CHAPITRE LXI

Clignet de Brabant, tous deulx eulx nommants amiraux, le seigneur de Rambures, maistre des arbalestriers de France, et pluiseurs princes, barons et chevaliers fichèrent leurs bannières de grand’ liesse! avecques la bannière royale du connestable de France, au champ par eulx avisé et situé en la comté de Saint-Pol, au territoire d’Azincourt, par lequel lendemain debvoient passer les Anglois pour aller à Calais; et firent celle nuit moult grands feux au plus près de la bannière sous laquelle ils devoient combattre. Et, jà-soit-ce que les Franchois fussent bien cinquante mille hommes, et grand nombre decharriots et charrettes, canons et serpentines, et aultres habillements de guerre, tel qu’en tel cas debvoit appartenir, néanmoins si y avoit-il peu de instruments de musique pour eulxresjouir, et à peine celle nuict, de tout l’ost des Franchois, on n’eust ouy un cheval hennir. Je le sai, pour vérité, par messire Jean, le bastard de Waurin, seigneur du Forestel?, car en celle journée estoit du costé des Franchois, et j’estois de l’aultre costé des Anglois; de laquelle chose chacun avoit grant merveille; et n’y prendoient pas bon pied les Franchois, et aulcuns en disoient comme lendemain en advint.

Puis, quand che vint lendemain au matin, quy feut vendredy vingt-cinquiesme jour d'octobre, l'an 1415, les Franchois, assavoir le connestable de France et tous les aultres officiers du royaulme, les ducs d'Orléans, de Bar, d’Alenchon , les comtes de Nevers, d’Eu, de Richemont, de Vendosme, de Marle, de Vaudemont, de Blamont, de Salmes, de Grampret, de Roussy, de Dampmartin, et généralement tous les aultres nobles et gens de guerre, s’armèrent et issirent hors de leurs logis. Et lors, par le conseil du connestable et aultres sages du conseil du roy, feut ordonné à faire trois batailles, c’est assavoir avant-garde, bataille et arrière-garde ; en laquelle avant-garde furent mis environ huit mille bachinets, chevaliers et escuyers, et peu de gens de trait ; laquelle avant-garde conduisoit le connestable ; avec lui les ducs d’Orléans et de Bourbon, les comtes d’Eu et de Richemont, le maréchal Boucicaut, le maistre des arbalestriers, le seigneur de Dampierre, amiral de France, messire Guichard Dauphin, et aul-

(1) Joic.

(2) Nous avons de lui une Chronique manuscrite dont i

. existe une belle copie dans la bibliothèque royale.

cuns aultres capitaines; et le comte de Vendosme, et aultres officiers du roy, atout seize cents hommes d'armes, feut ordonne à faire une aile, pour ferir sur les Anglois d'ung costé; et l’aultre aile conduisoit messire Clignet de Brabant, amiral, et messire Louis Bourdon, atout huit cents hommes d’armes à cheval, gens eslus, comme l'on disoit et que depuis j'ai ouy dire.

Avec lesquels conduiseurs dessusdicts estoient, pour rompre le trait des Anglois, messire Guillaume de Saveuse, Hector et Philippe ses frères, Ferry de Mailly, Alliaume de Gapaunes, Alain de Vendosme, Lamon de Launoy et pluiseurs aultres jusques au nombre dessusdict. Et, en la bataille dessusdicte, furent ordonnées ung nombre de chevaliers et escuyers, et gens de trait, desquels estoient conduiseurs les ducs de Bar et d’Alenchon, les comtes de Nevers et de Vendosme, et de Vaudemont, de Blamont, de Salins, de Grampret et de Roussy; et, en l’arrière-garde, tout le surplus des gens de guerre, lesquels conduisoient les comtes de Marle, de Dampmartin et de Fauquenbergue, et le seigneur de Longroy, capitaine d’Ardre, qui avoit amené ceulx de la frontière de Boulenois. Et, après che que toutes les batailles dessusdictes furent mises en ordonnance, comme dit est. estoit grand’ noblesse de les voir ; et, comme on povoit estimer à la vue du monde, estoient bien trois fois en nombre autant que les Anglois. Et, lorsque che feut fait, les Franchois séoient, par compaignies divisées, chacun auprès de sa bannière, en attendant la venue des Anglois; et, en eux repaisant, et aussi des haines que les ungs avoient aulx aultres se pardonnèrent ; les aulcuns s’entrebrassoient et accoloient, par paix faisant, que pitié estoit à les voir. Toutes noises et discordes quy avoient esté en eulx, et que ils avoient eues du temps passé furent là transmuées en grand amour; et en y eut quy burent et mangèrent de ce que ils avoient. Et feurent, ainsi que il me feut dit, jusques entre neuf et dix heures du matin tenants pour certain, veu la grant multitude que ils estoient, que les Anglois ne povoient eschapper de leurs mains. Toutefois y avoit pluiseurs des sages qui doutoient à les combattre en bataille publique.

