CHAPITRE XXXIIL

Comment le siége feut mis par les François devant Chicrbourg; el comment Fallaise feut rendue et mise en la main du roy de France. |

Ea ce temps le comte de Richemont, connestable de France, les comtes de Clermont, de Laval, leseigneur de Loheach, son frère, mareschal de France, lesseigneurs deRaïix, de Cotivy, admiral, leseigneur de Mongascon, le mareschal de Jalloingnes, le séneschal de Poitou, lescigneur de Montauban, mareschal de Bretaigne; les seigneurs d’Estouteville, de Moy, en Bauvoisin; le séneschal de Bourbonnois , messire Geoffroy de Couvran, Pierre de Louvain, Jennet de Tillay et Robertde Connyngham, et les gents du seigneur de Sainct-Sévère avecques deulx mille francs archiers, allèrent mectre le siége devant Chierbourg, quy est la plus forte place de Normandie, et y feurent longuement. Cependant, le onziesme jour de juillet , les Anglois de Fallaise traictèrent tant avecques le comte de Dunois que, par le commandement du roy, il leur bailla jour jusques au vingt-uniesme jour dudict mois,en dedans lequel jour ils promeirent rendre la ville‘etle chastel de Fallaise, et mectre en l’obéissance du roy de France, au cas qu'ils

neseroient secourus en dedans ce jour, pourveu

que leur maistre et capitaine, leseigneur de Tal-

demain se logea du costel devers Argentan, à | lebot, quy estoit seigneur d’icelle place du don

du roy d'Angleterre, lequel estoit prisonnier du roy de France au chastel de Droeulx, seroit délibvré de prison, et remis en liberté et franchise, et avecques ce seroit quicte de certaine promesse que iceluy Tallebot avoit faicte au roy de France. Et pour entretenement de ce que dict est, baillèrent les Anglois douze hostaiges. En dedans lequel jour iceux Anglois ne feurent secourus ; pour laquelle causeils rendirent ladicte ville et chastel de Fallaise, par la manière accoustumée. Dedans icelle ville et chastel estoient mille et cinq cents Anglois, , touts combattants, et les plus valliants gents et mieulx en poinct quy fuissent en la duchié de Normandie, de gents de leur nation ; desquels estoient conducteurs et capitaines sous Tallebot, André Troslop et Thomas Heton, lesquels s’en allèrent en Angleterre, touts leurs corps et leurs bienssaulfs. Et feut capitaine de Fallaise, de par le roy de France, Poton de Saincte-Traille, son grand escuyer des escuries et son grand bailly de Berry.