CHAPITRE LXIL

drée des chevaux, en telle manière que à grant peine se pouvoient ravoir hors de la terre, tant estoit molle. Or, d’autre part, les Franchois estoient si chargés de harnois qu’ils ne pouvoient aller avant. Premièrement estoient armés de cottes d’acier longues, passants les genoux, et moult pesantes ; et par-dessous harnois de jambe, et par-dessus blancs harnois, et de plus bachinets de caruail. Et tant pesamment estoient armés, avec la terre qui estoit molle, comme dit est, que à grant peine povoient lever leurs bastons. A merveille y avoitil de bannières, et tant que fut ordonné que pluiseurs seroient ostées et pliées; et aussi fut ordonné, entre les Franchois, que chacun racourcist sa lance afin qu’elles fussent plus roides quand ce viendroit à combattre. Assez avoient archers et arbalestriers; mais point ne les voulurent laisser tirer ; et la cause si estoit pour la place qui estoit si estroite, qu'il n’y avoit place fors pour les hommes d’armes.

Après ce que le parlement se feust tenu entre les deux batailles, et que les députés furent retournés chacun avec leurs gens, le roy d’Angleterre, qui avoit ordonné un chevalier an-

Cien, nommé messire Thomas Herpinghen, pour

ordonner ses archers, et les mettre au front devant en deux aisles, icelui messire Thomas enhorta à tous généralement, de par le ray d'Angleterre, qu’ils combatissent vigoureusement contre les Franchois. Et ainsi chevauchant, lui troisième, par-devant la bataille des archers, après ce que il eust faict les ordonnances, jetta un baston contre mont qu'il tenoit en sa main, et en après descendit à pied, et se mit en la bataille du ray d’Angleterre, qui estoit pareillement descendu à pied entre ses gens et la bannière devant luy. Lors les Anglois commencèrent soudainement à marcher, en jettant un cry moult grant, dont grandement s’esmerveillèrent les Franchois. Et quand les Anglois virent que les Franchois point ne les approchoient, ils marchèrent vers eux tout bellement en belle ordonnance; et, derechef, firent un très grant cry en eux arrestant et reprenant leur haleine. Lors lesarchers d'Angleterre, qui estoient, comme j'ai dit, bien dix mille combattants, commencèrent à tirer à la volée contre iceulx Franchois, de aussi loing comme ils povoient tirer de leur puissance ; lesquels archers es-

toient, la plus grant partie, sans armures à