre son fils, les comtes de Maine, de Sainct-Pol et de Tancarville, le vicomte de Lomaigne, messire Ferry de Loheraine et plusieurs aultres ; et le duc d’Allencon feut logié à Saincte-Marguerite, du costé devers Paris, et demy-lieue près ladicte abbaye, en ung lieu dict La Guibray. Et feut logié au plus près deluy le comte de Dunoisetle scigneur de la Forest, gouverneur des gents du comte de Maine. Au-dessoubs de La Guibray estoient logiés en une abbaye deux mille francs archiers, du costel devers le Maine. Au droict de la porte, près du chastel, feurent logiés le seigneur de Beaujeu, le seigneur de Beauvoir, messireJehan de Lorraine et Poton de Saincte-Traille, bailly de Berry, et de l’aultre costel, devers Caen, feurent logiés les comtes de Nevers et d'Eu, le seigneur de Cullant, grand-maistre-d’hostel, d’Orval, de Blanville, de Montenay et plusieurs aultres.