CHAPITRE LXIII
Comment le roy d'Angleterre, après la bataille d’Azincourt, tint son chemin vers Guisnes, et de là à Calais et à Londres, avec ses prisonniers, entre lesquels estoit le duc d'Orléans, qui feut trouvé entre les morts ; et comment il feut reçu en son royaume d'Angleterre.
En après, le roy d'Angleterre, se voyant demeuré victorieux sur le champ, comme dit est, tous les Franchois départis, sinon ceux qui estoient demeurés prisonniers ou morts en la place , il appela avec lui aucuns princes au champ où la bataille avoit esté. Quand il eut regardé la place , il demanda comment avoit nom le chastel qu’il véoit assez près de lui? On lui respondit qu’ilavoit nom Azincourt. Lors le roy d'Angleterre dit : « Pourtant que toutes batailles « doivent porter le nom de la prochaine forte- «resse où elles sont faites, ceste-ci maintenant et « pardurablement aura nom la bataille d’Azin- «court.» Puis, quandleroy et ses princeseurent esté là une espasse, et que nuls Franchois ne se monstroient pour lui porter dommage , et qu’il veyt que sur le champ il y avoit esté bien quatre heures, et aussi véant qu’il plouvoit, et que le vespre approchoit, se tira en son logis de Maisoncelles. Et là archiers ne firent depuis la desconfiture que deschausser gens morts et désarmer, sous lesquels trouvèrent plusieurs prisonniers en vie; entre lesquels le duc d'Orléans en
fat un, et pluisieurs autres. Iceulx Anglois por-
tèrent les harnois des morts en leur logis par ;
chevalliers; et aussi emportèrent les Anglois morts en la bataille, entre lesquels y fut porté le duc d’Yorcket le comted’Oxenfort, qui morts avoient esté en la bataille; et à la vérité les Anglois n’y firent pas grand perte, sinon de ces deux là. Quand ce vint au soir, le roy d’Angleterre fut adverty et sceut que tant de harnois on avoit apporté en son logis, fit crier en son ost que nul ne se chargeast néant plus qu’il en falloit pour son corps, et qu’ericore n’estoit pas hors des dangiers du roy de France. On fit bouillir le corps du duc d’York et du comte d’Oxenfort, afin d’emporter leurs osau royaume d'Angleterre. Lors le roy d'Angleterre commanda que tout le harnois qui serait outre et pardessus ce que ses gens emporteroient avecques les corps d’aucuns Anglois qui morts estoient en la bataille , fussent boutés en une maison ou grange, ‘où là on fist tout ardoir, et ainsi en fut fait. Lendemain, qui fut samedi, les Anglois se deslogèrent très matin de Maisoncelles: et, atout leurs prisonniers, derechief allèrent sur les champs, et sur le champ où avoit esté la bataille; et che qu'ils trouvèrent de Franchois encore en vie, les firent prisonniers ou occirent. Le roy d'Angleterre s’arrésta sur le champ en regardant les morts; et là estoit pitoyable chose à voir la grant noblesse qui là avoit esté occise pour leur souverain seigneur, lesquels estoient désjà tout nuds comme ceulx qui naissent,
Après ces choses faictes, le roy d'Angleterre passa outre, et print chemin vers Calais. Si . advint que, à une reposée qu’il fit en son chemin , il fit apporter du pain et du vin, et l'envoya au duc d'Orléans, mais il ne vollut ne boire ne mangiet; ce qui fut rapporté au roy d'Angleterre ; et le roy cuidant que par desplaisance le duc d'Orléans ne voulsist ne boire fe iangier, tira devers luy, disant : « Beau coù- « sin, comment vous va ?» Et le duc d'Orléans respondit : « Bien, monseigneur.» Lors le roy lui demanda : « D'où vient ce que ne voulez ne « boirene mangier ? » Il respondit que à la vérité il jusnoit. Si luy dit adonc le roy d'Angleterre : “ Beau cousin , faites bonne chière ; je connois “que Dieu m’a donné la grace d’avoir eu la “ victoiré sut les Franchois, non pas que je le « vaillé ; mais je croi certainement que Dieu les
MÉMOIRES DE SAINT-RÉMY
“a vollu pugnir. Et s’il est vray ce que j’en ay “ ouy dire, ce n’est de merveilles; car on dit “ que oncques plus grand desroy ne désordon - “ nance de voluptés , de péchiés et de mauvais « vices, ne fut veu, qui reignent en Franee au- « jourd’hui, et est pitié de l’ouyr recorder, et “horreur aux escoutants: Et se Dieu en est « courrouchié, ce n’est pas de merveilles, et nul «ne s’en doibt esbahir. » Plusieurs devises et entrevalles eurent le roy d'Angleterre et le duc d'Orléans; et tousjours exploitoient chemin de chevauchier en très belle ordonnance, ainsi que tousjours avoient faict, excepté que, après la bataille, ne portèrent plus cottes d'armes en chevauchant, comme par avant avoient fait.
