CHAPITRE LXIV

d'Angleterre, pour la belle victoire de sa bataille d’Azincourt, et aussi pour la conqueste d’un si noble port comme de Harfleur, fut très grandement loé et gracié du clergié et peuple de son royaulme , comme bien y avoit raison.

De Douvres alla à Cantorbie. Si luy vint audevant de luy l’archevesque, l’abbé et tous les religieux de ses églises, comme raison estoit. Puis, pour abrégier, quand eut là séjourné une espasse, il se init à chemin pour tirer à Londres, où il fut honorablement receu; et vindrent au- devant de luy à croix et gonfanons, avec toutes les reliques des corps saints. Quand il vint vers Sainct-Pol, il descendit de son cheval ; si baisa les reliques, et fit son offrande, puis se départit et entra en un batel sur la Thamise, et vint descendre en son palais de Wesmouster, lequel estoit moult richement paré et tendu , comme bien appartenoit à sa personne, et aussi pour l’honneur des princes de France ses prisonniers.