MÉMOIRES DE SAINT-REMY

14151 CHAPITRE LXIL.

De l'emprinse que dix-huit gentilshommes Franchois feirent contre la persoune du roy d'Angleterre ; et du parlement qui fut tenu entre les deux batailles; de la bataille d'Azincourt, où l'armée des Franchois feut de tous points défaite par le roy Heury d'Angleterre.

En ces ordonnances faisant, du costé des Franchois, ainsy que depuis l’ouys recorder par chevaliers nottables de la bannière du seigneur de Croy, s’eslirent ensemble, et jurèrent dix-huit gentilshommes, de toute leur puissance joindre si près du roy d’Angleterre qu'ils lui abbatteroient la couronne sur la teste, ou ils mourroient tous, comme ils firent ; mais avant ce se trouvèrent si près du roy que l’ung d’eux, d’une hache qu’il tenoit, le férit sur son bachinet un si grant coup qu’il lui abbattit un des fleurons de sa couronne, comme l'on disoit. Mais gaires ne demeura que tous ces gentilshommes fussent morts et détranchés, que oncques un seul n’eschappa, dont ce fut grant dommage ; car si chacun se fust ainsi employé de la partie des Franchois, il est à croire que les Anglois eussent eu mauvais parti. Et estoit chef et conducteur des dessusdits dix-huit escuyers, Louvelet de Masinguehem et Gaviot de Bournonville.

Quandles gens du roy d'Angleterre le eurent ainsi ouy parler, comme par cy-devant avez ouy, et faire ses remonstrances, cœur et hardement leur crust, car bien savoient qu’il estoit heure de eux deffendre, qui ne voulloit mourir. Aucuns de la part des Franchois voeullent dire que le roy d'Angleterre envoya secrettement deversles Franchois, par derrière son ost, deux cents archers afin qu’ils ne fussent perceus, vers Tramecourt, par dedans un pret assez près, et à l'endroit de l’avant-garde des Franchois, afn que, au marcher que feroient les Franchois, lesdits deux cents Anglois les verseroient de ce costé ; mais j'ai ouy dire et certifier pour vérité, par homme d'honneur qui en ce jour estoit avecques et en la compaignie du roy d’Angleterre, comme j’estois, qu’il d'en fust rien.

Or donc, comme dessus touché, les Anglois, oyantsle roy eulx ainsi admonester, jettèrent un grant cry en disant : «Sire, nous prions Dieu qu’il « vous donne bonne vie et la victoire sur vos « ennemis. » Alors, après ce que le roy d’Angleierre eust ainsi admonesté ses gens, ainsi

comme il estoit monté sur un petit cheval, se mist devant la bannière, et lors marcha atout sa bataille en très belle ordonnance en approchant ses ennemis; puis fist une reposée en icelle place, où il s’arresta. Il députa gens en qui il avoit grand fiance, et par lui furent ordonnés eux assembler et communiquer avec pluiseurs notables Franchois; lesquels Franchois et Anglois s’assemblèrent entre les deux batailles, ne sais à quelle requeste ; mais vrai est qu'il y eut ouvertures et offres faictes d’un costé et d’aultre pour venir à paix entre les deux roys et royaulmes de France et d’Angleterre. Et fut offert, de la part des Franchois, comme j'ai ouy dire, si il vouloit renoncer au titre que il prétendoit avoir à la couronne de France, et de tout le quitter et délaisser, et rendre la ville de Harfleur que de nouvel il avoit conquise, le roy seroit content de lui laisser ce qu’il tenoit en Guyenne, et ce qu’il tenoit d'ancienne conqueste en Picardie. Le roy d’Angleterre ou ses gens respondirent : quesi le roy de France lui voulloit laisser la duché de Guyenne et cinq cités que lors il nomma, et qui appartenoient et devoient estre à la duché de Guyenne, la comté de Ponthieu, madame Katerine, fille du roy de France, pour l'avoir à mariage, comme il l’eut depuis, et, pour joyaux et vesture de ladite dame, huit cent mille escus, il seroit content de renoncer au titre de la couronne de France et rendre la ville de Harfleur. Lesquels offres et demandes, tant d’un costé comme de l’autre, ne furent point acceptées; et retournèrent chacun en sa bataille. Ne demoura gaire depuis que, sans plus espérance de paix, chacun des deux parties se prépara à combattre. Comme devant est dit, chacun archer anglois avoit un peuchont aiguisé à deux bouts qu’ils mettoient devant eux, et dont ils se fortifioient.

Vérité est que les Franchois avoient ordonné les batailles entre deux petits bois, l’un serrant à Azincourt, et l’aultre à Tramecourt. La place estoit estroite et très avantageuse pour les Anglois, et au contraire pour les Franchois ; car les Franchois avoient esté toute la nuict à cheval, et si pleuvoit. Pages et varlets, et pluiseurs, en promenant leurs chevaux, avoient tout dérompu la place qui estoit molle et effon-

(4) Pieu.