Tant exploitèrent qu'ils arrivèrent à Guisnes, où le roy fut du capitaine de la place receu en grand honneur et révérence. Si sçachiez que tousjours il faisoit chevauchier et mettre les prisonniers franchois entre l'avant - garde et bataille.
Le roy d'Angleterre se logea dedans le chastel de Guisnes ; thais la grosse flotte des gensd’armes tirèrent vers Calais, moult las, et travailliés, et chargiés de prisonniers et de proyes, excepté les ducs, comtes et hauts baronsde France,queleroy d'Angleterre retint avec lui. Mais quand iceulx gensd’armes arrivèrent à Calais, où ils cuidérent bien entrer, pour eux refaire et aisier, comme bien mestier en avoient, car la pluspart d’eux tous avoient esté par l’espace de huiet jours ou dix sans mangier pain, mais d’autres vivres, chairs , beurres, œufs, frommages, tousjours quelque peu en avoient finé, si eussent alors voulu donner pour en avoir plus que on ne sauroit vous dire, tar si grand disette avoient de pain qu’il ne leuf challoit qu'il en coustast, mais qu’ils en eussent. Si est assez à penser que les povtes prisonniers franchois, dont le plus estoient navrés et bleschiés, estoient en grant destresse, car bien cuidèrent entrer tous dedans Calais ; mais ceux de la ville ne les vouldrent laisser entrer, exceptés aucuns seigneurs d’Angleterre ; et le faisoient afin que vivres ne leur faulsissent, [et que la ville, qui estoit en frontière, demourast tousjours bien garnie. Et par ainsi gens d’armes et archiers qui estoient chargiés de bagues et de prisonniers, la pluspart d'eux, pour avoir argent, vendoient à ceulx de la ville de leurs bagues et assez de leurs prisonniers; et ne leur chal.
loit, mais qu'ils eussent argent et fussent en Angleterre. Et d’autre part, en y ot assez qui mirent leurs prisonniers à courtoise rançon; et les recepvoient sur leur foy, et donnoient à che jour ce qui valloit dix nobles pour quatre, et ne leur challoit, mais qu’ils eussent du pain pour mangier, ou qu’ils pussent estre passés en Angleterre. Le roy d'Angleterre, qui estoit à Guisnes, sceult et fut adverty en quelle disette ses gens estoient , et il y pourvéy tantost, car, à grant diligence, il commanda que pourvéance de batteaux fust faicte; sur lesquels gens d’armes, archiers et leurs prisonniers passèrent en Angleterre, les uns à Douvres, les autres à Sandvich , où moult joyeux furent quand là se trouvèrent, et aussi pour la belle victoire qu’ils avoient eu contre les Franchois. Si se partirent et allèrent chacun en son lieu. Après, le roy, quand il eut séjourné aucuns jours à Guisnes, s’en alla à Calais ; et en allant se print à deviser avec les princes franchois, en les réconfortant amiablement, comme celui qui bien le scavoit faire; et tant chevauchèrent qu'ils vindrent à Calais, où le roy d'Angleterre fut recu du capitaine et de ceux de la ville, lesquels lui vindrent au-devant jusques au plus près de Guisnes; et d’autre part les prestres et clercs, tous revestus,avec les croix et fanons de toutes les églises de la ville, en chantant : Te Deum laudamus.
Hommes et femmes s’esjouissoient, et petits enfants, à sa venue, disants : « Bien venusoitle roy “ nostresouverain seigneur. » Et ainsi en grand gloire et triomphe entra dedans la ville de Calais, et là séjourna le roy aucuns jours. Si y tint la feste de Tous-les-Saincts; et tantost après fist apprester ses navires pour passer en Angleterre, qui furent prests de partir le onze de novembre ; mais avant son département vindrent par-devers lui les prisonniers de Harfleur, comme ils avoient promis. Le roy d'Angleterre fit faire voiles. Tantost qu'ils furent eslongiés de terre et entrés en mer, un moult grand vent s’esleva ; et fut la mer très fort troublée, et tant que deux des vaisseaux du seigneur de Cortouailles périrent en mer et tous ceulx qui dedans estoient, que oncques un seul ne s’en eschappa, que tous ne fussent péris et noyés; et mesmement aucuns povres prisonniers allèrent arriver en Zélande , au port de Zerixée. Toutefois le roy d'Angleterre arriva sain et sauf en Aogleterre, et prit terre à Douvres. Le roy
